光澤 推薦好用產品

Kpl6be6好用推薦：標榜24小時都用得～果然用上後皮膚毫無負擔感～啱哂唔想全素顏但又懶得坐定定化妝嘅時候用～最近於飛機上乾燥嘅環境使用～保濕效果比預期中好卻又能有效吸附面上多餘油脂～唯一要注意嘅係～少量多次搽上面～否則有機會出現泛白狀況～

Ruby Wong好用推薦：🤍睇清楚個名：係素肌！素肌！素肌！重要事要講三次！因為佢真係唔可以同一般蜜粉相比較（期望值不一樣）遮瑕力係完全無既 🤍雖然冇遮瑕，但勝在方便，薄薄一層氣色好咗，面色柔和咗，而且我覺得佢控油效果係唔錯嘅，我塗完佢同系列嘅底霜，再搽呢隻蜜粉，經過一個香港夏天嘅下午，都算係清爽。 🤍真心，大家各自心目中的偽素顏係有d唔同既，如果要做到吹彈可破既肌膚，咁一定唔係呢款產品。但如果好似我咁，落樓下買啲嘢想遮下醜，拎返小小自信心，咁呢隻產品係足夠用的。 🤍另外佢外型可愛，而且價錢平，好適合中學生，由其是啱想化妝返學但係又要扮無化妝果種😛

lingbb好用推薦：- 我幾鐘意黑色外型再配一個透明亞加力框邊既包裝 ，簡單得黎有心思既包裝。 - 色號係LS PK353，唔係佢皇牌既色調， -蘊含日本山茶花籽精油滋養成分 - 我係呢個系列既漆光唇膏，做到極致柔滑，塑造水亮唇妝； - PK色一定係BARBIE PINK，一隻非常有存在感既色調，比較襯白一點既皮膚 - 呢款特別之處係透過日本製混合色素因子做到好滋潤之餘仲會顯色既效果，冬天滋潤既唇膏係必需既 - 呢隻色要求既妝最好配埋差唔多色既胭脂就會令成個妝粉嫩得黎好靚 - 暫時諗唔到有咩缺點 - 推薦俾所有人！ #我的秋冬愛用彩妝

Kura好用推薦：呢款唇膏真係超級靚，無論顏色或者包裝都係，搽上嘴光澤感十足，但係價錢就偏貴

Fng好用推薦：sabon hand cream citrus blossom 好香嘅橙花味 ，滋潤度好好，搽完對手滑嘟嘟， sabon香氣都last到兩三個鐘， 但當然相比jo malone 就個人覺得jo Malone 香氣更持久。

_jc好用推薦：人生用過其中一支最好用嘅潤手霜！質地唔算厚重得你又會有一定嘅保濕度，平時喺office 吹冷氣同埋洗完手都會即刻搽翻～ 保濕度夠之餘香味亦都好舒服，推薦購買！

royu3好用推薦：我愛用的色號為12號色，約會必備，是任何季節，任何時候都能用的唇妝產品，已回購多次！ 這系列的唇釉為鏡面，即具光澤感的唇妝感，即使乾燥天氣時使用也能覆蓋唇紋，能避免約會時咀唇脫皮、「乾爭爭」的尷尬情況⭕️看上去色調飽和度好像很高，但上唇後是較透亮的水紅色，是人見人愛的顏色🍒看上去水嫩紅潤，如櫻桃般甜美可口。 而且持久度很好，下圖為用水拭擦模擬飲食後的情況。 如圖所見仍保留淡淡粉紅色，咀唇如原生唇般自然。約會時使用，不會變得蒼白無血色，好感度大大提昇，很討喜呢👍🏻 #夏季戀愛感妝容

