防紫外線 推薦好用產品

Wasabi好用推薦：滋潤成份(甘油)及橘皮醣配合，提供源源不絕的水份滋潤，預防脫皮、粗糙 蘊含hyper gloss oil，長時間保持雙唇光澤再現 SPF18 • PA++保護唇部免受紫外線傷害 薄薄搽一層已經足夠滋潤，感覺吾會黏稠，之後帶口罩都吾會感到吾舒服，有SPF所以我個人會係日頭使用，睇到其他人心得覺得有點黏稠，但我個人覺得可以，本身冬天唇部都比較乾燥，另外自從帶口罩後少左飲水同長期遮住，唇部都容易乾，此產品可以補充唇部缺少水分！！

Karman28好用推薦：呢支唇膏都用過幾支了。係非常滋潤，用少量已經夠哂成個嘴唇，在冬天使用效果是非常好，解決到乾燥甩皮既情況。

iliya 好用推薦：Covermark Silky Fit 啞緻柔霧粉底嘅顆粒細而滑，上面嘅效果自然又貼服，而且不易脫妝，但遮瑕能力略為遜色🙈🙈🙈

Nicole好用推薦：一直聽人講Covermark依個牌子嘅底妝產品唔差，做咗幾日功課之後終於決定去專櫃試一下 顏色方面用咗櫃姐推介嘅SN20，上面之後比較自然，唔會過份白 Silky fit 比我想像中更加好用，粉質非常幼滑同細！上妝速度快又方便，上咗一層之後毛孔已經遮得七七八八，皮膚睇落去超級無敵好！妝效非常貼服，唔會浮粉、亦冇乜重粉感/面具感❤️ 唔會卡粉卡到一撻撻或上得唔均勻，眼紋同埋鼻翼位置都唔會卡粉 遮瑕效果可以少量咁疊加上去，唔會太厚重。一到兩層左右已經好勁，大致上可以遮到我嘅紅印同雀斑，但可惜未能夠完全對付到我個萬年黑眼圈XD 用後未見有敏感情況出現，上多兩層都唔覺得有負擔(*^^*) 見到自己皮膚好靚咁越用越上癮！ 目前為止未覺得乾，對乾皮膚非常之友善❤️ 同以前用過嘅粉餅差太遠，甚至好過氣墊！相信今個夏天至愛非佢莫屬 購入價$420，有盒同粉撲。粉盒設計太靚，令我忍唔住成日拎出嚟望XD 外型美觀大方，方便拎出街用~

Haidy好用推薦：去完泰國蘇梅島，完全冇黑過返嚟！ 油係油少少㗎喇，但係放黑能力真係冇得頂🥹 大家記得用呢款嚟查身！搽面嘅話，好容易生粒粒~ 不過佢仲有另外一款gel防曬，嗰隻搽面都幾好！ 超級推薦大家如果要同陽光玩遊戲嘅話查佢！

iliya 好用推薦：ANESSA一向都係好出名嘅防曬牌子，除咗防曬度高同防曬效果好好之外，塗上去又唔會好黏笠，最適合係夏日炎炎、天氣悶熱嘅時候用，而最重要嘅係塗上去之後又唔會白咗一大撻咁，效果自然，唧唧裝外出攜帶及補塗方便，真係防曬恩物！！！ #專櫃抵買好物

Selena好用推薦：呢支防曬嘅質地水潤，用左唔會有假面感🎭，不泛白，一啲都唔笠！我以前唔搽防曬就係因為試過嘅防曬好笠，自從用左呢支防曬後，我每日都堅持搽防曬！ 另外，呢支防曬唔會同我用開嘅護膚品打架，唔會起擦子膠碎。我會再回購呢支防曬！

