葉子🍃好用推薦：偏黃乳霜狀，質感好貼服，水潤輕薄透氣，不過味道不太好，佢無任何調色，夏天有d油

lingbb好用推薦：- 雖然係清爽字眼但質感偏滋潤一點 - 質地係白色乳液狀帶點清香，易推易用，唔會泛白 - 高防曬系數，使用完無令妝感提升或持久咗 - cp值唔高

維他他好用推薦：Sofina jenne 水油平衡防曬乳液美白版，非常液體嘅一隻防曬，好輕薄，唔厚重，搽完之後有少少提亮，唔會好黐立立，但都係要上碎粉，我麻麻地太水嘅防曬

jhope0725好用推薦：防曬日日都要用，揀防曬我最注重佢嘅成份，最緊要唔會敏感導致泛紅或者生粒粒，其次就係始終未必次次用完防曬都會卸妝，能夠容易清潔乾淨嘅防曬會係我嘅首選 呢啲Sofina防曬，細細支，已經達到SPF50，如果普通日間活動，已經非常足夠。用佢咁耐都冇點曬黑 用完佢出街，夜晚用洗面膏，或者卸妝油都可以洗得乾淨，暫時用咗一個月都冇加劇粉刺情況。Sofina咁多個系列當中，呢隻配方係特別為混合肌膚調配，既有護膚保濕成分，例如加咗尤加利精華，又有皮脂控油成分，唔會用咗上面有立痴痴嘅感覺，反而幾清爽，一搽上去皮膚就好快吸收。配方寫明通過敏感測試、不易導致暗瘡及粉刺，係用呢一個月當中就真係冇出現暗瘡情況，個人來講平時出街兩至三個鐘就會有面油，呢隻防曬雖然唔係勁到話用完唔出油，但係起碼唔會加劇出油嘅情況。持久度算不錯！當化妝底霜都得，之後上妝都幾貼，唔會影響妝感 用上面嘅感覺，佢唔會特別泛白，皮膚顏色唔會點變，啱晒啲好驚搽防曬會搽到成面白雪雪嘅朋友！ 唯一一個缺點係，佢有啲似某啲開架品牌防曬，如果用之前冇搖得均勻，好容易淨係倒左一層透明嘅油出來，大家記得用之前要好好搖勻！

lingbb好用推薦： - 因為Anessa牌子效應而入購，耐水、耐汗及皮脂，係戶外活動時用 - 小小一枝出外補好方便 - 噴出黎係一層白白地色嘅油，有陣膠膠地嘅味，要立即推勻，面部如果帶妝就噴唔到面，但呢個質地噴面應該都會幾黏笠。 - 臉部、頭髮都用得嘅防曬，但唔敢噴頭因為唔知會唔會黏埋一齊，而且有點白色 -60g勁快就噴完，CP值品唔高，

jhope0725好用推薦：介紹: 32mL, SPF 50, PA++++ 優點: 呢個牌子嘅防曬出咗名防曬係數高，佢真係即使出去戶外活動用都唔會曬黑。佢嘅質感會比較油一d，但係都好容易推得開。佢唔會有一種用咗上身之後泛白嘅感覺。呢枝特別在於佢係噴霧式，特別適合用來補防曬。而且非常方便攜帶，唔會好似液態裝咁怕佢流出嚟，整污糟手袋或者背囊。 缺點: 佢嘅價錢稍為貴d，不過做到咁高效防曬都係值得嘅。而且噴霧裝嘅缺點就係覆蓋程度未必非常均勻，所以用嚟補防曬就比較適合，如果用作底層防曬，就唔太建議。 建議: 先用同牌子嘅防曬打咗底先，出左街唔想用手直接掂到防曬的話，用呢支噴霧補防曬就非常適合。

Stones好用推薦：幾好用, 我係拎黎搽面的,不會太厚，亦都不會同化妝品打架，不會起擦膠碎。同埋一支都可以用幾耐的。

Angie好用推薦：已經買過好多款呢個牌子嘅防曬，每一支都好好用，呢支都唔例外👍🏻化妝前用嚟打底都唔會起白色屑屑

jaye好用推薦：質地水潤，有埋防曬，可作打底用，有幫助提亮膚色，不過稍嫌毛孔遮瑕力太低，而且個人覺得顏色偏死白，唔太自然。

R.Mir好用推薦：我個人喜愛偏白粉底，而 Banila co 這支 cc cream 的調色功能超級強，緃使面色黑沉，都能輕易改善膚色。雖然顏色偏白，但在面上也非常自然，不會死白，亦不會偏黃或偏紫。而且質地易推，不厚重，容易控制使膚色均勻。 CC cream 後再撲碎粉，不會很黏，而且有 SPF 50+++ ，我一年四季都在用它，韓妝必備，很值得推薦 👍🏼👍🏼