Noel好用推薦：秋冬季的約會 essential - YSL唇釉❣這枝算是品牌經典產品了，無人不知的金蓋唇釉。唇釉帶點點糖果味，好聞，而且帶微微染唇效果啊～ 產品塗到唇上感覺滋潤，光澤感強，而且一枝能有兩個效果，大愛❣ 1️⃣ 上下唇各點一點再用手指推開，Tinted lip + sheer finish 2️⃣ 直接用海棉頭塗抹，水潤QQ 效果 即使疫情使用率減少了，我還是會收藏的好物💕 #我的秋冬愛用彩妝

chasiutung好用推薦：質地乳液狀粉膚色淡淡的香味 防曬度SPF45，PA++++ 日常夠用 依個質地非常輕薄 搽上面好滋潤吸收快 有提亮膚色輕微遮瑕效果 可用作隔離霜 都可以加入粉底液用 我混油敏感肌 無過敏 但感覺有d油 加入粉底液用個妝吾持久 當隔離霜用還好 如果皮膚無乜瑕疵可以直接用佢 或者用完佢上d蜜粉就可以了 #BA照

SYJU好用推薦：呢支防曬買嘅時候因為優惠一次過買兩支, 諗住比一支我女用, 但係用後發覺佢比較油唔適合我女, 而我用嘅時候亦覺得佢唔夠水潤, 好容易顯出乾紋

Lumi Kwan好用推薦：一睇就知我係fans. 兩大唇膏品牌YSL 同Dior都係我大推，但如果講大愛大愛，一定係YSL。我都未影晒，但目標係想話俾大家知質感。 第一支係我好常用嘅啞緻唇膏，睇我連number 都冇左就知我成日帶出街。佢好好用，好易查，啞色但好滑，又唔易甩。 我個人係中意唇釉，漆亮系列水凝膠質地為雙唇帶來清爽，唔同平價品牌，佢係好long lasting，又唔會好閃令令，太糖果感覺有時會好油膩，佢就剛剛好，帶點小性感。而金蓋系列就係啞色，佢更long lasting又唔乾，好嘅lip tint唔乾真係好緊要！ 至於唇膏，圖中小銀管有粒銀星星，所以啲閃粉一查就會出晒黎。 對比之下，絕色唇膏較實色，顯色度係最高。亮彩唇膏就自然d，但都有啲色系有閃粉，可按個人選擇。 我再加一張”落妝一次圖”，就知邊款最long lasting

葉子🍃好用推薦：色號52，顏色一層已經好顯色，顯到膚色白，不過偏干，如果甩皮用，仲會差左，浮起晒，要打好d個底

chasiutung好用推薦：Ysl恆時輕透霧光粉底液 spf20 新版同舊版都有買過 先講講皮膚狀況 我膚色黃皮1.5白 混油敏感肌 夏天出汗同出油量都算多 有痘印 質地: 舊版質地偏杰 無乜流動性 超快乾 新版Ysl恆時輕透霧光粉底液 質地同舊版吾同 粉底液流動性強 上妝更好推 更輕薄 色號: 新版我買嘅色號係Ln4 舊版係b25 新版色調偏黃調 舊版色號氧化後偏紅 對我黎講新版色號更合適 新版粉底液改善左粉底氧化暗沉嘅問題 💕 妝感: 舊版嘅妝效更奶油肌 出少少油後反而妝感更靚 不斑駁 無溶妝 有種出油後同粉底自然融合嘅感覺 新版嘅妝效更霧面更雅致 控油力更強 妝感更輕薄 上妝後有點乾 鼻翼眼底會卡粉堆積 妝前要做好保濕🫶 持妝： 新版嘅控油力更強 但持妝效果沒舊版好 半天左右會斑駁同少量溶妝 舊版不太控油 但出油後妝效仍然好靚 一整天妝感都好靚但會少量暗沉 總括： 我個人比較喜歡舊版嘅奶油肌妝效 喜歡新版嘅粉底流動性 喜歡新版嘅色號同埋改善左粉底氧化暗沉嘅問題 兩支整體都算吾錯

zetalhc好用推薦：適合油性肌嘅粉底液，用全日同埋係炎熱天氣都唔容易脫妝，但係遮瑕力不太高，痘印同黑眼圈唔係好遮到。不過overall性價比唔錯，質感幾透薄同埋唔致敏，一支夠半年日日用

