貓餅好用推薦：雪肌精潔面番梘，清潔力強，洗完面後很乾淨，但番梘一般用完後面部會太乾，洗面後要加強保濕

維他他好用推薦：黑色的洗面梘，好特別！平時好少用番梘去洗面，原來都唔錯，亦都好襟用，一舊細細舊嘅洗面梘，加少少水就可以起到好多泡，用完亦唔會覺得有繃緊，因為佢加咗好多保濕成份，而且洗得好乾淨，推介

Kei好用推薦：買俾男朋友 不過佢鍾意金盞花多d 呢隻好乾

lkylky3003好用推薦：控油鎮靜收毛孔表現值得一讚，拔完粉刺後皮膚紅紅地用，好快就抗紅舒緩返

zetalhc好用推薦：卸妝能力不錯，油性皮膚覺得用用完之後唔會好油。但係mascara同眼妝就清潔得唔係太好，需要用多次先可以全面清潔

Nicole 好用推薦：樽口是按壓出口設計，只需把化妝棉放在上面按壓 4-5下，然後輕柔擦拭皮膚就可以輕鬆卸妝，我通常用來卸防曬/淡妝沒問題，使用感也比較溫和～

橘子貓好用推薦：👍🏻: 簡單易用，將洗刷噴霧噴濕刷毛，不斷在乾淨的紙巾上反覆拭擦，刷子好快就變乾淨。放半天就變乾，蜜粉掃、胭脂掃都可用。價格不貴，一瓶可使用很耐。 👎🏻：味道比較不討好，有點酒精味。 總結：懶去常常洗掃的可以一試！

T.C好用推薦：感覺沒有咩特別，用卸妝水／12蚊店枝清潔液都可以做到相同效果，無謂花錢買咁貴去清潔化妝道具。

VictoriaPanda好用推薦：對於油肌同豆豆肌都友好嘅洗面奶，已經用過三枝以上，除咗好乾淨之外，仲要唔緊繃。Nice

Noel好用推薦：Atorrega AD+ 有不少網友都推介，因為成份安全，不致敏，因此，我也心思思入手這枝潔面液試試😉 對於潔面要二百元以上，真的比較貴，因此個人有較高要求啊❗ 潔面液呈透明，流動性較高，每次使用一個 $5 的份量。我的使用習慣：沾濕全面➡️取適量潔面液➡️加一點水到掌心➡️多搓一會，搓出泡泡➡️潔面 這枝潔面液沒有加入香料👍成份也溫和，很適合敏感肌人士。而潔面後感覺清爽，又不乾燥，個人大愛‼️不過，如果喜歡多泡泡，潔面後有很爽的感覺，這枝就不適合你了~

mandy好用推薦：Ettusais Peeling Milk N 去角質嫩肌面膜昇級版 $160/ 125ml 質地輕盈水感類近液狀，延展性很好， 一推開按摩已能起出很多白色碎屑。 開架價位，雖然價格比Rosette貴一點， 但去角質效果比Rosette明顯。 使用後，肌膚更水潤嫩滑、柔軟亮白及富透明感， 而且不會感到乾燥，也不刺激不傷肌膚。 去角質嫩肌面膜昇級版可溫和去角質， 成分簡單，並且不含酒精、色素及香料(fragrance)， 敏感肌也適合使用。 價位不貴，功效顯著，性價比高， 真想Ettusais重新推出去質質產品。 含保濕成分: 雙丙甘醇，丁二醇 及 甘油 抗衰老成分: 甘油 及 維他命E 肌膚修復成分: 甘油 鎮靜消炎成分: 水楊酸 及 維他命E 去角質成分: 水楊酸 去黑頭成分: 水楊酸 抗痘成分: 水楊酸 美白/均勻膚色成分: 水楊酸 及 維他命E 抗氧化成分: 維他命E

Fan好用推薦：一定要塊面乾嘅時候唧一個5毫子嘅分量大小搽晒成塊面，佢會有啲刷膠碎嘅嘢會捽左出嚟，跟住沖完水之後塊面會變到好滑。

jaye好用推薦：敏感肌既我特別慎重選擇去角質/磨砂產品，aesop呢款去角質產品真係好好！草本味道，質地好似乳霜甘，有石英微粒同乳酸成份，搽上臉好易推開，好滑，粒子雖然係明顯，但粗幼度適中，按摩落塊臉部完全唔會有粗糙或吉既感覺，加水按摩2-3分鐘後，再靜待1-2分鐘度，洗淨後係完全覺得好乾淨而完全無繃緊，皮膚係馬上柔軟光滑左，後續護膚品既吸收度係明顯高左，第二朝化妝又會睇到個妝都貼左！要溫和又有效甘去除同軟化角質，aesop呢支真係特別岩敏感肌！而家春夏既時候每星期用1-2次（敏感肌），輕輕係臉部搓揉，粉刺較多或者容易出油的部位就按摩多幾下，兩三星期度已經有感！同埋每次用既分量其實唔駛多，所以好耐用，性價比相對而言其實真係好高！真心唔推唔得！

Cole Cole 好用推薦：皮膚擦子膠，有少少似磨砂，洗完之後皮膚有少少麻麻地的感覺，唔算太溫和，有少少強烈的感覺，要即刻搽返護膚品，個人認為都係用返普通嘅潔面產品已經OK。

whTsoi好用推薦：在官網買東西送的贈品 小小一枝但意外地用了很久 因為它的起泡力很強 每次擠一點就足夠全臉使用 而且清潔效果很好 用完臉很清爽但不緊繃 個人認為最適合夏天使用

Kpl6be6好用推薦：容易起泡嘅質地～清潔力幾好～用後無過敏反應～洗面後亦無緊繃感覺～

Jcxjessie好用推薦：呢個潔顏粉係之前響日本買嘅特別版 因為成日都飛，所以買潔顔粉帶上飛機好方便，唔使怕因為液體而驚俾人收。 卸完妝之後，倒少少粉喺手，再加啲水然之後捽落塊面就ok喇 啲泡泡都幾細緻，而且用完塊面都冇覺得乾，同埋佢冇乜味道，敏感肌都可以用👍🏻

zetalhc好用推薦：呢個洗面粉好容易起泡，清潔力好強，可以洗走毛孔中嘅污垢，而且洗完之後唔繃緊有少少嘅保濕效果

格仔餅公主好用推薦：有排好沉迷用洗面皂呢種product，以前用DHC既好有印象乾淨唔乾，心諗IPSA應該唔會差啦掛，點知乾到傻左，用完要保濕唔係就會生暗瘡，可能同我皮膚唔夾用左幾次就停左唔再用

Jan好用推薦：呢隻洗臉皂顏色係芸芸同類產品中比較特別的 好似海洋嘅藍色好吸引 濕水後即使徒手都很容易捽到綿密細緻嘅泡泡 清潔力中上程度 而且非常溫和不澀眼 沖洗後皮膚清爽乾淨無殘留又唔會有緊繃感覺 但係冬天用嚟講有少少乾 比較啱係夏天用 或油脂分泌旺盛的的混合肌同油肌使用 少少缺點係洗面梘用到愈細塊就愈難捽起泡 最後就無用哂