Retinairis好用推薦：購買原因還是因為推薦。 買回來用後後悔了。 先不說味道有點刺激我的眼睛，因為我很多東西也有過這樣的問題。 可能希望越大，失望越大。 看照片可以看到是又厚又有油亮亮的膜。 在臉上還有感覺，是一層膜糊著。 10分鐘都還未乾………… 而且還和底妝打架呢～ 性架比是高，但用不了還是浪費錢。 只推薦窮學生黨((現在學生都比我還有錢((哭

chasiutung好用推薦：Paul and joe 防曬妝前乳SPF15 PA+ 配方提升至90%精華成分 加入Moisture Essence 保濕精華、四種透明質酸、保濕橙花水加強保濕功效而設最滋潤保濕的隔離霜 蜜桃色調色有點遮瑕度 質感滋潤 搽完上面有提亮同光澤感 有香氣味 瑕疵不多可以單用或加少量碎粉就可以出門 混油皮適合秋冬使用 上粉底後妝感貼服 無溶妝 吾卡粉 但不建議混油皮春夏使用 會有點笠同脫妝 使用後:

Milo101好用推薦：🌟這品牌的primer是我很喜歡的，是各方面都很平衡的一個妝前乳 🌟特別在夏天，會用這支白色蓋子的，有防曬SPF50+ PA++++ 🌟通常化妝前基礎護膚過後，有時不塗面霜，直接塗這支primer，因為它有很高的精華成份 🌟塗上時會有淡淡橙花香氣，加上樽身的顏值，清新優雅 🌟塗上後靜待一會，皮膚變得有透亮光澤感，沒有遮暇但有修飾膚況 🌟有潤澤感，透薄但仍然有輕輕黏黏的，可以稍稍遮暇+撲點定妝粉就可以出門了 🌟01色會重點塗作輕提亮，之前購物有時會送旅行裝，如果是02色（深色）會塗陰影位置，兩色推開後不會兩截色可以完美混合的 #底妝升級好物 @cosme

szecckwan好用推薦：一直對呢個牌子出嘅產品好有信心，佢今次呢個粉餅我都覺得超好用，用嚟補妝一流啊。佢嘅粉質一向都係偏細緻唔會好厚重，岩鍾意自然化妝嘅朋友朋友仔。令到皮膚有薄薄一層粉感。加埋佢有防曬以咁嘅價錢嚟講，真係好抵😌仲有佢個粉盒通常有好多款全部都係好少女🥰去開日本要買補妝嘅粉，可以一試呢個牌，大推

Ko好用推薦：以開架粉餅黎講 粉質算係幼細 但唔算輕薄 唔建議用係有眼紋嘅地方 coverage 中上

龍好用推薦：首先感謝@cosme抽中我作為試驗者之一，CANMAKE係一個我自己私心好鍾意既品牌來。佢除左價格相當親民，仲有產品都相當地好用。(ﾉ>ω<)ﾉ 今次試既係呢一款絲滑潤澤蜜粉，一共有兩隻色。01Beige主打自然，同02紫色主打透明感。 首先講左個包裝先，一樣都係非常之可愛。好吸引，同睇到都好開心❤️。 用感就分開兩邊，01我配合左同月亮粉底一齊用。我覺配合佢個粉底膏一齊用對我個人而言非常之乾。雖然一上個刻真係好絲滑，好抗油，可以keep到3～4個鐘。但之後嘴角、眼下就開始出現乾紋同卡粉既問題。我本人其實一向都有粉底過乾同長久就卡粉既問題，所以唔一定係產品有問題，係佢唔適宜我。 02我就嘗試左當素顏粉咁使用，佢的確有少少焦柔化毛孔既作用。都可以keep到幾耐下，大約都係4～5個鐘。而且無浮粉同乾紋既問題。但如果要再耐就一樣要補一補會好D。雖然佢話可以用水就咁洗走。我用水洗後再用化妝棉＋卸妝油再抹，上面有少少既紫色。所以我既建議係如果用就要好好地用洗面乳洗走個產品去，因為淨係用水仍然有少少既殘留。 總結就係我有機會想要做個有少少機心既女仔就會用來做偽素顏粉咁用。 第一張圖係全素

takemyokane好用推薦：多謝 @Cosme 送出試用❤️ 曾經有段時間十分愛用 Canmake 的紫色粉餅，後來因為轉用其他品牌的蜜粉就沒再繼續用。一直不知道原來也有出同色系的蜜粉呢！這次收到 01 號 Beige 色和 02 號紫色，含有 SPF23 及保濕成份，不用另外塗防曬。包裝是薄身的小盒，很適合帶去旅行。粉撲是超柔軟的毛毛質地。   我通常在上粉底液或氣墊粉底後再以蜜粉定妝。01 號 Beige 色基本上一般膚色都能用，可以化出偽素顏妝容。02 號紫色妝感超有透明感，令整體膚色 Tone up 去黃。可能是因為有保濕成份的關係，完妝時臉部毫無厚重粉感，過了半天也沒有乾裂的感覺。 超柔軟粉撲兩色可選兩色對比

