xxxcwing好用推薦：多謝cosme 抽中試用~ 因為我比較少化眼睫毛 所以技巧一般 可以比各位新手參考~ 首先講下佢個包裝先可能因為行簡約風格，所以都係同其他產品一樣有字同底色太似而睇唔清 不過都係一d 小問題 而佢嘅刷頭有別於一般睫毛產品，佢嘅刷頭係相對細而且材質方面係用膠，除咗方便刷出更幼細嘅睫毛之外亦相對衛生 之後可以睇下佢嘅質感 可以睇得出佢用上述嘅刷頭刷得出一條條根根方明嘅線，而且佢雖然有纖維但相對少同短，會比較自然同適合打底 而佢嘅防水防油效果亦相當不錯，用力捽都唔會化開 首先呢個係我淨係夾咗睫毛嘅時候 我本身嘅下眼睫毛比較少同短 上眼睫毛一般呢個係用咗睫毛打底之後 可以明顯見到有效令我嘅下眼睫毛明顯纖長咗 而上眼睫毛則做得到根根分明 雖然冇影到但我喺持妝8小時嘅情況下睫毛依然能保持根根分明，持久力不俗 總括然而呢款係我會回購嘅產品 因為佢化得出自然同根根分明嘅效果 而且亦能夠令我嘅下眼睫毛變得纖長，即使喺冇上睫毛膏嘅情況下依然有不錯嘅效果，如果唔想眼睫毛太誇張單塗亦不失為一個好嘅選擇。

wandywsy好用推薦：多謝Cosme 比我試用ettusais 既魔束捲翹睫毛底膏～ 平時出全日街都怕睫毛膏會暈染而唔擦既我今次試下加左眼睫毛底膏後整個妝容會唔會更加好 呢個係試咗上手的效果，可以睇到眼睫毛底膏裏面包含了一點點黑色纖維，而且顏色是半透明的，可以營造出比較自然的效果。 我先用睫毛夾夾了睫毛然後再上眼睫毛底膏，可以睇得出擦了底膏後眼睫毛會比平常更深色，整體比較翹又不會顯得誇張，營造出睫毛比平時更長同時又根根分明的感覺。 之後再上睫毛液，可以看出眼睫毛已經有束感的效果，整個眼妝都比較乾淨。 上了妝8小時後，係香港26度的天氣下，睫毛膏仍然沒有溶，眼下也沒有暈染，可以話係持妝效果比想像中更持久。 有點疑惑的是，上了睫毛底膏後（沒有上睫毛液的情況下），卸妝時用眼唇卸妝液，眼部竟然也卸不出什麼。 在上了睫毛底膏和睫毛液後，卸妝時也只卸得出一點點黑色的東西。 比我平日用其他品牌睫毛膏後卸妝的感覺不一樣。 總括而言，ettusais 既魔束捲翹睫毛底膏帶比我蠻不錯的感覺而其持妝效果也令人比較驚喜～

Verna好用推薦：我第一次用這品牌的唇膏，但我已經深深被俘擄😍 我這支是05 珊瑚粉紅色，它好像是這系列的人氣No. 1。它不是很紅很顯色，而是淡淡的珊瑚色，但卻可以令我有好氣色，塗了它，令我也變得自信滿滿🤣 而且雙唇變得亮澤，很有透明感 它的質地很順滑，很滋潤雙唇，就算我不用潤唇膏打底也可以，不過它也很容易掉色，喝水後一定會在杯邊留低唇印💋

Ednababe好用推薦：雖然opera嘅顏色選擇唔多，但係佢地嘅調都好易用，唔洗搽潤唇膏打底，都可以好滋潤。顯色度很高。我自己好鍾意佢光澤度好足夠。

Phoebe Lam好用推薦： 我這次買的色號是EX-4，是在日本cosme買的，在日本的價錢非常吸引。一個價錢有三種色調，可以根據自己當天心情用不同的深淺度。粉盒的設計很好，體積又小，方便携帶。另外這個眉粉有補充裝，可以買齊不同色號，非常推薦。

