妝感透薄 推薦好用產品

Milo101好用推薦：🌟 非常方便，很適合日常出外使用，已經用了好一段時間了 🌟質感不會太乾，蠻滋潤的 🌟買的是唇膏芯，可以隨意配在同品牌的唇膏殼裡使用

royu3好用推薦：不捨得用的Paul and Joe 唇膏，貓咪圖案的紙製唇膏筒配搭唇膏上的橙花壓紋，包裝佔了很多分數！色號312為偏暖色的紅，非常顯色，而且滋潤不乾燥，帶自然光澤。但持久度不高，會沾杯子，飽和度較高的顏色還好，但顏色淺的色號較快脫色。 若非為了它家的精緻包裝，其實還有其他更好選擇喔！

chasiutung好用推薦：Makeupforever 高清遮瑕液我用嘅係42色號同埋21色號 42號色係三文魚色 先薄薄上一層42號色然後疊加21號色 黑眼圈遮左九成以上 遮得好好 妝感輕薄自然無泛白 依支遮瑕液一d都吾乾無卡粉吾會顯眼紋 一整天都keep到 平日我會用佢遮黑眼圈同唇邊暗沉位置 我膚色黃1.5白 用21號色會有提亮效果

Fng好用推薦：我喺專門店買，買咗22號色， 用嚟做鼻樑 highlight， 感覺好貼服，妝感自然透薄， 用碎粉定妝後效果更佳，值得回購。

Fng好用推薦：這個 MAQUILLAGE dramatic Skin sensor base EX 可以當素顏霜用，可提亮肌膚🌟，一秒偽素顏就出門，它夠輕透，質地非常水潤，塗在臉上很好推💞，又有少少遮瑕力兼SPF 50+。 或者薄薄塗上一層，然後等一兩分鐘之後，再上粉底，沒違和感，妝效非常自然，又有提亮效果，而且裏面還有養膚成分，透氣唔會焗到生粒粒，夏天勁啱用，值得推介🫶。 佢仲有個tone up version係淡紫色底，如果係想退黃調嘅sis可以考慮嗰個。

Vivian好用推薦：淡紫色較為水妝質地，延展性高，能夠明顯改善暗沉泛黃皮膚，提亮效果好，清爽不黏笠，比較適合春夏季節潮濕或炎熱天氣使用，配合滋潤型氣墊粉底妝感不錯

YY好用推薦：Dior誘惑煥彩潤唇油 比佢晶瑩剔透既顏色吸引到，再加上Dior brand加持，咁就入手咗依支Lip oil 新手可以先用唇膏💄打底，然後疊加依枝lip oil 係面，造返鏡面效果！ 🌟依枝 Lip oil唔算黏笠，冇黐頭髮，潤唇作用，即時淡化唇紋，上唇舒服 🫥相反Lip gloss好似有層膏狀塗咗喺嘴唇上面，但無滋潤作用 依枝Lip oil 比透明lip gloss更好用👍🏻 臨近歲末，一定要約朋友出嚟開party，想要吸精，喺眾人間閃閃發亮，一定唔少得呢支Dior lip oil，超加分🩷 薄唇厚唇都岩用，減唇紋，嘴唇脹卜卜，超減齡😻😻😻

Kelvin好用推薦：Dior Lip Glow Oil Color Reviver - Cherry Oil 樽花好靚，一冠Dior 唇部化妝品鏡面設計 透明桃紅色🍒 🍒 🍒有試過其他色號，試上手都差唔多，依枝底色最深 一上咀無乜色,慢慢先會滲透返粉紅，同唇部顏色融合 超好有光澤感，令令玻璃唇🧊 而且呢支lip oil可以疊加喺唇膏上面，但唔會影響唇膏原色 如果你係薄唇又細唇，茶完嘴唇脹卜卜，真係好誘惑🩷🩷

