嘴唇乾燥・脫皮 推薦好用產品

Nicole 好用推薦：蔗糖磨砂顆粒是比較明顯的，味道也很好聞，甜甜的焦糖香，打圈按摩兩分鐘，再用浸濕的化妝棉擦掉，真的能去除很多死皮，平時我大約一周用一次。

WSY好用推薦：顆粒偏向粗生，可以幫嘴做一次徹底的去角質。用完可能要查返潤唇膏！

iliya 好用推薦：呢款係有色潤唇膏，唔會好油膩，但係足夠滋潤，素顏果時用就剛剛好！

mandy好用推薦：Philosophy Kiss me tonight Lip Balm   我的雙唇很易乾燥, 所以特別重視潤唇膏。 以前也用過某些明星潤唇膏, 可是質地太油太笠我不太喜歡。 這款潤唇膏做到滋潤卻不油膩, 質地非常輕盈, 用完嘴唇不會充滿油光, 但又感到滋潤。 Kiss me tonight Lip Balm 不是只有晚上可以用, 日間也可隨時使用, 也可當急救唇膜厚敷嘴唇或是唇妝打底。 使用後, 雙唇滋潤飽滿, 帶輕微光澤, 唇紋也不明顯。 含保濕成分: 蓖麻油, 乳木果, 甘油 及 醋酸鹽維他命E 油性滋潤成分: 蓖麻油, 乳木果 及 橄欖油 抗氧化成分: 乳木果, 葵花籽油, 橄欖油, 醋酸鹽維他命E, 甜菜根萃取, 印度楝葉萃取, 棕櫚酸維他命A, 鱧腸萃取 及 維他命E 鎮靜消炎成分: 葵花籽油 及 鱧腸萃取 肌膚修復成分: 甘油, 棕櫚酸維他命A 及 氫化卵磷脂

Rin好用推薦：好似是買東西剛好差點錢就夾單買了 是有個味道，奶奶地，塗上唇好像用乳液的味道 有4.8g, 比較大枝 滋潤度：剛上唇是可以，有點油笠的感覺 相對就有水潤反光在唇上，大概5分鐘後就沒有 放在公司用，沒有曬太陽不知道是否抗融 包裝簡約，扭上落順滑

Kpl6be6好用推薦：質地略嫌厚身～感覺只停留喺唇表面～無滲透吸收～不過價錢咁平～唔可以要求咁多啦～

mcosmetics好用推薦：又平又好用！我超級乾唇所以喺英國見到呢隻 ultra conditoning就買左～好潤keep住補搽好方便，味道好好聞，淡淡地蜂蜜薄荷味。但對如軟化死皮冇乜用。搽係唇膏面頭會有光澤而睇落唔油膩👇🏻🩷

AmyAmy好用推薦：性價比高嘅一支潤唇膏，而且容易買到，好多地方都有得賣，滋潤得來唔會太過油膩，而且就蜂蜜味好香

Jane好用推薦：Rose色比較適合淺唇人，我唇色較深唯有用黎做日常素顏搽，化妝時就會揀其他唇膏。

Lumi Kwan好用推薦：黃糖系列唔會陌生，買fresh好多時都會連帶唇膏做gift，潤色護唇膏官方話有24 小時保濕滋潤，查上去感覺好滑，好似有層油包住，少少甜味，色系較女性化，如果本身唇色淺嘅人應係個唔錯選擇。不過略嫌小少黏，上咀已有溶化感覺，而且好易痴到頭髮。

Cc2016好用推薦：鍾意caudalie嘅產品成份天然，呢支潤唇膏搽落唇質感好滋潤，夜晚搽厚d第二朝感覺唇紋都少d

Josephine Lau好用推薦：不斷回購，CP值高。 滋潤度不錯，無色無味。 一家也用它，推薦。

A&R好用推薦：都有少少滋潤，但係會甩皮，好似擦子膠咁樣甩皮。一支都用唔晒就唔再用。

Sarah好用推薦：中學時比較無知所以用左幾年，開頭覺得佢好滋潤，後來嘴唇越來越乾，搽潤唇膏頻率越來越高，去到後期直頭成日甩皮。自己皮膚脆弱可能是其中一個因素，但佢的確係破壞左我的嘴唇皮膚健康，停用了兩年先回復返正常水平，但始終都係偏乾，簡直離譜。