Kriskirs09好用推薦： 已經係我用嘅第二支 第一次用落覺得都唔錯 所以去日本旅行嘅時候買咗第二支 用過唔同嘅髮尾油 呢一支個質地算係好輕薄我唧出嚟都係好流質 大致上嘅用法： 1. 頭髮半濕嘅狀態下 2. 將髮尾油喺手掌心搓勻 3. 放喺耳仔下面嘅髮尾 4. 髮尾大致吸收之後將手上面剩低少少嘅髮尾油撫平一下耳仔附近嘅頭髮 5. 繼續吹乾個頭 頭髮喺半乾半濕嘅狀態最容易吸收發尾油 同埋因為我電攣咗啲頭髮 頭髮都有受損同埋乾旱嘅情況 我會順住個頭髮電攣嘅方向一路按摩唔好睇我搽緊嘅時候隻手好油 佢一陣吸收完之後就一啲都唔會黏笠 使用嘅時候都要留意份量 唔好一次過貪心用太多泵 如果唔係嘅話個頭就會好笠變成一束束😖 份量用得適宜當吹乾之後頭髮會柔順啲 我把攣頭髮都打理得整齊啲 吹完頭都唔會去到好枯乾同埋混亂 （如果平時懶唔用髮尾油嘅話真係有一種雜草嘅感覺，仲會見到有啲明顯嘅開叉，比較乾燥🤢）真係有種健康頭髮絲嘅感覺✨PS搽咗髮尾油之後吹頭好似吹得快啲🤣

Fng好用推薦：🩷粉紅色盒Lucido美髮油繼續係我2025年回購清單上嘅美髮產品，佢質地輕薄，不黏笠，清爽好快吸收💯，淡淡香味，用後頭髮更有光澤， 大幅減低毛躁感，🤩最驚喜係斷髮大量減少💞， 我通常每次用電髮棒夾頭髮之前，都會搽一層先 ，保護髮絲。 🧡金色盒比粉紅色更滋潤些，粉紅色盒嘅油質比較流動性強啲，清爽啲，適合細軟嘅髮質使用， 所以我通常買粉紅色盒用👍🏻。💙藍色盒係比較厚身，近乎啫哩狀態，適合粗硬髮質使用。

arilau好用推薦：一直偏愛透薄嘅底妝，粉底液亦首選較水潤嘅質地，但相對地遮瑕度都會冇咁高。Make Up For Ever呢款粉底就屬於較水潤而遮瑕度不高嘅粉底液 買嘅時候咁啱係轉天氣嗰排，最初用都做到想要嘅透薄底妝效果，之後就發現鼻頭位置乾到卡粉🥲（已經分唔清係粉底液唔夠滋潤定係本身做唔夠保濕） 總括嚟講，如果同我一樣屬於乾性膚質嘅人，夏天用應該效果唔錯，但秋冬用就要先做好保濕或轉用其他更滋潤嘅粉底液🧏🏻‍♀️

mamayi好用推薦：我係一個會按當日肌膚狀況而選擇用邊款粉底嘅人，Make Up Forever 呢支REBOOT就啱曬秋冬季使用。 ⋯⋯⋯⋯⋯⋯⋯⋯⋯ 我偏好用粉底液，但有時太稀嘅怕唔夠遮瑕，呢款就恰到好處，抹上面延展性高，做到透薄嘅效果；而且易於塗抹，節省返工化妝時間。 再者，佢上完妝再搽碎粉，可以營造較啞緻嘅面容。 ⋯⋯⋯⋯⋯⋯⋯⋯⋯ 到中午時，塊面都冇變灰，放工都係輕輕用紙巾印吓，再補返啲碎粉就出得街。 加上佢$380，性價比都高，呢支已經係我第2支。

Kelvin好用推薦：CPB鑽光透薄修護粉底液 其實我比較少用粉底液，平時搽有色防曬/底霜就會出街。依支係我少有肯keep住用嘅粉底液，因為用完皮膚好似BB肌🥚 我膚色偏白淨用的是010色。雖然佢叫鑽光粉底液，但我感覺係微光澤感。質地十分透薄，而且流動性強。我通常用1泵半至兩泵就已經可以搽晒全面。冬天嚟講，我的皮膚都比較乾燥，但保濕度都還好，另有SPF25 PA++中等防曬度😎 用咗大半支感覺無乜遮瑕力，臉上無瑕疵既人會岩用啲，真係好似第二層肌膚一樣。上完妝成個感覺都好完美，感覺係出咗成日街，個妝都冇乜點甩🤣