lingbb好用推薦： - 出咗呢款新系列一直都想試，反應都係好壞參半。 - 我試咗一星期都唔明白點解用落都係一達達咁奇怪架呢? - 如果你都面對緊用呢款蜜粉「毛孔大」「唔貼面」「一達達」，你可以參考下我既見解: - 官方對於所有蜜粉都叫蜜粉，我自己會認為全部都係「定妝」用，但英文睇返幾款蜜粉名稱，呢款粉紅色tone up叫「finishing powder」；最受歡迎既柔光粉叫「setting powder」 呢款粉紅盒Finishing powder係要先用咗setting powder後先用，而且係局部，當然，你可以全面用既。 - 我會先用LM柔光粉Set好底妝，再用一個細d既掃(胭脂掃+高光掃size)輕輕掃粉紅盒既粉係「蘋果肌」﹑「眉尾」﹑「鼻頭」﹑「下巴」﹑或者你想有粉嫩d既位置都可以。其實同打高光既位置差唔多。份量無需多！ - 我覺得呢款佢光澤度應該無另一款銀盒既咁閃，所以算係好含蓄既閃，粉紅色係令成個肌膚都粉嫩一點，如果皮膚偏黃，tone好個粉底色用呢款粉紅盒就非常岩用。 - 有人會覺得, setting powder後再用finishing powder咪好厚粉?所以用完setting

劉肥貓好用推薦：粉質非常幼細 有淡淡的粉紅色 用嚟定妝效果非常唔錯 透薄自然

nicolebuzz好用推薦：粉質幼細，有少少定妝功能，我多數係用左上兩格作全面用，用左感覺有少許自身光澤感，不會太浮誇，鍾意自然感覺既就會愛上。 另外叫淺粉紅可以當highlight用，胭脂也不錯，但中間紅色太紅，要輕手搽。 整體來講，雖然價錢不便宜，但一盒可以搽不同位置，所以一直也使用，而且很滿意。

Noel好用推薦：Hourglass 走低調奢華風格，為純素品牌，值得推介❗這盤 face palette 是我非常推介的產品，對於沒有試過 Hourglass 粉狀產品的靚靚，我起推坑👍 包括了定妝粉，高光及胭脂粉，每年聖誕也有特別盤，值得留意啊～ Hourglass 粉狀產品非常幼滑細緻，手指觸感無敵好！上到面上光澤感低調自然。而這類面部盤，可同時得到 Hourglass 名物：烘焙胭脂， 烘焙高光等，真的超值❣

emily好用推薦：平時因為怕麻煩 多數都會買唔使望鏡都搽到嘅唇膏 好少買唇彩 dior呢支觀望咗好耐 終於買咗🩷 化妝師細心揀咗幾隻畀我睇 最後揀咗呢隻027 就咁睇會覺得佢比較紅 但係搽上口會有少少珊瑚色 一打開就聞到濃烈嘅雲呢拿味 鍾唔鍾意就好個人 我自己係ok嘅 唇掃細細地幾好用 上嘴我個人嚟講唔算好遮到本身嘅唇色 比較自然😗 涼涼哋幾舒服 有啲人話會好辣我就唔太覺 滋潤度足夠 持久度就一般 佢呢隻質地我諗大家都會抹咗先食嘢😂 大牌子嚟講唔算太貴 顏色選擇都夠多 攞出街都開心 整體都滿意

Emma W好用推薦：唇彩是我最種意、不斷買的唇彩之一。其具有很好的保濕效果，讓嘴唇感覺柔軟且水潤，適合乾燥季節使用。搽上嘴上涼涼的，聞到淡淡的甜香味，仲有少少薄荷味。另外，搽上去顏色飽滿且鮮豔，能夠輕易提升整體妝容的亮度，也減少唇紋的增生，及令唇紋不是太明顯。令人驚喜的是，其持妝力又唔錯。雖然不如唇膏持久，但若果脫色，又會好似唇部上左色咁，仲會有少少色殘留。 適合肌膚：任何，但G6PD 人士唔知有冇影響 成效度：5/5 保濕度：4/5 質地：Glossary 光澤度：5/5 持香度：3/5