Akassoo好用推薦：Clio嘅氣墊無論係黑方盒定粉方盒都好出名，而呢款黑方盒（色號3）係我人生中第一次用嘅氣墊粉底。 雖底色號係比較白，但本身諗住3號（自然亮膚）已經係深咗一度，結果原來都係偏白，所以如果下次買呢款嘅話我會試吓買3.5色號。 呢隻嘅好處係佢有SPF50+/PA+++，已經唔使另外搽防曬，黑方盒係啞面妝感，遮瑕力都幾高，持久度亦都好高。 不過個人覺得缺點係會氧化同埋鼻翼都會脫粉，當用咗大概超過八個鐘之後個粉底就會暗，而佢暗咗嘅顏色就反而比較啱我想要嘅顏色。 整體嚟講其實個妝感都幾靚，不過我會繼續試吓唔同類型嘅粉底先再考慮回購。

葉子🍃好用推薦：CLIO氣墊設計真心好靚，我買呢個係水晶奶茶色方盒，設計簡單，但入面好吸引眼球，佢係貓咪限量款，入面加左貓既元素，粉撲同氣墊都有貓印，令到我唔捨得唔帶佢返屋企，佢仲要靚得黎，係真係好用，我買左2號色（自然偏白色），微香，拍上面感覺好水潤、有光澤、貼服、妝感透簿、唔會有焗同掹緊，暗瘡皮膚都無惡化同敏感，最鐘意CLIO既遮瑕力強，好適合我用黎遮斑遮印，趕時間出門拍兩拍就可以，SPF50高防曬足夠日常，持久力唔算強要補妝，但控油平衡得幾好，出少左油，就黎用完，黎更想試下買返細粒裝，方便出街 #我的崇光感謝祭必買氣墊粉餅

Kuma好用推薦：我係其他分享都有講過雖然我唔係經常皮膚敏感嘅人群，但對於mark明敏感肌適用嘅產品都有種迷の執著同偏見覺得佢成份會好溫和XD Anessa應該可以話係開架防曬始祖，以前見得最多嘅係金色樽個款，最近見到有埋粉紅色呢支話係敏感肌適用嘅防曬，敗家女又出動again ♪ 第一次用之前唔記得搖匀，擠咗水油分開嘅液體出黎，所以我諗佢mark住一定要搖匀XD因爲呢款防曬不具調色效果，如果當日會化妝我就會用呢款防曬，唔會影響粉底or遮瑕顔色。 質地的確都好milky，非常易推開，聞唔到有特別嘅香料味，但我唔太鍾意油份多嘅防曬（尤其香港嘅夏天！！又濕又熱！）所以上粉底之前都會拎紙巾印一印多餘嘅防曬先，如果唔係上粉底會起擦子膠碎…強烈建議搽完要上碎粉 價錢如果唔係減價其實都就快同專櫃貨差唔多，建議sis可以喺減價嘅時候多多囤貨用到冬天XD —————— ♪ 流動性：★ ★ ★ ★ ★ ♪ 滋潤度：★ ★ ★ ★ ☆ ♪ 性價比：★ ★ ☆ ☆ ☆ —————— #火熱新品

mandy好用推薦：ANESSA Perfect UV Sunscreen Mild Milk 極防水輕爽低敏UV乳液 SPF50 PA ++++ $138-209不等 /60ml 開架品牌的敏感肌防曬不多選擇， 除了Anessa外，好像Cancer Council也有推出。 極防水輕爽低敏UV乳液是專為敏感肌而設、 成分溫和的防曬乳，質感水潤好推不泛白， 易於均勻在全面塗抹。 使用感清爽輕盈不焗束，用後不會有厚重悶熱感。 配方以防曬成分為主，亦添加了鎮靜消炎成分， SPF50 PA ++++達足夠防曬保護， 户外活動也可以安心使用。 其實即使不是敏感肌也要記得使用防曬產品， 如需要外出，就需要保護肌膚做足防曬，減少光老化。 含防曬成分: 氧化鋅, 二氧化鈦, 二乙基氨基羥基苯甲酰苯甲酸己酯, 2，4-雙((4-(2-乙基-己氧基)2-羥基)-苯基)6-(4-甲氧基苯基)-1,3,5-三嗪, PEG/PPG-14/7 二甲醚 及 乙基己基三嗪宗 保濕成分: 丁二醇, 甘油, 乙基玻尿酸鈉 及 氫氧化鋁 抗衰老成分: 甘油, 乙基玻尿酸鈉 及 維他命E 抗氧化成分: 甘草酸鉀, 乙基玻尿酸

