毛孔遮瑕 推薦好用產品

綺羅香好用推薦：買之前未睇清楚，一心諗住買嗰粉餅，拎錯咗蜜粉餅，上臉先發現，不過錯有錯着，可以睇到獨立用蜜粉餅嘅功效 蜜粉餅都係攞嚟定妝同補妝，maybelline 呢款蜜粉餅雙層設計，將粉餅同粉撲分開，乾淨衛生，粉餅壓得好實淨，用手捽都唔點飛粉，粉餅底部有鏡，下層放圓形粉撲，正方形粉盒都算容易收納，粉撲膠感比較重，不過對摺唔易出摺痕同產生裂痕，氣孔少，質地密實，一掃粉餅均勻上粉 我買咗第二白色嘅，蜜粉餅遮瑕度點都係偏低，可以疊擦提高，但係上三層左右已經係極限，可以柔焦毛孔同紋理，有啲粉感，持妝（單上蜜粉）半日，控油力真係好犀利，多油嘅T zone無點出油，又唔會乾到卡粉，如果單純用嚟定妝，建議淨係上易出油地方，同埋用掃上，附帶粉撲太實，會好易唔小心擦走底妝，比較適合補妝時重點印一印

Kala好用推薦：粉質幼細，雖然我唔係用黎化底妝，我當係碎粉定妝用，會有更高既遮瑕度，又可以控油，拎出去補妝唔錯。

綺羅香好用推薦：感謝@cosm送贈嘅雪肌精 cc絲絨雪粉餅，送嚟嘅淨係粉芯，無外盒，我見官網嘅粉盒圖好靚，銀白色圓形外盒上面有雪花圖案，就自己去買嚟配返 收到嘅色號係01，顏色有啲偏黃，粉質好細滑，用手輕輕掃幾圈就融入皮膚，妝感係自然嘅柔霧感，因為個名帶CC兩字，本嚟就唔太期望遮瑕度會高，對痘印同黑眼圈嘅遮蓋算中度偏低，雖然可以疊加上去，不過唔會遮到完全看不見，而且將係瑕疵柔焦，對毛孔跟肌膚紋理嘅修飾也很不錯，但係如果毛孔非常粗大，都係搭配專門填平毛孔嘅產品比較好

格仔餅公主好用推薦：包裝勁靚但亦係令我對雪肌精大跌眼鏡既一樣產品，上完臉成個妝感好乾，如果保濕唔做就用佢塊面睇落會好乾同顯毛孔，所以比3星..

Fng好用推薦：粉質幼細，遮瑕力還可以，用嚟出街補妝方便，算是 價廉物美之選。

Kpl6be6好用推薦：唔好講笑～當時喺日本買係會平啲～仲有贈品送～可以乾濕兩用好方便～上面亦夠服貼～遮蓋毛孔嘅效果都好好～令皮膚望落滑溜好多～

lingbb好用推薦： essence粉餅簡單既包裝，非常親民價錢又滿意既效果👍🏻 質地係白色粉末，好幼細，上到面變透明唔會泛白色。我會局部用係最易溶既地方，例如鼻既位置， 但要注意如果鼻有瘡既話會有啲顯毛孔， 皮膚狀態好，用黎控油係不錯既選擇

Tiffany好用推薦：平價產品 粉質偏向粗糙，粉感比較重 個人覺得比較適合學生出油勁用，乾肌唔建議

綺羅香好用推薦：去台灣旅行好開心中咗5000蚊icash ，用佢嚟買咗好多化妝品同香水，其中就有1028藍色吸油蜜粉，以前見細妹經常回購。台灣酷熱嘅天氣令到我鼻翼出油嚴重，又唔記得帶定妝蜜粉，妝溶得好快，係康是美見到1028就即買即用，用粉撲上會令膚色變得太白，要用掃輕輕掃走多餘嘅粉，吸油力驚人，就算帶妝全日再加食燒肉，鼻翼依然清爽，難怪細妹咁鍾意

Heychauchau 好用推薦：這個透明蜜粉餅小小的，而且附有粉樸和鏡子，特別方便外出攜帶，吸油程度尚算可以，一般都用作底妝後定妝之用，夏天很容易溶妝，也方便作補妝之用。

wingbks好用推薦：疫情呢3年，最重要嘅一定係粉底，所以試咗好多款，呢款最啱戴住口罩用❣️首先佢嘅粉底係呈牙膏狀，初時都怕秋冬好難搽，不過經過多月測試，佢不論春夏定秋冬，搽都好適合！因為春夏較熱，朝早用佢又唔會中午滿面油光；秋冬又唔會因為乾而上唔到妝！🈴 雖然佢唔自高遮瑕度嘅粉底，但作日常妝容就非常推介，搽完唔會好厚粉！🌟 同好多精華、防曬都夾到，唔會化妝時有「擦膠碎」。 當然唔少得嘅係，佢唔會甩曬啲粉係口罩上面，唔怕食飯除口罩時尷尷尬尬！ 價錢算係中價，但佢好「襟用」，唔洗搽好厚，所以幾合化算，可以回購！💸