Ressie14好用推薦：幻彩流星彩妝粉盒2024年版 一直覺得呢種小珍珠狀嘅蜜粉喺設計上真係好突出，忍唔住今年買咗一罐一睹廬山真面目。 我會用散粉刷喺罐裏面兜圈抓粉，均勻沾出五色珍珠蜜粉嘅份量，然後掃上臉蛋， 佢呢隻粉質唔會好乾，視覺上散發彩妝帶嚟嘅光澤；仲有淡淡嘅香氣，閉上眼睛想像..就好似喺一間高級嘅化妝間度妝扮一樣。 另外佢嘅包裝顏值超標！小罐係密封設計…防止一粒粒蜜粉受潮濕影響，所以如果有用完嘅一刻，蜜粉罐絕對可以用嚟收藏～

Ronni好用推薦：其實佢一出就買咗～ 全因佢好靚 仲要好似好多色好特別～ 不過用咗幾次～ 就將佢打咗入冷宮🫠 原諒我用到勁污糟🤣入面真係好靚嘅～ 不過… 佢真係一定要用掃上～ 煩😠 同埋佢係閃嘅🥹 個人真係唔鍾意～ 隔咗好耐～ 清櫃想扔嘅時候見到佢～ 又拎出嚟用咗2日～ 同事話睇落個妝好滑☺️☺️ 同埋唔會印曬落個口罩😷 我決定俾多次機會佢！

Circlecyy20好用推薦：都真係啞色調 唔會有閃粉 所以我用黎都係做打底色 不過持妝力就差咁dd

agnessstang好用推薦：有好多顏色選擇 可以自己組合成彩妝盤 做眼影同胭脂都得 彩度高 用嘅時候要輕手啲 持色度ok

PorscheB好用推薦：第一次用Make Upforever呢個ultra Hd 定妝粉 之前都係用碎粉 倒出黎果種 感覺都係比較難掌握用量 今次呢個粉餅 只需要用掃 掃 然後fing走多餘既粉 就可以上面 粉質好幼細，定妝效果滿意 價錢唔算好貴 性價比ok 特別中意 個粉盒有塊鏡 個外殼唔膠 有手感 亦都有啲重量 有高級感覺！ 最方便就係出街補妝都有得照住 唯獨係無位放棉 / 掃仔 如果帶出街用，就要另外擺補妝工具

sylsylsyl好用推薦：由於貪方便嘅關係，雖然知道碎粉會抵用過碎粉餅好多，但係都係用碎粉餅多 始終可以唔使倒黎倒去同怕拎粉太多太少 對朝早趕急嘅返工時間黎講好緊要 所以我呢盒碎粉餅其實係向屋企用，工具係大powder brush 因為佢係無粉撲向入面 如果要帶出街未必好方便 顏色係白色，上面係完全唔影響粉原有顏色 然後粉質好幼細，有柔焦效果，再加控油 （但唔會過乾） 係我春夏秋會用嘅碎粉餅 冬天會轉用保濕強d嘅選擇

pigpig好用推薦：目前為止最好用的潤唇膏，有多款選擇，能適合不同唇色人士，有少量顏色可作日常打扮用途。使用後一星期明顯嘴紋和唇色有改善，由紫色轉為棗紅。保濕力高就算在冬天使用也綽綽有餘。黏度適中不會有雙唇黏合的情況的同時能好好保護嘴唇，嘴唇能隨意開合不需要額外用力，不黏頭髮亦不會被頭髮黏到嘴邊。無色無味，即使舔到也不會有膠味。刷頭大小適中，每次取量不多，不會令嘴唇厚重。雖然價錢略高但能使用很久，實在是每個人的必備佳品

JOYCE好用推薦：之前網購買返嚟，無咗口罩令先開始用😿原來已經停產 質哋係普通唇彩，但對唇部皮膚好嘅成份就同潤唇膏一樣，可以話係潤唇膏同唇彩嘅混合體。隻色仲要好靚好自然😿停產真係好可惜 睇返資料先發現咁高質⋯不含防腐劑、滑石同香料呢啲係基本，仲配合天然礦物成份做到低刺激性配方。仲有超過300億個即使常溫保存仍然保持到高品質嘅乳酸菌“La Flora EC-12”，呢種乳酸菌可以保持皮膚處於弱酸性，有效抑制害菌繁殖，平衡皮膚嘅微生態。 不過再好用都無啦😿😿