Fng好用推薦：cle de peau 呢支粉底霜係比較高遮瑕， 用少少夠覆蓋全臉， 同埋妝感唔算好厚， 持久度都高， 每樣都表現中上， 值得回購。

maylam好用推薦：朋友之前用過覺得唔啱佢 所以就送咗比我 呢支粉底霜而家好似已經停咗產 At least香港官網已經冇了 我自己用落覺得遮瑕幾好 對瑕疵同毛孔嘅修飾度都幾高 完妝望落都幾乾淨 不過都因為咁所以妝會比較重少少 我自己都接受到 呢個粉底霜會有暗沉 所以要定妝先會好d 粉底霜嘅控油度中上 大夏天應該唔太頂到 我喺夏天轉秋天咁上下時間用就幾啱 Overall黎講我自己都ok鐘意呢支 不過可以用嘅季節時間唔算多

瑪拉好用推薦：我係黃二白！用嘅色號係OC-B1！ 當時會買係因為出街個妝浮粉唔貼，想即刻卸咗佢，見呢個粉底好平，所以就盲目入手。 點知一上裝就好貼，當然我係一個油肌，所以呢個三四個鐘之後就會出油好犀利，但係如果用碎粉同定妝噴霧一齊用嘅話，會好持久。補下妝就可以解決到出油嘅問題！ 有五成嘅瑕疵度，再配合遮瑕膏，會得到一個好好嘅妝感，完勝我手頭上大部分嘅粉底，性價比好高！

Noel好用推薦：Media 的明星商品，保濕礦物粉底 SPF25 PA++， 這是我第一次嘗試的粉底霜，整體滿意❗粉底霜呈奶油質感，很 creamy 很柔滑，手指觸感和面部的感覺也很舒服，用 Beauty Blender 上妝很順手，遮瑕度有 ＋7成👌防曬指數就很一般，記緊要用高 SPF打底。 這個底妝很滋潤，乾紋沒有跑出來 say hi🤣 帶妝 8小時，會有些小暗沉，大約 0.5度左右，還好。額頭及鼻側都有點出油。建議用這罐粉底霜時，可配控油力強，而且明亮少少的乾粉定妝。

何何好用推薦：無論冬天同夏天，都要做足防曬，呢支sofina ip防曬smooth milk之前一直回購，日頭返工會當佢日霜用，唔泛白，夠潤，又輕身滑身，防曬系數好夠，spf50+ pa++++, 雖然冇乜調色效果，但上面係舒服唔乾。 但係呢年香港周圍搵佢都搵唔返，得返同系列smooth cream.... 可能要係日本先有？？？

LenaC好用推薦：Sofina 既呢枝美容防護霜 防曬度極高SPF50+PA++++ 但配合佢獨特嘅植物菁華同高保濕ceramide配方 一啲都唔杰唔油膩唔黐立 質地極之水潤 係白色超水潤乳狀既奶油質地見佢防曬到咁高以為塗抹後會或多或少有啲黐立感 但佢完全冇 用後感覺似用緊保養品 好易推勻 且能迅速和肌膚融合塗後感係非常光滑平順 發揮SPF50+PA++++高效防曬之餘 仲可以為素顏增加光澤感佢既護膚保濕成分更加可以同時為肌膚抗氧 做到保濕、修護、防曬 全天候抗老化！非常推薦！

mcosmetics好用推薦：見到有好多YouTuber都分享乾機適用呢個密粉，所以去咗SOGO啟德 Bobbi Brown 專櫃買。我用pure glow色號。粉質好幼細上面冇份感，但係本人T字位會出油，佢完全冇控油效果。不過包裝好好，有鏡，有塊膠隔開粉撲同粉末，有過篩粉末可以更加幼細，本身附送粉撲都好舒服。希望佢可以出一個控油力多少少嘅版本。