JuneL好用推薦：呢款粉底每次用量不用多，一粒黃豆份量就夠塗全面，粉底好薄及保濕，用後一d 都唔乾，我在夏天時用，無想過它持妝度唔錯，係無噴定妝噴霧情況下都係少許脫妝，比我想像中效果好好。

Chloeeee好用推薦：三隻色好方便，可以按需要查係唔同位置。不過，要注意佢比較亁，用起上嚟好易有紋，所以要注意保濕做好啲。另外，佢附送嘅掃用落去一般般，所以自己比較少用。

Kura好用推薦：一盒就可以遮曬全臉嘅瑕疵，同埋價錢算平，帶去旅行細細盒都好方便

Yanny好用推薦：我自己本身係中性偏T字位油，皮膚少少敏感 今次係比YSL呢一個粉底嘅設計所吸引 外型非常之型格，用來做裝飾都非常之吸睛 質地偷薄，基本上用好少份量已經可以用晒全面 但係我唯一覺得持久力爭少少，可能因為我本身T字位比較容易出油，而家又係轉天氣準備踏入秋天 所以一出油就感覺好似成塊面好油淋淋咁 持妝效果，我覺得一般 但係遮瑕到我覺得都足夠，如果面上唔係話有好多嘅瑕疵需要遮嘅話都完全cover到 其他人話出遊感覺望落似奶油肌 但係可能我自己就麻麻哋嗰個觀感 覺得望落去似油光滿面多啲

Akassoo好用推薦：今次試用Le Cushion Encre de Peau新出嘅輕透無重羽毛氣墊粉底20號色，以前未用過YSL Beauté呢個牌子，但一直都知道喺粉底方面都幾出名，同埋啲氣墊包裝勁靚。 呢隻新出氣墊粉底亦有主打高性能護膚成分，喺上妝嘅時候同時為塊臉護膚，不過我自己覺得可惜嘅係佢掩瑕力較弱，但可以再喺需要掩瑕的位置上重點印上粉底液。 個人覺得呢一款粉底妝感唔錯，試過上妝超過10小時仍保持得不唔錯，只有鼻翼有少量溶妝（本人係混合偏乾，兩頰位置偏乾，但係T字部位出油）。加埋呢一隻粉底液有保濕成份，混乾皮使用亦唔覺得乾。

Fng好用推薦：Cle de peau cdp 長管隔離霜啞光版 Mattifying Veil SPF25 PA++係一款非常適合春夏🏖🌞使用嘅啞光型化妝底霜，主打針對毛孔問題，解決皮脂和汗水引起的溶妝問題。 搽上臉表面質地光滑，同時有柔焦效果，可減少毛孔和皺紋的出現，隱藏毛孔👍，又唔會令你覺得皮膚乾燥。修飾毛孔及粗糙膚質，塑造輕透無瑕matte 妝容。 啞緻配方 相比cdp另一個 配方(光采柔滑)，我覺得 啞緻配方較適合油皮使用，不但能吸取肌膚多餘油脂，更不會阻塞毛孔，更清爽貼服，一般情況達10小時持妝及保濕功效，同時解決粉底氧化變色問題🌈， 如果當天要戶外活動嘅話🛶⛵️，我會喺上妝前底霜之前，再加防曬乳，咁就perfect! #底妝升級好物

Kelvin好用推薦：Cle de peau 長管隔離霜啞光版 Mattifying Veil SPF25 PA+ 🌟啞光面，質地幼滑易推 🌟修飾毛孔及粗糙膚質 🌟有修飾毛孔，可全面用，尤其鼻翼/T字位/毛孔粗大位 🌟輕微控油效果 🌟🌟🌟不會阻塞毛孔 🫥透明，無均勻膚色作用，需再上粉底 🫥無保濕效果 感覺比benefit更好用，唔會起暗粒粉刺，協助打造遮瑕妝容，屬於一款低調咁調整皮膚瑕疵的底妝品