Mei_pk好用推薦：上妝很貼服持久，愈夜愈美麗，但我有時感到有點點氧化，但膚質看上依然好像很好,只是晚了顏色有點深了，不過沒影響妝感，除了貴沒什麼缺點，推介大家如果有資本這個值得入手

Fng好用推薦：較早前係官網買入 urban decay smokey 眼影盤，佢成個包裝好有質感，盒子雲石紋外表，成盤偏冷色調， 有三格係matte finish，其他都有珠光或閃粉，品質出名幼細，唔會飛粉，持久度十分高，有朝到晚都冇甩過妝， 如果喜歡淡妝，搽少少就已經夠， 因為佢顯色度非常之高。

Angie好用推薦：URBAN DECAY出嘅眼影真係好高真，無論係顏色配搭定粉質都100分❤️‍🔥 隨盒附送嘅眼影掃都好軟好好用

lhyying1128好用推薦：用過好多次韓Ryo嘅洗頭水啦(o^^o)一股濃濃既山茶花味，聞落好舒服。而本人以前成日染頭髮，搞到自己既頭髮好似稻草咁乾o(︶︿︶)o於是屋企人就買左呢枝for受損髮質嘅韓方修護洗頭水比我，用左一枝後，頭髮望落去已經好好多，再無人問我點解頭髮咁乾巴巴啦↖(^ω^)↗

Giselle 好用推薦：呂 韓方修護洗髮液 (受損髮質適用) *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款洗髮液係專門設計俾受損髮質嘅人用*ˊᵕˋ)੭佢陣味就係少少山茶花再加中藥嘅味道，我覺得可以接受( ˶ˆ꒳ˆ˵ )我嘅頭髮因為平日會set造型同有燙染習慣而變得好乾旱₍ᐢ ›̥̥̥ ༝ ‹̥̥̥ ᐢ₎用完佢之後係feel到頭髮係有變得光澤咗同埋順滑咗( ˊᵕˋ )梳頭嗰陣時亦都feel到頭髮冇咁多打結同開叉嘅問題⁽⁽٩(๑˃̶͈̀ ᗨ ˂̶͈́)۶⁾⁾如果同我一樣係受損髮質嘅小夥伴不妨可以入手哦( ˘͈ ᵕ ˘͈ )

皮皮爱马桶好用推薦：这个红色的吕有股淡淡的人参香味，我本身头发染烫又漂到6度，如果不用护发素的话整个容易打结。用过这么多护发素中，红吕洗完后是最顺滑的，几乎不用梳子梳开，直接吹干头发都不会打结，或者就算自然晾干头发也很顺滑，后续几日头发也不会油腻，已经空瓶了大约三四瓶啦

Circlecyy20好用推薦：於是漢方嘅關係，所以味道會有一種中藥嘅味道，很視乎使用者喜不喜歡用，頭髮留香嘅時間比較長 。 主要用在髮尾上，使用後吹乾頭髮會明顯見到有光澤感，滋潤度相當之好，亦都因為中藥配方嘅關係，所以會對佢嘅成份及感受會更加有信心。

葉子🍃好用推薦：色號408(bated breath)，比較偏紫調，顯色好漂亮，很潤很有光澤感，很遮唇紋，持久力一般般，很吸引的香味同顯白

Wing好用推薦：買左407號色as if I care 好顯色，上唇後可以維持4-5個鐘頭左右，唔會容易掉色或暈染開 上唇後質感細緻光澤，唔會有塗厚重嘅感覺

applepie好用推薦：敏感性皮膚必備嘅妝前霜，搽完唔會敏感，防曬方面都好足夠日常需要，防到UVA & UVB，搽左令皮膚即時美白、提亮及保濕，但唔會泛白，如果皮膚狀態好，搽呢枝已可出門口～