DeniseWun好用推薦：好開心可以收到呢支蟲草抗氧修護精華粉底液同蟲草抗氧修護微光蜜粉。用完粉底液整體效果都非常滿意，係自然透光既奶油肌。下面呢張相係搽完粉底液既效果。 遮咗絕大部分嘅紅印，調整咗膚色。咁跟住就要試埋個碎粉。不過收到嘅碎粉係試用裝， 正貨應該有個網可以隔一隔d粉，令到上粉均勻一d。不過呢個包裝都冇損產品既實際效果， 連埋先前既粉底液，上完碎粉，我原本粗大既毛孔都遮到9成，而且依然唔會乾重保留到粉底液打造奶油肌既光澤感。戴口罩出完街，返到屋企妝容依然keep到，有泛油冇溶妝，而且口罩上沾到既粉係極少，不過因為衛生問題我返到屋企好快掉左個口罩唔記得影低。

Conw好用推薦：covermark粉底已用了十年，每逢需要一整天長時間帶妝，我一定會用covermark粉底。 質感： 霜狀，盒內是固體但觸碰會感到是非常濕潤的霜狀。 延展性很好，少量已可上全面 妝效： 啞光，薄塗一層會有微微光澤，厚塗會較啞緻但未到霧面 中到高遮瑕，可無限堆疊視乎所需遮瑕度 出油後會變奶油肌 4，5小時後會稍稍暗半度左右，剛好會補一補乾粉，問題不大 使用感受： 不建議用掃全面上這粉底，相比其他粉底covermark較［啜］會較難上得均勻。 我通常是用打濕的美妝蛋輕輕印在粉底上取粉，在面頰中印第一下，再以彈壓方式上半臉再取粉再上另外半臉，再取粉上額頭。 薄塗的話取3次粉已足夠，要增加個別地方遮瑕度才需重覆上第二層。兩層的話眼圈已遮掉8成，不需另上遮瑕膏。😍 上完粉用美妝蛋不停印壓全面30秒左右，粉底會［咬］實皮膚，碎粉定妝後，這粉底維持一整天都不是問題。 時間長遮瑕度會降低但不會起白芝麻或一撻撻，補妝亦不會結塊。 色号方面建議靠櫃試試，fr色系個人覺得太粉，選fn色系會較好，日系粉底來說色號不算白，健康膚色也能用。 最重要是不悶痘！❤長時間帶妝都okay 👍

Nicole好用推薦：第一次用粉底霜就比咗Covermark，同另一款粉餅silky fit一齊買嘅，都係對乾皮膚好友好嘅底妝產品(*^^*) 之前都上網睇過唔少資料，當時都已經好心動下，去專櫃試嘅時候就馬上愛上依個產品，即刻比錢買咗 色號揀咗FN20，比較自然嘅顏色，中中挺挺唔會好似其他日本牌子咁偏黃 雖然望落去係膏狀，但上到皮膚嘅時候就變到好似液體咁好好推，完全唔會出現一舊舊或者上得唔均勻嘅問題！ 用好少就已經足夠上曬成塊面💕 我估一盒用大半年都唔係問題 依款產品本來就比較高遮瑕度，所以本身薄薄地上一層已經可以做到好優秀嘅修飾效果，我臉上面嘅毛瑕丶雀斑什至泛紅嘅地方都已經遮曬，我會係均勻膚色之後再用少少嚟做返重點遮瑕，真係未見過自己皮膚咁好，手機啲美顏相機app全部都Del得😭 上完之後會有少少妝感，但用量控制就好就唔會好厚重或者好似帶咗面具咁（好好好少咁上XD），都幾自然輕薄❤️❤️ 保濕力唔差，就算皮膚乾都值得一試，夏天掃多層碎粉就唔洗怕出油問題 至於敏感皮膚，我用完之後都未見泛紅、痕或者起粒粒 目前比較可惜嘅係比較貴，Refill就5XX，連盒買就$735 但搵到一款啱用嘅粉底，貴少少