Jayla好用推薦：質地：不流動乳液，gel狀 顏色：白色，塗開變完全透明 適用人群：喜歡有點滋潤感，敏感肌，嬰兒都得 Anessa嘅防曬多年嚟口碑都好好，而呢支極防水補濕低敏UV乳霜係我嘅秋冬愛用防曬。 SPF34 PA＋＋＋系數唔算高，所以我一般係返工嘅時候用嚟做身體防曬。擠出嚟係白色乳液，比較似gel嘅質地冇乜流動性。搽開之後會見到微微反光嘅膜感，唔會完全吸收晒，摸起嚟都會保留少少滋潤度，所以我會朝早直接省略body cream。搽起嚟膚色冇任何改變，所以冇泛白問題。當噴水上水測試嘅時候見到係一粒粒水珠浮喺皮膚上，證明防水能力相當唔錯。沖涼嘅時候可以正常沖走，冇需要額外卸妝程序，亦冇感覺到殘留。

Noel好用推薦：Anessa 防曬係信心保證，這系列的低敏配方我就用過防曬乳液了，後來就試試手上這枝乳霜，因為大大枝，感覺更優惠❗極防水保濕低敏 UV 乳霜呈白色，中至低流動性，延展性不錯，小小就夠塗全面，如果像圖一的份量塗全面，就會 too much🤨 防曬乳霜滋潤感強，乾肌友善，可以直接當成妝前乳使用👍 沒有泛白，讚！不過因為係防水防汗配方，使用後會感覺有層野，不夠清爽，但可接受啊👌

LenaC好用推薦：ALLIE UV防曬 玫瑰水凝乳 燦爛光澤薔肌 除咗防曬之外 仲有護膚同粧前飾底效果 防曬+護膚+隔離 3效合1防曬霜 一枝搞定 💕防曬度為極高既SPF50 高效隔離UVA 阻擋陽光紫外線 仲添加左美容液護膚等成分 有助保濕唔會太乾起晒紋 亦無添加Paraben防腐劑 將皮膚負擔減至最低🌝 質地係帶粉紅色嘅乳液狀質感水潤 好容易推開 塗抹時聞到淡淡既優雅玫瑰香擠小小份量都好足夠 打圈按至薄薄一層 相比起其他防曬度同樣高既防曬乳液 佢絕對係零厚重感 一啲都唔黐立抹開後肌膚平滑光亮 滋潤均勻 略有粉紅既色調亦輕鬆打造出健康紅潤好氣色而且佢嘅無油GEL配方 有助持久清爽控油 適合夏天使用使用 防曬 護膚 修飾 一枝KO 推！

JuneL好用推薦：呢支防曬具有耐汗防水，質地水潤唔黏lup , 防曬同時保濕，帶有少許色及淡淡玫瑰味，就算唔化妝，單用它都可令膚色均勻及有輕度修飾效果。

Hamiii好用推薦：呢支野其實評價幾兩極， 我自己用呢.. 我係覺得幾好既 質地幾易推開， 顏色都幾自然， 遮瑕度就遮到一般泛紅，暗瘡印遮唔到既 我覺得唔算太厚 幾鐘意佢自帶50度防曬，日常好夠用 不過有一點真既，呢個價位有更好選擇 我都試過就算😌

Mei Mei好用推薦：質地好水潤，延展性極佳，之後再上粉底液都完全冇問題，仲有提亮效果添。搽咗唔會有泛白感，透薄自然，而且用咗都唔會生粉刺痘痘。

bibubibu好用推薦：suncut嘅防曬乳就用過好多支 而佢嘅防曬噴霧都係第一次試 如果要達到最好嘅防曬效果 去户外活動最好都係定期補防曬 而呢支噴霧就最適合 佢嘅噴霧好幼細 噴面嘅時候並唔會影響妝容 細細支嘅size 又唔重 放手袋都冇問題 不過個花香味有少少濃 個人會較喜歡原味

維他他好用推薦：呢枝野…sor 完全冇料到 噴完完全防曬唔到 都係黑左 用完同冇用冇分別 係個包裝好靚 都係用搽嘅防曬好 可能噴霧唔夠集中太分散 防曬唔work

kameari好用推薦：質地雖然唔太厚身，但都係有啲焗會出痘痘，色澤上有少少深不夠貼個肌膚，而且油肌會出更多油。

可好用推薦：此BB霜質地比較偏向乳液狀，擁有一定的流動性，推開後感覺乾爽不油膩，有乳化成粉的感覺，就算不使用定妝產品亦可以持妝三至四小時。此產品的一大優點是防曬力度十分足夠，單獨使用此產品前往戶外活動亦沒有曬黑的情況！ 妝感比較偏向霧面，但出油後會出現卡粉的狀況，需要比較注意補妝的問題。同時，塗上後比較偏向自然妝效，液體比較偏向肉粉色，有白裏透紅，自然提亮的效果，但遮瑕力大概只有三至四成，對於眼周暗沉以及痘印都沒法完全遮蓋，需要搭配其他遮瑕產品，才可以完成比較完整的遮瑕力，比較適合喜歡自然妝感的人。