Queenie好用推薦：曼秀雷敦 滋潤 蜂蜜 潤唇膏 經常長死皮的嘴唇 用完就不掉了 春夏秋冬都適用

Hamiii好用推薦：日本購入， 甜甜蜂蜜味 保濕度足 質地偏厚身 比較適合單搽做滋潤多過打底用

KDing好用推薦：咖啡味好重，感覺十分之天然自然，磨砂都算粒子唔算太粗，用完之後唇部嘅死皮都去咗

Hamiii好用推薦：Sales姐姐聲稱可以減淡唇上面既黑斑， 暫時用左一陣， 覺得唇色有淡左小小， 但係整個唇色淡番小小， 但唔係局部， 希望繼續用會見到效果❤️

Jasmine Yuen好用推薦： 1. 顏色選擇多樣：有多款色號可供選擇，我選擇了08 Mode Pink，用後提亮了唇色 2. 味道怡人：這款唇膏有淡淡的果香味道 3. 質地輕盈：這款唇膏的質地輕盈柔滑，能夠輕易地塗抹在唇部，不會有厚重或黏膩的感覺，讓唇部看起來更加自然。 4. 保濕效果持久：含有保濕成分，能夠為唇部提供長時間的保濕效果，減少唇部乾燥脫皮的問題。 5. 有SPF8, PA+ ，咀唇都要防曬😄

Noel好用推薦：個人很推薦 Kate 這枝 CC Lip Cream，初時會以為是調色唇膏，因為叫CC 嘛！(誤) 由於個人唇色較深，不能選太淡色的色號，只能買這枝 #01 Beat Red ，亦回購了1次❣ 顏色如果單單由膏體判斷，會以為很紅很鮮豔，不過這枝有色護唇產品，係 sheer finish，顏色很淡啊～ 要注意：唇膏帶有2成左右顯色度，沒有唇色遮蓋力❗塗抹很順暢，可以為雙唇即時提升血色感，自然又精神👍 滋潤感不俗，單塗或者作為唇膏打底都很合適👄 顯色 🌟🌟🌟🌟🌟 (有色護唇膏而言，不錯) 光澤 🌟🌟🌟🌟🌟🌟 滋潤 🌟🌟🌟🌟🌟 持久 🌟🌟🌟🌟 價格 🌟🌟🌟🌟🌟🌟🌟

JuneL好用推薦：呢支lip oil 塗搽時質地似 lipgloss，所以上咀後有別於市面唇油，它不但不油膩，塗後雙唇帶滋潤及光澤，滲透力很好，令塗後唇部的乾紋也有淡化效果。 除了日常修護外，塗上唇膏後係面層加上lip oil，即時令唇膏色變得亮麗，真係一支兩用，值得入手。 #火熱新品

綺羅香好用推薦：首先感謝@cosme 補發贈品，本嚟諗住唔好彩寄失就算，估唔到@cosme重新寄一批俾我，真係超級感謝，而今次贈品就包括呢支decorte 唇油 收到嘅色號係04 Fuchsia rose，唇油細細支方便帶出街，透紅色，不過薄薄地搽會變成透明，上唇好有存在感，非常滋潤，但唔會覺得油膩或厚重，夜晚搽一搽可以keep到第二朝，要講缺點就係唔夠一個月就差唔多用哂，所以呢支唇油好快取代用開嘅DHC潤唇膏😂，成為我化妝袋必備物品

brenda好用推薦：本人眼週比較乾，黑眼圈很重，想找一些貴價點的眼霜去黑眼圈，所以就試下這款，Ba靚女推薦說這款有咖啡因，和其他成份可以減淡任何色的黑眼圈，用後感覺黑眼圈仍然未有減淡，可能因為只用左個半月，怎說黑眼圈都不是輕易減淡的，我會持之以恆用半年以上再看，雖然未體會到減黑眼圈但減淡細紋真的有效果，每日用附送的按摩棒按摩2分中，很舒服不拉扯，這眼霜值得一讚是吸收力真心快，不油夠滋潤，我用某牌子的的就起了2粒油脂粒在眼底，但這款用個半月都沒出過，真心不錯用