CC好用推薦：作為敏感肌膚嘅代表，La Roche Posay 呢個醫美品牌基本融入咗我嘅日常生活。平時狀況OK，我會用Annessa 因為始終比較控油，同埋可以亮白肌膚；但一到皮膚敏感出疹，我會立即轉用呢個品牌😉雖然佢呢隻質地唔算好輕透，但係容易推開，唔會話太厚身，引起悶痘或者粉刺，上面亦都唔會假白，白色液體上面算係正常膚色，唔會話油立。同埋物理性防曬，起碼唔會傷皮膚安全可靠😎

Fng好用推薦：買咗AB09號色，暖棕色調，屬於百搭顏色，上臉柔和夕陽嘅感覺🌅，適合黃皮膚使用。一貫日糸清透感，可以多次疊搽，去打造自己想要嘅深淺色效果， 不會出現重手咗，無可挽回的地步。 另外，驚喜嘅地方係佢好持久，全日妝感維持不變， 粉質細緻，冇結塊情況，同埋佢有漸變層，可以用頂層最淺色做highlight ，另外可以溝埋一齊用，就會有低調blink blink 效果 ，不浮誇， 適合日常妝容。2024 我最常用嘅 胭脂 非佢莫屬 ，打造不同妝容 ，非常方便，性價比又十分之高。

bibubibu好用推薦：excel產品永遠都唔會令我失望 呢款胭脂有多款顏色選擇 佢嘅漸變顏色令到我只需要擁有一盒就可以做到唔同妝效 可濃可淡 粉質都唔錯 相當顯色 而且佢有細閃 做到有光澤感嘅效果 而佢附送嘅掃以開架產品來講質素好好 掃毛滑 而且用佢胭脂掃上面部亦係大細啱啱好

Milo101好用推薦：這款高光膏是過年妝容提亮好幫手，性價比高，非常之推薦！ 首先外觀討好，有類似鑽石切割的造型，燈光映照下不同角度都有光線反射，好配合產品本身。 02號粉水晶色，好百搭的粉色高光。質地是慕絲狀，用法都多元化。如果想突出啲，可以用手指上，閃感更明顯更華麗。平日妝容如果想自然啲，用蜜粉掃更方便，好似融入皮膚的隱約光澤感。或特別細緻部份，例如用眼影掃點亮眼線中央、眼頭位提亮。 性價比很好，幾十蚊就有一盒，用左好耐都仲有好多。體積細小美觀，無論家用定去旅行用都好方便。

KDing好用推薦：係介乎粉狀同膏狀之間既highlight，上面效果幾自然，唔會似粉狀highlight咁有碎片既感覺，反而有自然反光感，即刻提亮左輪廓。 我多數都係用完碎粉後用，因為碎粉前用會遮蓋左個效果，用係碎粉後就可以保留到光感外，都唔會同碎粉打交。 拜年就係要用highlight令自己睇落容光煥發，但又要保持偽素顏既感覺😂 光澤度：4/5 自然度：5/5

Kriskirs09好用推薦：Nars 自然亮采持久粉底液 當時係專門店想買粉底液 店員就sell咗我呢一支 佢幫我即時試咗上面覺得效果唔錯 佢唧出嚟嘅質地比較cakey 化妝嘅時候都比較快乾 推開嘅時候已經感覺到好黏稠喺手上面試嘅效果都會感覺到比較乾 的確呢一隻粉底液係比較適合油性皮膚 以下係我嘅上面圖：（上妝時間比較耐）買完返屋企發現自己上粉底嘅時候 好！難！用！🤢 一開始我係用cushion上妝（打濕咗 發現上得唔均勻仲有啲一嚿嚿嘅感覺 試咗幾次之後發現用乾粉撲上面會好啲 或者直接用手指上😵 小妹用後感 覺得佢嘅遮瑕力都算唔錯 平時用一層都已經應付到日常瑕疵 如果追求完美無瑕嘅底妝就要再加遮瑕膏 佢都屬於越夜會越靚嘅粉底液 皮膚出咗油之後同佢融合咗會比較自然 早上化完即時嘅感覺算幾厚粉 佢喺面上面都真係太有存在感 另外鼻翼都有少少積粉 後來我借咗俾另一個朋友試用 佢係屬於乾肌 以下係佢嘅上面圖：佢有啲暗瘡印嘅位置係直接有甩皮嘅情況 但係佢都認同遮瑕力係幾高🤔 總結而言 小妹都唔係專業化妝師 所以上面嘅效果都有機會因人而異 我就覺得有啲難用