Heychauchau 好用推薦：這個造形眉彩筆簡直係新手的恩物。對於初學畫眉的人，不用擔心會下手太重，弄到眉毛/鼻影的顏色太深，而且比起一般的眉筆，這個眉刷相對比較容易使用，畫起來比較自然。

isabeloclock好用推薦：多謝@cosme 畀我試用CANMAKE嘅夏季新品💝 #火熱新品 本身我都係CANMAKE嘅忠粉，之前喺日本入手咗兩盒Glow Fleur Cheeks 10號同14號，偏啡調，適合秋冬季用，出嚟妝感較濃，所以我知道呢個胭脂系列係好「出色」！😂 今次試用同系列嘅17號「草莓牛奶色」，坦白講，肉眼睇覺得呢盤偏cool tone同Barbie pink，我本身係有啲驚上面後會好sharp、好粉紅。但係！上面後，效果係超級自然，又唔會太鮮艷，好適合日常返工用，唔會太over，但望落個人又好氣色☺️（上面效果，前鏡零濾鏡原圖） 我最鍾意佢嘅粉質好幼細，做到好輕透嘅妝感，唔會變勁濃妝嘅粉樣。同埋胭脂自帶珠光粉末，日常妝可以慳埋highlight🤭 個人認為唯一美中不足係隨盒附送嘅小掃，第一下掃上面會好明顯有一撻特別深色，所以平時我自己會用返胭脂掃上，旅行費事帶太多嘢先用跟機送嘅小掃。 Overall呢盒17號比CEZANNE Cheek Blush 01更滿足到我化日常妝嘅需求，好滿意！💗

Giselle 好用推薦：Canmake 花漾瑰麗胭脂 02號 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* Canmake 嘅胭脂真係超級出名(✿︎´ ꒳ ` )♡︎呢款係02號色，屬於偏橙色嘅粉紅色調(´,,•ω•,,｀)♡︎一盒入面有5隻珠光色，除咗1號係因為設計嚟做高光打亮會比較閃之外，其他嘅閃粉效果屬於好細微自然嘅效果(๑ت๑)♡︎因為佢入面有5隻唔同深淺嘅粉色同橙色，所以可以根據自己嘅喜好or當日嘅妝容做出唔同嘅配搭(pq*´꒳`*)♥︎♥︎*。皮膚偏黃調嘅小夥伴建議唔好hi太多3號色，唔係好容易顯黃哦Σ(ﾟﾛﾟﾉ)ﾉ不過因為佢附送嘅掃比較大同啱啱開始用嗰陣比較硬，會比較難混合胭脂嘅顏色而導致某啲位比較橙or比較紅(꒦ິ⌑︎꒦ີ)建議沾取咗顏色後先係個盒蓋上轉幾個圈mix好啲顏色之後再上臉哦(* ´ ｪ `*)♥︎仲有係切記要每次沾取小量然後多次疊塗咁樣先會自然哦*ˊᵕˋ)੭佢算係唔太顯色嘅胭脂，但如果貪方便一次過hi太多都係會好容易變成紙紮公仔，就算搽多層粉底都救唔返嗰妝(꒦ິ⌑︎꒦ີ) ❤︎ ︎ ❤︎ 佢嘅包裝上係建議混合2-5號色作爲胭脂而1號

Jcxjessie好用推薦：呢支眉筆已經用咗好多年，係PD05色，有小小似好深嘅灰色，但係又未去到黑色 支筆又有分三部份，一邊係一個刷，另一邊係眉筆，中間扭開係眉粉 通常我會用眉筆畫眼尾，然後再用眉粉掃眉頭，然後用隻梳梳一梳條眉，等啲顏色冇咁實，睇落自然啲！ 呢支筆好方便而且好好用，新手買都唔會錯！

Bakchoi Leung好用推薦： excel眉筆我已經keep住用左好幾年，覺得佢d色自然得來，一支筆就做到晒我要嘅效果，而且CP值亦相當高！ 我主要係用7及11號色，有時深色會用在眉尾，令眉形更立體 佢個旋轉筆頭大小適中，畫眉時更易掌控。我尤其喜歡佢個好細滑同色澤好自然且亮麗嘅眉粉，用佢個圓頭先把眉粉掃上眉，再用佢個掃掃均勻，覺得效果媲美上左眉gel，感覺仲好似更自然。 所以自從用了一支excel嘅眉筆，就成了佢嘅忠實fans，冇轉過。佢最正係好方便購買，而且好多色揀，有時如果改變左髮色，都唔難配番自己想要嘅色系。