Ko好用推薦：以開架粉餅黎講 粉質算係幼細 但唔算輕薄 唔建議用係有眼紋嘅地方 coverage 中上

bibubibu好用推薦：見到我將呢一個粉餅用到見到晒鐵片就知道佢有幾好用 integrate係我每次去台灣或者日本旅行都一定會回購嘅品牌 佢嘅產品多數都會有心型嘅設計元素 非常可愛 而呢一個粉餅我會用佢嚟定妝同埋補妝 喺日頭化完妝之後，我會拎一個大嘅碎粉掃大範圍上喺面上面 佢會有少少提亮嘅效果 控油持妝能力唔錯 夏天出油之後都唔會溶唔會變成一達達 佢雖然有少少閃粉 但係唔明顯 整體都係啞光效果 而補妝嘅時候我就會用佢附送嘅粉撲 呢盒粉餅非常之小巧 放喺手袋一啲都唔佔空間 所以我已經回購兩三個

mcosmetics好用推薦：Dior Forever 呢支遮暇液一直有好多beauty youtuber推薦。我已經用完兩支。試左好多牌子嘅遮暇液係比較滋潤。我本身眼底較乾，帶妝一日容易現乾紋同卡粉，用dior效果係最好。顏色選擇多，容易搵到適合亞洲人嘅色調。雖然價錢唔平但佢都好大支用到好耐～開封耐左覺得有少少氧化，眼色橙左少少，但都好適合遮黑眼圈～遮暇度冇hourglass 咁高，但潤啲薄啲，可以疊加。最大嘅缺點係佢會漏到個蓋入面全部都係，用過兩支都係咁，覺得好浪費同埋有時會整污糟。不過冇hourglass咁差，唔會漏埋出黎。

mandy好用推薦：Dior Forever Skin Correct 24H Wear Caring Full Coverage Creamy Concealer 恆久貼肌修飾遮瑕膏 #1N (Neutral中性色) $ 390 今次介紹的Dior恆久貼肌修飾遮瑕膏 雖然名氣不及其他名品遮瑕膏， 但卻是我很愛的遮瑕膏， 所以很感謝Dior讓我終於找到適合自己的concealer。 尤其是恆久貼肌修飾遮瑕膏可以針對我的黑眼圈， 一面遮蓋眼圈(令雙眼不再顯疲累，雙目更有神)， 一面也可遮掉毛孔，而且使用感輕盈舒適不厚重。 質地有點像粉底液，延展性十分好，可輕易推開， 除了遮瑕，也可以提亮及隱藏毛孔，完妝效果很是自然持久， 還添加了一些保濕及抗衰老等護膚成分， 恆久貼肌修飾遮瑕膏就是好用。 唯一的小麻煩是要請品牌BA代為專業選色唷 (最好請即場示範遮黑眼圈)，否則選了不適合的色系就很浪費了。 含保濕成分: 甘油, 戊二醇, 丁二醇, 卵燐脂, 氫氧化鋁 及 辛乙二醇 抗衰老成分: 甘油, 維他命E 及 歐蓍草萃取 控油成分: 矽石 及 氫氧化鋁 抗氧化成分: 卵燐脂, 維他

Kelvin好用推薦：屋企盒loose powder用完，去咗cosme買Chacott既蜜粉 。之過去過glow版本，今次買Matte版本試下😀 色號簡咗761，有少少遮瑕，佢既粉質配搭依隻色上左面似blue 咗，令成個底妝顯高質感！ 皮膚好既女仔簡透明色就ok喇～ Matte版本控油力相當好，大半日都無補妝，既使出完全日街個底妝都keel到7成。依排天氣凍左少少我就配搭返保濕base+保濕foundation，咁成個底妝唔會太乾，但又做到持妝效果😍 留意返無附送粉撲，但我習慣用碎粉掃上loose powder，所以無所謂～

Vicky Law好用推薦：Chacott呢個品牌係熟悉日本美妝嘅朋友介紹😌 一直用開佢嘅底霜 幾唔錯㗎👍 呢個蜜粉一盒有30g 性價比黎講唔錯💯 粉撲要另外買 自己平時用開化妝掃 所以無特別加配自己用透明色蜜粉 主要想個妝keep得耐啲同埋減少黐立立嘅感覺 🌬 呢個蜜粉 粉質尚算細滑 白色粉末上咗面唔會過白 好自然 小遺憾嘅係 呢隻蜜粉要上多幾次 塊面先有少許絲滑嘅感覺🥹 如果係追求上完粉滑捋捋 唔黐頭髮嘅感覺 呢個就唔太適合 👉👈