Silvia好用推薦：Sogo 買cream送的，用左一個星期。質地結身但唔痴粒粒，快吸收。但見唔到任何後果。

Hamiii好用推薦：由細用到大，一支最基本既護唇膏🫶🏻 試過好多好多隻味，都係鐘情士多啤梨味🫰🏻 薄薄搽一層，薄荷涼浸浸，好舒服🫶🏻 絕對係 平 靚 正 之選🫰🏻

Verna好用推薦：這支也是Lipice潤唇膏，是甜美粉紅（淺粉紅色）的修護潤唇膏，它扭出來是透明色，不過塗上咀也有點點顏色 但可能我的唇色比較深，加上它很淺色，所以我塗上咀，只是很淡很淡的粉紅色，不過也會覺得氣色變好了 在夏天用它，滋潤度也算足夠，但在乾燥的冬天用，我覺得它的滋潤度就不足夠了

choichoi好用推薦：第一次聽到豐唇霜會感覺很刺激但其實就是一支比較多功能的護唇霜,除了普通修護雙唇防治脫皮乾燥唇裂, 於使用有色唇膏前也能幫助顯色及增加持久度 , 重點讚揚淡化唇紋效果理想, 基本上帶著遠行出門或到極寒地方也準沒錯

R.Mir好用推薦：這是我用過最好效果的潤唇膏，我一直都在回購它。這支潤唇膏塗完不會甩皮，很保濕。雖然是 lip gloss 狀，但一點也不黏。 它是透明，但有神奇調色功效。

Tsyyy好用推薦：係護唇啫喱 有點點粉色 上咀唔會好笠 有少少潤色效果 唇以日間使用

Noel好用推薦：這條護唇膏係好友推介而入手的，眼見她每次去韓國都會囤上好幾枝，應該不會有伏🤣 於是我都入坑了❗產品係支支管裝，配上斜角出口用作塗抹。個人覺得護唇膏使用方法多元化，加強唇妝或單作護唇佳宜，滋潤感➕滲透力佳，大推💕 我揀的護唇膏係No. 1 Apricot ，膏體係透明帶淡淡橙黃色，光澤感很強，有點似透明 lip gloss啊！支出少少產品，再直接apply 到唇上，很順很smooth👍帶有淡淡花香味🌷很香！成份中更含有蜂皇漿，有效為雙唇補濕❣產品單價雖然較高，但內容物就含有15g，都算 affordable ~ 至於使用方面，個人有以下幾個用法： 1️⃣ 滋潤雙唇 2️⃣ 厚塗，用作lip mask 3️⃣ 薄塗作唇膏打底 4️⃣ 在唇膏上塗一層，加強光澤感 5️⃣ 出街時遇上唇況不佳，塗上這個唇膏，再用紙巾輕抹，除去死皮 6️⃣ 唇膏已經蝕到唇紋，不易卸妝，可用護唇膏加到化妝棉輕抹

bibubibu好用推薦：mentholatum潤唇膏真係由細用到大 什果冰系列都用過好多款唔同味道 佢搽上嘴有少少油潤嘅感覺 搽完之後好似有一陣油係嘴上 唔算係好水感滋潤 但當嘴唇好乾裂嘅時候 搽完佢都會有立即舒緩 不過用完之後都唔太滴合再搽其他唇膏