Kayyan22好用推薦：呢枝kiss me眼線筆 基本上從細聽到大 見到無論網上定身邊既人都會推佢 所以我都入左手試試佢我揀左棕色 佢呢隻啡色唔會太高調 相較黑色亦無咁沉悶 係返工出街都可以用既顏色～ 佢上手好順滑～都十分容易上眼，可以十分輕鬆畫出唔同類型既眼線 出墨都十分流暢 我自己雖然唔係油眼 但都會擔心眼線暈染既問題 而呢枝我係完全冇呢個問題！持妝大半日都hold到冇變過 試過半日室外活動都一樣掂！我日本旅行全程都係用住佢 完全唔使擔心要補妝！ 抵讚既係 我試過拎呢枝筆比好大汗既男朋友用 但佢都冇出事 可見佢防水能力都十分好 以下係我玩左半日既實測照 完全係無脫妝同暈染同埋卸妝都十分輕鬆 唔洗刻拎眼妝卸妝液去清理就可以搞掂 如果唔想出意外 眼線筆首選會揀佢～ 而相信新手都可以駕馭到佢 因為佢真係唔會出錯！

Sophia好用推薦：Kiss Me眼線液黑或啡色的基本款受歡迎不用多說，自己都用過了好幾支，這次用的是寶石珠光系列的栗灰色，效果驚艷！顏色是很自然輕透的棕色，帶有非常細緻的金色珠光，不會過於閃爍，適合日常使用，讓眼神柔和有神。 筆尖一如基本款可以輕鬆勾勒出各種眼線線條，無論是自然內眼線還是俐落上揚眼線都能完美駕馭。出水流暢均勻，不會斷墨或暈染，即使是新手也能輕鬆上手。 持久度方面是一整天都不會脫妝或暈染，即使我是油眼皮也不用擔心變成熊貓眼。溫水即可輕鬆卸除，不會拉扯眼皮，非常方便。 如果想有新鮮感同時又保持日常妝感的朋友，都不妨試下這款寶石珠光栗灰色眼線液💖💖💖

alicec好用推薦：這款眼影色調很自然，非常適合日常妝容，無論是單色還是疊加都很容易上手。上班還是約會，這款眼影都能讓我的眼妝看起來深邃又迷人。 質地絲滑，不會卡粉、飛粉。持妝力也不錯，整天都能保持色彩鮮明。小小一個，帶去旅行也是非常方便。強烈推薦！👍🏻

PorscheB好用推薦： 呢隻日本牌子比起其他韓國牌子嘅眼影更加顯色 唔會飛粉 持色ok! 價錢唔貴但係顏色好百搭，好易用 Earth tone 係 SR01 色 基本上應該係所有人都用得到😉 係日本藥妝店買好有驚喜😀

Chami好用推薦：多謝@cosme 抽中我試用一系列canmake產品❤️ 用左差唔多一星期 今日想寫下呢篇夢幻胭脂膏既心得 收到呢盒胭脂膏之前，其實我自己都有一盒，不過自己購入個盒係17號焦糖楓葉色，同埋係冇珠光既。今次收到呢盒係最新限定22號蜜柑雪葩色帶珠光，比起蜜柑，我覺得實物顏色更貼近南瓜色，而且實物比官網圖片係深色少少🤏🏻 平時都有買開canmake產品，主要係性價比高，但胭脂膏都仲係有啲失望既。其實canmake既胭脂膏顏色係好靚，令人有衝動想包色，但用後發現最大缺點唔持久，同埋拍上面冇普通胭脂咁均勻。 用法：用手指沾上胭脂，逐啲逐啲拍上面。每次我都只會沾少少，寧願拍多幾次。 用後感：係幾顯色（當下），同埋呢隻橙色好夏天好有活力既感覺，加埋珠光幾靚。胭脂膏好似啫哩膏既質地，好容易推。但係！首先要好有心機沾少量胭脂慢慢拍同推開，如果就咁點2-3點上面推開，妝感會有啲唔自然，覺得顏色唔夠均勻，需要慢慢拍慢慢堆疊。變相需要用既時間多左，冇普通胭脂粉掃開咁方便。另外，可能質地太水潤，真係hi一hi都好易甩妝。平時搭車戴口罩返到公司除口罩，啲胭脂膏已經甩得7788，加上定妝粉/噴霧先會last