YolandaAuYeung好用推薦：Excel化妝品一向靠譜，打底霜、粉底、乾粉、蜜粉、眼影、眼線筆通通用過了，每樣也十分岀色！第一次試用它的唇膏，果然沒有令我失望！ 唇膏質地幼滑貼服，塗上唇後沒有起皮，而且還帶岀水潤感，光澤感大增，令咀仔十分sexy，誘發岀一股知性美！ 圖中使用色系: GB07 #此生摯愛唇彩

橘子貓好用推薦：#GB06 紅棕色，熱賣斷貨色。唇膏光澤感強，挺滋潤。外型也跟一般開架不同，黑金金屬包裝更有質感。

Kriskirs09好用推薦：Bobbi Brown 細金管 Blod honey 呢個顏色比較特別 係一個蜂蜜奶茶咖啡色 比較適合秋冬 同時間佢都好顯氣質 如果你白嘅話素顏用都幾適合 膚色比較深嘅人就要配搭化妝先有格調 質地係嗰種好潤，但係又好濃郁 顏色飽和度都比較高 想厚搽或者薄搽都可以 做到唔同嘅氣質✨✨✨ 私心咁講 個包裝好靚 金色長管好有高貴♥️

Kura好用推薦：💄💋Bobbi brown mini lipstick crushed lip color babe 可愛嘅粉紅色 顏色似偏深嘅紅色 但上嘴後係有種水潤粉嘅感覺😍 氣味就有小小膠味 介意氣味嘅朋友就考慮下啦 但唔會好濃烈都可以接受 質地係非常水潤嘅 上嘴唔會乾 呢個都係呢支唇膏出色嘅地方 呢支唇膏用黎平時臨時急救想有返小小氣息就最好不過啦 因為搽完都唔會覺得好浮誇 相當自然😌 持久度：一般 因為比較潤 唔會keep到好耐 而且係百搭色 咩膚色都搭救到🙆‍♀️ 而且細細支好方便帶出街 隨時補妝 #Bobbibrownhk#lipstick#makeuphk#review#ilovemakeup#hkig#cosmetics#beauty#粉紅色#matte#blogger#makeuplover#makeupjunkie#makeuplover#asianbeauty#babepink @cosme

Karman28好用推薦：網上見到好多人讚，所以買左黎試。早一個月買既，應該唔係停產？ 佢本身係兩層，有層油係面，使用前要搖勻。佢個噴頭超幼細，未試過用咁幼細的噴霧，完全唔洗擔心噴出黎既水珠會整花個妝，因為真係霧咁幼細。 使用黎，妝無好似以前咁印左落口罩，十分持久。而且使用後，亦唔會覺得面部皮膚繃緊。 價錢亦很經濟，十分推薦大家購買。

killkew.b好用推薦：價錢合理，細細支易於攜帶， 噴頭好幼細，噴出黎水珠唔會整花個妝， 亦唔會有其他奇怪味道，亦唔會張住塊面， 淡妝值得一試！

Catcmc好用推薦：係用過最好嘅遮瑕膏，之前已經試咗N咁多其他款，有啲遮唔到太深嘅黑眼圈，有啲又太乾，有啲又浮；最後發現呢個係最最最最最好，潤得來又唔會厚，但係又遮到！唔怪得知咁多人介紹

KDing好用推薦：呢款遮瑕都幾貼面，唔會喺眼底造成顯乾紋，黑眼圈調色嘅function都幾好

傻傻小貓好用推薦：性價比好高，妝效都好自然偏霧面，仲可以用好耐，真係好抵買，絕對會再回購

royu3好用推薦：Innisfree 的礦物粉剛好用完，買了這個來試試，讓我十分驚喜！盒子裡包含一個粉撲，蜜粉透明無色無味，粉質細緻，透薄的霧面妝感，絕無粉感⭕️吸收油脂後會有自然的肌膚光澤感。跟Innisfree的礦物粉真的很相似，但容量是10g，為前者的兩倍！而且這盒更具修飾功能，上妝後毛孔bye-bye⭕️ 絕對是夏天對抗油光、高CP值的好選擇！

