HOURGLASS 好用推薦產品
HOURGLASS 唇彩 推薦產品一覽 5 件
Fng好用推薦:⌛️ hourglass 我買嘅色號係secretly, 佢係 輕微偏cool tone嘅顏色, 上嘴非常之貼服順滑,顯色度十分高, 同埋唔會令到個嘴起死皮, 持久度中上。
<看全文>綺羅香好用推薦:自從睇完一條美妝YouTube 片介紹之後,對呢支造型復古、低調優雅嘅煙管唇膏簡直一見傾心,好似柯德係電影Breakfast at Tiffany's拎住嘅長煙管,淨係拎上手已經有一股性感女神嘅味道,就忍唔住買下買下就咁買咗3支(可惜仲未買到新出Red0) 金色唇膏管閃閃發光,不過太容易沾指紋,金屬管身比較墜手,分上下兩部分,位於上部分嘅唇膏可以拆落嚟,用哂可以換第二支裝上去,顏色選擇多,但係唇膏分量偏少,一支1g都無,日日搽應該好快就要買新一支😂 唇膏色號要打開蓋先睇到,每個色號名稱都改得好特別,有長有短,而且一定會後面跟一條底線,等用家腦補一個故事上去,我手上有自帶氣場土調嘅I’ve been,可愛調皮嘅Secretly,同被稱為最溫柔乾燥玫瑰色嘅if only,最想入手嘅爛蕃茄色嘅at night 希望日後有機會買到 唇膏質地又軟又糯,顏色飽和度非常高,搽兩層已經遮哂唇紋同原本唇色,而且閃住金色嘅緞面光,滋潤度中中挺挺,纖細膏體方便精準勾勒唇形,配搭妝容或者隨便日常搽都非常適合,令人愛不釋手 #此生摯愛唇彩
<看全文>Katrina好用推薦:無意間睇到佢嘅介紹短片,效果驚艷到我立刻入手。完全冇令我失望。一搽嘅感覺係立即融化並包裹咀唇,非常容易推開塗抹。上咀後有微微清涼感,質地非常滋潤但一啲都唔痴笠,唔會痴住頭髮。完全係乾咀救星,非常啱秋冬用。不顯唇紋,非常有光澤感,完美玻璃唇妝。 顯色度亦相當不錯。 缺點就係佢唔係不脱色,同埋要小心控制扭出嘅份量,因為冇得扭返入去。除此之外效果我係十分滿意。我呢枝色號係slip , 非常易襯,就算超淡妝都啱用。呢個秋冬嘅大愛唇妝,必定有佢份。 #秋冬愛用美妝
<看全文>agnessstang好用推薦:金色鏡面長管設計🪞MLBB奶茶色🧋淡淡嘅裸色 適合淡妝或素顏嘅時候用 果凍唇效果 有豐唇感 搽到lip gloss嘅感覺但唔會太黏 搽上嘴有輕微涼感 有少少睇唇況 如果嘴唇比較多死皮會有啲搽到一嚿嚿咁 唔long lasting 食嘢飲嘢好快甩 膏體偏軟身 夏天會好似好少少溶咁☀️ 同埋扭咗出嚟扭唔翻入去⚠️ 所以每次扭好少就ok 扭太多會好難搽
<看全文>