Blueblueblue好用推薦：Cezanne 日本售價比香港行貨便宜，每次去到日本藥妝店都會買少少。 會泛白，可能我膚色偏黃。

格仔餅公主好用推薦：質地透薄唔會好厚好焗既primer，平價又抵用既good choice，用完持妝耐左唔易甩幾好用

Hamiii好用推薦：的確係有效均勻膚色既👍🏻 但稍稍比較乾.. 要配個比較保濕既底妝會比較好 我自己就只會用在眼周，鼻側，咀角同斑點位 用完基本上都唔需要再上遮瑕.. 直接用有遮瑕度既bb cream/ 氣墊粉餅就夠 都幾方便👍🏻

zetalhc好用推薦：呢個係etude house舊版嘅glow primer，帶微微珠光感，同埋可以開皮膚調色，後續上粉底會覺得順滑同貼服左，總括嚟講唔錯

Ressie14好用推薦：幻彩流星彩妝粉盒2024年版 一直覺得呢種小珍珠狀嘅蜜粉喺設計上真係好突出，忍唔住今年買咗一罐一睹廬山真面目。 我會用散粉刷喺罐裏面兜圈抓粉，均勻沾出五色珍珠蜜粉嘅份量，然後掃上臉蛋， 佢呢隻粉質唔會好乾，視覺上散發彩妝帶嚟嘅光澤；仲有淡淡嘅香氣，閉上眼睛想像..就好似喺一間高級嘅化妝間度妝扮一樣。 另外佢嘅包裝顏值超標！小罐係密封設計…防止一粒粒蜜粉受潮濕影響，所以如果有用完嘅一刻，蜜粉罐絕對可以用嚟收藏～

Ronni好用推薦：其實佢一出就買咗～ 全因佢好靚 仲要好似好多色好特別～ 不過用咗幾次～ 就將佢打咗入冷宮🫠 原諒我用到勁污糟🤣入面真係好靚嘅～ 不過… 佢真係一定要用掃上～ 煩😠 同埋佢係閃嘅🥹 個人真係唔鍾意～ 隔咗好耐～ 清櫃想扔嘅時候見到佢～ 又拎出嚟用咗2日～ 同事話睇落個妝好滑☺️☺️ 同埋唔會印曬落個口罩😷 我決定俾多次機會佢！

DeniseWun好用推薦：好開心可以收到呢支蟲草抗氧修護精華粉底液同蟲草抗氧修護微光蜜粉。用完粉底液整體效果都非常滿意，係自然透光既奶油肌。下面呢張相係搽完粉底液既效果。 遮咗絕大部分嘅紅印，調整咗膚色。咁跟住就要試埋個碎粉。不過收到嘅碎粉係試用裝， 正貨應該有個網可以隔一隔d粉，令到上粉均勻一d。不過呢個包裝都冇損產品既實際效果， 連埋先前既粉底液，上完碎粉，我原本粗大既毛孔都遮到9成，而且依然唔會乾重保留到粉底液打造奶油肌既光澤感。戴口罩出完街，返到屋企妝容依然keep到，有泛油冇溶妝，而且口罩上沾到既粉係極少，不過因為衛生問題我返到屋企好快掉左個口罩唔記得影低。

chasiutung好用推薦：蟲草抗氧修護微光蜜粉我用嘅色號係Nude Glow 蜜粉盒彈力網設計 取粉方便更均勻 粉質幼細 可能係選錯色號用左蜜粉膚色反而暗左少少 我係混油肌感覺控油效果一般 出門一小時左右鼻頭開始有輕微出油 大概三四小時左右T字位小量出油 用紙巾印下都ok 無明顯甩妝 下午再補一層蜜粉 鼻翼眼底唇邊都無卡粉問題 平日用其他品牌控油蜜粉 會好乾上蜜粉皮膚會有繃緊感覺 鼻翼眼底唇邊會有卡粉嘅問題有表情紋嘅位更慘不忍睹 但bobbi brown 蟲草抗氧修護微光蜜粉無依個問題 總結:對混油肌嘅我黎講夏天控油效果一般 用完吾會因為太乾而卡粉 皮膚無繃緊感覺 粉質細滑 遮蓋毛孔一般 上妝後妝感自然粉感吾重 一整天個妝都hold得都吾錯 個人認為膚色吾太深嘅可以選Pure Glow 混油肌/乾性肌 想要持妝又自然嘅妝感可以一試 #火熱新品

Alicehui好用推薦：在屈臣氏買的揀錯了色號，揀了110號色，有啲太白了，因為之前買反孔特務藍色粉底液太乾，轉買了紫色這一款，在秋冬春用的確比較滋潤、易推開，但用一整天便會出現少少溶妝，要補多回些妝