Hw226好用推薦：#秋冬愛用美妝 Canmake嘅cream cheek係我每到秋冬必用嘅胭脂🫶最愛嘅係上面勁好氣色嘅16號豆沙色~雖然已經過出左一段時間，但仍然係我最愛嘅色號！夏天嗰陣略嫌太深色唔敢用，但依家終於可以用啦😍😍😍😍😍😍😍 有別於一般嘅粉狀，呢隻胭脂呈膏狀，手指餘溫就可以溶化佢，上面容易推開，一推就變左粉感，好matt唔會有油光，冇上碎粉定妝都唔會痴笠笠🫶 上手之後由左至右推開可以見到漸層好柔和，唔會一撻撻！好靚🥹 16號呢隻色真係好溫柔，係暖調人士必備，不過由於好顯色，要少量多次上面！呢盒胭脂膏雖然好嬌小，但每次上面用量都係點幾下，可以用到好耐，CP值極高！雖然要用手指上，但效果爆靚加持下，手指污糟少少都值！推薦！

Nicnic好用推薦：夏天有好多水上活動，一支起防水嘅Mascara 係必備的，呢一支mascara超防水，船P都唔甩 ✅可濃可淡：上圖係較自然效果，用咗比較少嘅膏體都可以太陽花嘅效果，有自然放大眼嘅感覺。如果用得比較多膏體，就有濃密效果，不過就要小心啲唔好搽到曱甴腳。 ✅勁太陽花：最鍾意佢個curve 極靚 💯 ✅持久度高：不論淡同濃個curve 都hold 得住，大概6/7個鐘之後會drop 少少。而且唔會smudge 或者溶 👍🏻👍🏻 ❗️一定要用眼唇卸妝液卸妝 ❗️要小心控制用量

羅小白好用推薦：我諗呢個牌子嘅睫毛膏應該冇人唔識，我去船P或者音樂節都一定用佢，除非用佢自己出嘅睫毛卸妝液，否則的話，就算係不停出汗或者落水嘅情況之下都唔會甩，仲要由朝玩到晚都唔怕會印埋下眼睫毛，係令人好安心嘅產品 呢隻睫毛膏係我見過持妝效果同埋防水防油嘅效果最勁嘅產品

green好用推薦：呢枝canmake 唇膏真係好值得推介， 首先佢既膏體都幾實淨，唔易溶， 質地係有少少蠟，但又夠滋潤， 呢隻色係09，搽上嘴好自然好有氣色， 顏色好自然百搭同埋好日雜既感覺。 食野飲野都會甩既，不過好在佢甩咗色後嘴唇都唔會脫皮同乾，亦都唔會變到一達達，補返唇色又會好自然。 我已經用緊第二支，呢支新版感覺冇舊版咁紅， 但整體都好好，大愛，包包入面一定會有一支。 咩年紀都好岩，薄搽自然有氣色，疊搽就更有血色，成個人都會精神sharp醒😘😊非常推薦喜歡素顏但又想提氣息既朋友試試。

UglyMaa好用推薦：在莎莎無意中看到這支唇膏，價錢$80不到。不是大牌子，卻能塗出水漾豐唇的感覺。 我一直都想找一支滋養成份高，而且沒有太多壞成份的唇膏。我看見它加入了不少保濕成份，用上嘴的感覺很滋潤，而且好像加了一點薄荷用起來有點冰涼的感覺。 因為我的皮膚屬於偏黃偏黑色，淺粉紅或者鮮橙色對我來講看起來有點格格不入。要不看起來像生病一樣，要不令到我的皮膚看起來更加顯黃顯黑。黃黑皮的姊妹可以試試用焦糖啡色這類色系，相比起啡色它帶一點紅紅橙橙看起來會有一點朝氣，相比起紅色它沉實一點不會過分鮮艷，相比起粉色他的顏色比較實，整體感覺非常配合。 美中不足的是這支唇膏，每次只能向一個方向扭出1mm，這個設計真的令人摸不着頭腦。