Giselle 好用推薦：Canmake 眼袋遮瑕筆 02號 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款算係canmake呢幾個月出嘅新品中最hit嘅其中一款產品ヽ(o♡o)/基本上一打開ig就已經見到好多日本美妝博主安利佢(∩˃o˂∩)♡今次我入手嘅係屬於偏粉色調嘅02號色⸜₍๑•⌔•๑ ₎⸝呢隻色會比較適合想增加臥蠶血色感嘅小夥伴(≧ω≦)我一般都會用佢嚟配搭粉色系嘅眼妝，瞬間變成溫柔可愛日本妹子(* >ω<)=3佢另外仲有偏裸膚色系嘅01號色(♡ >ω< ♡) ❤︎ ︎ ❤︎ 我自己最鍾意係佢嘅膏體設計ฅ(*°ω°*ฅ)佢嘅直徑係設計到啱啱好fit落我嘅臥蠶(.*◡͐︎*)b唔會話太闊而令到眼袋好突出(๑•́ω•̀)佢嘅顯色度唔算特別高，可以透過疊塗去校返適合自己嘅深淺୧⃛(๑⃙⃘⁼̴̀꒳⁼̴́๑⃙⃘)୨⃛我一般都會來回畫幾次去令佢嘅顏色更突出₍ᐢ⸝⸝› ̫ ‹⸝⸝ᐢ₎不過因為佢係屬於扭出嚟就收唔返嘅設計，再加上佢嘅膏體偏軟 ˏ₍•ɞ•₎ˎ所以入咗手嘅小夥伴一定要小心每次扭出嚟嘅用量哦(´∀｀)♡另外佢係屬於比較難卸嘅遮瑕，

tiff好用推薦：畫上去時候好順滑，唔易甩，keep到全日。 色調唔會太白， 黃白肌都可以使用👌🏻

zetalhc好用推薦：定妝效果普普通通，油性肌覺得兩三個鐘之後開始脫妝，需要加蜜粉定妝。不過呢款噴霧可以用係化妝前保濕，覺得有令妝感貼d

agnessstang好用推薦：用過柔霧版 而家用緊呢款Pinklite係珠光版✨ 不過官網已經冇得賣 專櫃姐姐話妝前妝後都可以用 不過我習慣完妝用 其實佢係冇定妝成分 所以唔係會成膜嘅定妝 夏天/油肌未必啱用 我自己膚質間中會有少少偏乾 有時上完碎粉/蜜粉餅會有少少乾紋 之後用MAC呢支噴完會顯得冇咁乾 所以可能比較適合乾肌/冬天用⛄️ 啲珠光粒子會沉底 所以每次用之前會搖勻先 專櫃姐姐話隔20cm距離噴 呢款珠光版噴完之後會微微多咗少少光澤 唔係太明顯嗰種 噴頭表現真係一般 有時會噴一條直線 係噴水唔係噴霧😂 不過大部分時間都算正常嘅 Overall覺得普通 當保濕噴霧用係ok 做定妝噴霧嚟講就真係普通

orangecc好用推薦：本人覺得定妝效果比原版紅色更加強😋在炎炎盛夏中使用正好！薄荷香味也很清新，聞着不會刺鼻

pillowjai好用推薦：每次Kosé定妝噴霧出限量新款都會買嚟試用，今次呢款有驚喜！定妝效果同普通款差唔多，噴上臉會feel到涼涼地，有淡淡嘅薄荷味，好啱炎炎夏日使用

Meric好用推薦：乾性皮膚超推介！未使用前，因為本人皮膚超級乾，一化妝後眼底就會出現裂紋，乾到卡粉。朋友介紹後一用，真的！效果超好！質地感覺不會太膩，但皮膚能保持滋潤，一點都沒卡粉！完全解決了我的煩惱！不停地回購了好幾年！

iliya 好用推薦：修護保濕精華底霜大推！！！質地幼滑易推開，而且比較持久滋潤，保濕功能超強，就算乾性肌膚或秋冬季都唔卡粉😍