Niki Ho好用推薦：雖然Maybelline FIT ME!水潤柔滑粉底液明示含有維他命C及E等成分,能帶來保濕和光澤效果,但使用結果並不盡如人意。 由於我的肌膚屬於乾性,需要較強的遮瑕力度和持久度。不過這款粉底的質地比較薄透,遮瑕力一般僅達中等程度。此外對我來說最致命的是,粉底經過幾小時後容易滲出油脂和甩粉,令全面的妝容變得暗沉不清新。 雖含有SPF等保護性成分,但整體保護力和維持力不如我要求。對於乾性肌膚而言隨時需要補粉維持妝容,使用起來並不實用。雖然價錢實惠,但對我個人來說效果一般,不建議長期使用。

inkitsung好用推薦：純粹貪佢細細個，補妝好方便～ 而且都算又平又好用之作～ 上面係啞光霧面效果，透明感重～ 冇乜妝感但幫你稍稍修飾，不過就唔係好長效喇～

kameari好用推薦：上面幾自然，不會很厚實，算是不錯但油肌真的差一點點外出太耐都是會有少少浮粉，尤其是現在夏天又口罩又焗。整體還可以接受

xkatxx好用推薦： -帶口罩嘅最佳拍擋- 疫情之下日日都帶住口罩 😷 大部分嘅粉底都會甩曬係個口罩到 一除口罩就上下兩隻色 Chanel 呢支粉底粉雖然都會痴左啲顏色係口罩到 但呢隻粉底只要一上面就會好穩固咁痴住塊面 十分貼服 👍🏻而且控油能力都唔錯 唔易出油！ 但遮瑕力較弱少少 比較岩天生麗質無咩瑕疵嘅朋友 但疫情下帶哂口罩 遮瑕度我自己就無太著重！帶左成日口罩個妝感都仲好靚 奶油肌👍🏻 每之用嘅份量唔洗多就可以上哂全面👍🏻好慳粉底

kakawong525好用推薦：好清香，每次用心情都變得好放鬆好療癒 妝感出黎好水潤透薄，打底用咗CHANEL LE BLANC 嘅base 好似原生肌噉，睇落皮膚好好。出咗油會變奶油肌😍😍大愛

橘子貓好用推薦：Suqqu是我的愛牌，品牌的彩妝產品基本上都很適合我，尤其這款粉底膏，是我秋冬常用的粉底之一，難得適合我偏油的混合膚質。 我膚色是黃一白，所用的色號是#101，粉底顏色很貼合我膚色，底色不會偏黃，有提亮膚色的效果，上妝一整天粉底也不太會氧化。 我最愛在秋冬用這款粉底，因為香港天氣變乾，我皮膚沒那麼愛出油，Suqqu這粉底保濕度剛好，可以打造出奶油肌妝效。同時，不會卡粉在眼下乾紋，讚！另外，這款粉底遮瑕度也很不錯，達到中上程度。我手臂上剛好有一個新鮮的、突出的傷口，跟剛剛清理完的暗瘡很像，可以證實一下粉底的遮瑕度：用手大範圍塗上了一層粉底的效果，傷口已被遮掉大部份紅色：用遮瑕掃重點再上一層粉底膏，傷口不仔細看已經找不出來了：Suqqu粉底膏真是既不卡粉，又有遮瑕度，不會有面具感，十分難得。沒有長大痘痘的時候，基本上我用這一瓶粉底就可以滿足我所有的底妝需求。推薦給秋冬皮膚輕微出油至偏乾的肌膚。 至於持久度方面，始終Suqqu這款是粉底膏，不能跟主打持妝的控油粉底相比。但只要在肌膚出油的位置用上控油的妝前，加上好好定妝，我是混油肌在戴口罩的情況下，整天妝感也可以維持得很好，只有跟口

nicolebuzz好用推薦：💛💛💛 SUQQU產品雖然貴，但真係好值得！而且每樣產品都可以用好耐，所以一去日本就買了幾樣產品試用。 SUQQU粉底霜聲稱係「零粉感」及「貼膚」。我只是用手指及美蛋上產品，立即有光澤感、貼膚，與肌膚融為一體，就算一整天都可以Keep到完美既完妝效果👏🏻👏🏻👏🏻 粉底霜既的保養成分，初初聽到都怕自己唔適合，但我係混合性肌膚，都可以做做到輕奶油底粧，加上碎粉更加可以不用補妝，Keep到一整天！ 如果想有完整透亮既奶油肌膚，就可以試用一下💜 #秋冬愛用美妝