Fng好用推薦：NARS natural radiant long wear foundation， 妝感係少少光澤，同埋粉底液流動性唔強，比較厚身， 要分開局部上臉，如果唔係乾咗好難推得均勻， 遮瑕力中上，但係夏天用，感覺皮膚比較焗一點，如果係乾肌使用，去到夜晚會現乾紋。

mandy好用推薦：CHANEL LES 4 OMBRES BYZANCE #318 PARURE VÉNITIENNE $595 CHANEL的4色眼影盤粉質柔滑不飛粉，容易上妝。 4色眼影都可互相配搭到，非常實用，不存在癈色。 右下的眼影第一眼以為是白色，其實是很美的幻彩色， 可以用作眼影打底，具少許提亮效果。 左上的玫瑰粉色及右上的香檳金色均可以用作眼影主色， 可以按照喜好選其中一色作主色。 左下的啡色，可以用來描繪眼線，可有效放大雙眼。 CHANEL的4色眼影盤外盒設計簡約華麗而且貼心， 不佔空間，內附鏡子及眼影掃，方便隨時隨地上妝補妝。 顯色方面剛剛好，即使上多幾層眼影，也不會太鮮色或具濃 豔感。特別喜歡CHANEL的4色眼影盤配色，每個眼影色都很美很經典不過時，可以一個眼影盤走天下，在不同場合都可以派上用場。

Vlee好用推薦：色號 #268 顏色配搭非常適合黃種人皮膚 健康膚色使用唔會顯得污糟 雖然顯色度不算高，反而容錯率就高 非常適合新手使用，可以逐層疊加 啡紅色一格顏色唔會俗氣，易carry 偽素顏可以只使用啡色三格 夏天使用都冇溶妝，眼皮沒有出現摺痕 持久度算高 

Viannie好用推薦：用過粉紅色玫瑰香味好鍾意，想試埋粉綠色白茶香，但唔鍾意個味道😔 功效其實一樣，主要係果日唔化妝，搽完防曬就用佢，薄薄上一層好似定妝咁，塊面冇咁立立令，冇咁重黃氣白少少會精神啲，最正係夜晚唔駛用落妝產品🥳

Giselle 好用推薦：Club 白花素顏護膚蜜粉餅 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 呢款同櫻花味就功效差唔多一模一樣(*´□︎`)ｧﾞｰ唔同嘅係呢款白花味係呢個系列嘅常見款，而櫻花味屬於期間限定款(｡-`ω´-)ﾝｰ白花味就即係百合花味，個人覺得陣味唔算特別濃₍ᐢ⸝⸝› ̫ ‹⸝⸝ᐢ₎佢另外仲有玫瑰味*ˊᵕˋ)੭有興趣嘅小夥伴可以睇自己鍾意咩味再決定入手邊款( ⸝⸝•ᴗ•⸝⸝ )੭⁾⁾佢係控油方面算係一般般，雖然係出油量係有減少到，但唔算好出眾( ˙༥˙ )俾佢更平嘅控油產品都有更好嘅效果(´._.｀)而且搽上臉後覺得塊臉變得死白咗，做唔到偽素顏嘅自然感(´・ε・｀)而且用一整晚之後塊臉會變得超級乾，做唔到話保濕嘅功能(´Д`|||)所以唔太建議臨瞓前搽，最好就係化淡妝or唔需要化全日妝嗰陣用會比較好‧⁺◟︎( ᵒ̴̶̷̥́ ·̫ ᵒ̴̶̷̣̥̀ ) ❤︎ ❤︎ 雖然啲粉因為壓得太實所以沾取嗰陣要大力少少，但勝在佢粉質細膩，搽上臉都唔會飛粉( ˘͈ ᵕ ˘͈ )佢嘅粉撲屬於又大又軟嗰種，趕時間嗰陣拍幾下就已經搽好全臉｡+ﾟ(*´∀︎`*)｡+ﾟ