Giselle 好用推薦：曼秀雷敦 什果冰潤唇膏 （草莓味） *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 好耐之前見佢有同迪士尼合作嘅造型所以入手咗(ㆁᴗㆁ✿︎)因為算係平價嘅潤唇膏所以以前都有入手過呢款潤唇膏( ˙༥˙ )我自己覺得呢隻潤唇膏嘅滋潤度算係比較中規中矩，唔會令我有驚豔or覺得伏₍ᵔ·͈༝·͈ᵔ₎如果追求滋潤度嘅話，呢款就唔太適合lu (꒦ິ⌑︎꒦ີ)佢嘅香味就係一陣人工味嘅草莓味(◍︎•ᴗ•◍︎)所以對香料敏感嘅小夥伴唔適合入手哦₍˄·͈༝·͈˄₎◞︎ ̑̑ෆ⃛呢款比較適合對滋潤度同可以接受到比較人工香精味嘅小夥伴入手哦*ˊᵕˋ)੭

A&R好用推薦：潤唇膏滋潤效果唔錯，呢支色我係買比男朋友用嘅，但係我有陣時都會拎嚟用，滋潤效果唔錯，查完又唔會甩皮。價錢又平

Rooibos tea好用推薦：經典版啦，應該好多人有用過 夠潤唔黏又平價，10幾蚊一支用好耐，通常係唔見多過用晒

格仔餅公主好用推薦：滋潤度唔差，搽上嘴唔會油但係又做到防止死皮同埋預防嘴唇乾燥嘅作用

Circlecyy20好用推薦：好純粹滋潤既潤唇膏 有d潤唇膏太假香 停留係嘴唇會有唔舒服既感覺 但呢款唔會留香 所以幾好

Aim好用推薦：朋友在日本買比我，放係office 個嘴唇覺得乾就拎黎用，滋潤度都ok，有少少顏色，呢個價錢可接受，性價比高。

維他他好用推薦：同事喺日本買黎送俾我的小禮物 幾開心喎收潤唇膏 夠實用 仲有色架添，呢隻係cherry red 有少少少少色，想個嘴有少少色的， 又唔想用唇膏嘅，就啱哂喇 佢潤度都ok，但其實唔太上色， 少少紅only 啱素顏妝

mandy好用推薦：Burt's Bees Pomegranate Lip Balm 紅石榴皇牌潤唇膏 $45.90 (百佳網店) 紅石榴皇牌潤唇膏蘊含不少護膚成分，而這些成分大都取之於大自然， 像是葵花籽油, 蜂蠟, 椰子油, 蓖麻籽油, 石榴籽油, 大豆油 及 芥花油 這些都是很優質的保濕/抗衰老成分，可以好好地滋潤容易乾燥的雙唇。 紅石榴皇牌潤唇膏很好塗在唇上，質地有少少潤，但絕不黏笠。 紅石榴皇牌潤唇膏帶少許紅石榴的唇色， 光是塗潤唇膏已可展現出美麗、健康及滋潤的雙唇。 再加上價位是大家都可以輕鬆負擔的開架價，性價比也是挺高的。 含保濕成分: 葵花籽油, 蜂蠟, 椰子油, 蓖麻籽油, 石榴籽油, 大豆油 及 芥花油 抗氧化成分: 葵花籽油, 椰子油, 石榴籽油, 維他命E, 迷迭香葉萃取 及 大豆油 抗衰老成分: 葵花籽油, 石榴籽油, 維他命E, 迷迭香葉萃取, 大豆油 及 芥花油 油性滋潤成分: 椰子油, 蓖麻籽油, 大豆油 鎮靜消炎成分: 石榴籽油, 維他命E, 迷迭香葉萃取 及 芥花油 美白成分: 維他命E

Rin好用推薦：這個牌子算是家傳戶曉的潤唇膏牌子 我也用過好幾條潤唇膏，不同味道的 這次番石榴味道，味道與我想像中不同，因為我自己不喜歡番石榴的，但是可以接受這個味道 不算太滋潤，在冷氣房用還可以，但也要一直補 勝在做功很好，價錢相宜，因從海外購入，大量用不心痛