NIVEA

亮色潤唇膏

轉季「有色」小法寶！ 轉季把口又開始「立笠笠」又乾？等我同你極速開箱呢支 Nivea亮色潤唇膏，睇下佢係咪你手袋必備！ 💄 質地： 潤度OK！唔算好笠，搽上嘴幾順滑，有啲顏色出嚟，零技巧都用到，貪方便嘅你會Like！ 👄 效果： · 即時：有自然血色感，睇落精神啲，光澤唔算好誇張。 · 保濕：對付轉季「少少乾」夠用，但爆坼時就唔多夠力，要補搽密少少。 👍 優點： · 平！靚！正！藥妝店隨手買到。 · 有顏色+潤唇二合一，趕時間返工返學恩物。 👎 缺點： · 得幾個色揀，選擇少。 · 持久度普通，食個茶記已經要補。 🎯 總結： 換季期間，想支潤唇膏有少少顏色、有少少潤，平平地試下無妨！係你嘅 「平平哋轉季補妝筆」！要求唔高嘅，可以入手玩下！ #轉季#換季#滋潤

朋友在日本買比我，放係office 個嘴唇覺得乾就拎黎用，滋潤度都ok，有少少顏色，呢個價錢可接受，性價比高。

同事喺日本買黎送俾我的小禮物 幾開心喎收潤唇膏 夠實用 仲有色架添，呢隻係cherry red 有少少少少色，想個嘴有少少色的， 又唔想用唇膏嘅，就啱哂喇 佢潤度都ok，但其實唔太上色， 少少紅only 啱素顏妝

有時無化妝又想望落精神啲～搽唇膏又too much～用呢支就啱哂～淡淡哋顏色又潤唇～

好適合懶人使用嘅潤唇膏 平時落街返工Hea Hea地想有少少顏色 查一查氣息都好啲

顯色度一般般，平時當潤唇膏用，夠滋潤，持續用一排死皮會少好多！

呢款有色潤唇膏搽上嘴滋潤度好夠，顏色超靚，對於日常生活妝容搭配得好自然，可惜冇防曬度數差d

好香，潤得黎不lup 有少少顏色

保濕度都唔錯，上咀質感我覺得 dhc 嗰枝再油少少，呢枝冇咁油但都感覺到保濕。 完全冇味。 有少少顏色但唔明顯，冇化妝搽都唔會怪。

普通唔太好用。唔係好夠潤，不過香味夠，用完心情好。

唔多潤，潤唇膏最緊要係要潤，有色都大打折扣

細個嗰陣，想搽唇膏但又驚太顯色被同學發覺，搽尼支就啱晒，少女甜香味兼且係懶人恩物，潤唇同時令我兩條偏黑嘅雙唇增加少少氣息。

日本旅遊之後購了一支自用一支送妹妹，妹妹有濕疹可是這唇膏也沒令她癢癢不舒服的（不合用的產品就會一整個嘴巴紅起來），她更表示滋潤度剛剛好又不會像吃完油雞腿般油油的。個人就喜歡它持久度可以保持2-3小時，塗後唇紋亦會淡一些，便宜又實用。

其實我買嗰隻喺有色潤唇膏，中間有色，外圈喺白色。 我個人覺得太乾，用完反而會甩皮，上嘴感覺唔好，而且顏色太深唔鍾意。 唔會再買同牌子潤唇膏。