楊壯碩好用推薦：LA ROCHE POSAY UVIDEA ANTHELIOS TONE-UP (ROSY) SPF 50+ PA++++ REVIEW 「理膚泉每日高效提亮防曬霜 (粉色) SPF 50+ PA++++」測評 綜合評分：4.33/5，詳情如下—— 使用感：5/5 ▶️霜體流動性不高，延展性佳，質地在歐美系防曬中都算作輕盈不厚重，但未達到日韓系防曬那種水感透薄的程度，可以形容為油潤但不油膩。 ▶️使用感較溫和，沒有在我臉上導致過敏或粉刺，也沒有刺激我的眼睛導致不斷分泌眼淚（我用有些化學防曬的時候眼睛會泛紅流淚）。 妝效：4/5 ▶️肉色防曬霜（雖然產品名寫了rosy但並非粉紅色霜體），用後有提亮膚色的效果（見下附前後對比圖），並且會令皮膚看上去更加有光澤感（或可稱為「油亮」？），無遮瑕度。 ▶️由於它是oil based的防曬，有可能會令後續粉底液更易融解移位，故此需要用散粉做好定妝。 防曬效果：4/5 ▶️我是作為日常通勤防曬使用的，早上護膚後擦完這款防曬再化妝，之後一整天都沒有補擦，到了夜晚時間T區的底妝和防曬基本已經融了，不過由於大部分時間我都在室內，所以未曾發現有曬黑跡象。 ▶

Misscharlot好用推薦：依支嘢我喺日本買嘅。見係La Roche posay 出就有信心，冇試到佢個顏色就買左。我用嘅話係會白左幾度所以好少用其實。不過如果想好快出門口而又啱膚色嘅其實係有提亮效果，而且佢有50 +SP F防曬

Cy好用推薦：之前一直用開biore藍色個款，佢個質地我係勁中意擦上去清爽又唔油膩，但用曬之完想轉試物防曬，咁本身想買Dr.Wu嘅物理化曬見網上啲人都話好，但搵唔到想買嘅個支🥲 之後就轉左買Anessa呢支物理+化學防曬，無酒精無香料又無色素不泛白，用後感得呢支係實力防水防曬😆 防曬力)Anessa唔使多講，個人覺得基本上唔會曬黑，SPF50+PA++++ 質地) 質地好輕盈，擦落係好絲滑嘅feel，有種形成一層保護膜嘅感覺，擦上去有少少油感但又唔會話好笠，而吸收速度都快。 幾啱妝前使用，冇潤色效果 見佢有遇汗禦強防摩擦技術，可以延長防曬時間，唔使話太勤力補防曬，啱曬我呢啲懶人😂 依家出街戴住口罩又熱塊面好易出汗，成日要抹汗，之後有次除口罩男朋友都哇左聲話我塊面有好多粒汗珠😂尷，咁但係防水汗同防磨擦方面真係幾ok。 防水防汗抗摩擦測試埋) 隻手背用毛巾磨擦完再噴左啲水試下佢防水力同抗摩擦力，如圖，係形成一粒粒嘅圓形水珠狀態👍🏻利申非打手純粹用後感🤣

robinsbk好用推薦：本身係大乾肌+間中敏感 所以一直都係搵啲物理防曬嚟用 唔會對皮膚造成傷害 但以前好多物理防曬都會好笠好有存在感/粉粒感重🫠但呢隻質地真係易推! 水潤得嚟唔黏笠! 重點係真係long lasting+防到曬!! 之前夏天出海玩2-3個鐘唔補之下塊面都無曬黑無曬紅 船P全日8個鐘 補一次就OK都係無黑 (不過有戴帽) 推介俾所有乾敏肌!! 佢好似係萬寧watson都幾常做優惠 上年同frd夾一人一枝都係百6蚊左右~

Kakar好用推薦：佢既質地比較滋潤，同埋無特別既香氣，唔擔心佢有對皮膚唔好既香料，完全唔會加重皮膚既負擔。 呢排天氣乾燥，塊面一有少少敏感，我就會用呢支cream，厚搽過夜，第二日就會無事，唔再紅。不過呢支cream 我唔會全面搽，因為面部有局部出油的問題。如果搽一d太滋潤既cream,有機會會有暗粒或者焗瘡，所以我只會用起乾燥皮膚既位置。 總括黎講，呢支cream 用係敏感或者乾燥肌，係非常有效，十分推薦。

Miu Lai好用推薦：開始進入秋冬季節，皮膚變得更敏感，容易泛紅又變得乾燥，今次推介Physiogel 抗敏紓緩乳霜（面部系列），為敏感及乾燥皮膚打打氣！ Physiogel抗敏紓緩乳霜（面部系列）有效改善面部乾燥、敏感及泛紅，強效保濕滋潤，成份不含防腐劑、香料、色素，大朋友小朋友、敏感及濕疹性肌膚都合適！ 用後感： 1. 白色乳霜，無香味，質地輕盈，容易推開，有助肌膚吸收，有即時滋潤乾燥肌膚的效果。 2. 持續使用有效舒緩泛紅及乾燥。 3. 補濕效果很好，修復肌膚鎖水屏障。 醫學美容品牌，信心保證，值得推薦!

mandy好用推薦：RMK Liquid Foundation Flawless Coverage 原美零瑕絲絹粉底液 SPF20 PA++ $420 原美零瑕絲絹粉底液帶保濕成分， 質地較水感，延展性高，極易推開及上妝。 可以完美遮蓋毛孔及面上的泛紅位置(really flawless)。 妝效自然透薄不厚重，使用感舒適，不會感到很焗或很悶熱。 完妝為自然不誇張的光澤肌。 防曬保護足夠讓一眾在室內工作的OL使用， 如需戶外活動則可預先用SPF50 PA++++的防曬。 可惜持妝度較為一般，午後需要稍作補妝。 成分方面，除了防曬成分，同時加入保濕、抗衰老等美肌成分，可以化妝同時護膚。 含防曬成分: 二氧化鈦, 桂皮酸鹽, 鈦/二氧化鈦 及 氧化鋅 保濕成分: 矽靈, 雙甘油, 丁二醇, 氫氧化鋁, 氫化卵磷脂, 角鯊烷, 乳木果, 乙醯葡萄糖氨, 玻尿酸鈉 及 水解蠶絲蛋白 控油成分: 氫氧化鋁 抗氧化成分: 角鯊烷, 乳木果, 乙醯葡萄糖氨 及 玻尿酸鈉 抗衰老成分: 角鯊烷, 乳木果, 丁二醇, 鈦/二氧化鈦 及 玻尿酸鈉 鎮靜消炎成分: 乳木果, 乙醯葡萄糖氨, 氯化鋅 及 玻尿酸鈉 油性

Yin_sharing好用推薦：質感輕盈水潤，妝容都幾貼服。而且遮瑕力及持妝度都唔錯。只要妝前做好保濕，全日嘅妝容都keep得唔錯。

Fish Tse好用推薦：哩款防曬底霜有提亮既功效防曬系數仲係SPF50+ PA++++，好適合驚會曬黑既sis，重點係唔會同底妝打架 仲有促進膠原自生、添加亮白成分m-傳明酸，由肌底開始抑制黑色素形成，打造透明感、光澤肌膚 有提亮既效果會比人有種感覺好似天生就係有好好既皮膚，令人羨慕。抑制黑色素形成會令皮膚冇咁多斑斑點點

hoilamkhl 好用推薦：防曬質地易推水潤 搽上面1秒化水 超級清爽 夏天用完全冇負擔 之後再上底妝等等都唔會卡粉或者搓泥 我買呢支係提亮 但我覺得提亮效果偏弱 但質地真係好舒服 之前有用過其他牌子嘅防曬 用完之後好容易生痘痘 但係呢一支防曬做好正常清潔 就ok

PorscheB好用推薦：呢枝Afterglow lip balm 已經係第二枝 顏色是 orgasm，偏桃橙色 加啲閃粉 上咀效果好自然 ，而且有足夠滋潤度 官方介紹仲話可以 將Afterglow護唇膏點印在雙頰最高位置， 可達致自然啞緻的提亮效果。🫶🏻 下次回購會試下呢個用法

Mimi好用推薦：潤唇膏顏色係王牌orgasm, 顏色係幾靚，搽完有好氣息嘅感覺，不過整體偏乾，唔夠滋潤～