Hamiii好用推薦： Crabtree最鐘意既香味之一 唔甜，好香青草味，真係好有行緊公園既感覺 Crabtree handcream一向都好熱銷 滋潤度唔錯又易推開 佢有時set 裝特價，$2x一支細既，都幾抵買 但有樣美中不足，個樽用得耐好易裂開.. 所以唔係我首選🫨

iliya 好用推薦：Gardeners係好Signature嘅味道，係好清新好fresh嘅草本味，由鼠尾草、薰衣草、迷迭香等味道混合而成，有層次得來又好獨特❤️

貓餅好用推薦：一支比較清新氣味的潤手霜，除了乳木果外，這只是我第二喜歡的潤手霜，除了可以即時幫手部皮膚保濕，舒緩乾燥，還有淡淡的櫻花香味， 氣味怡人 

Cole Cole 好用推薦：好鍾意呢支hand cream 呀，櫻花🌸香味淡淡哋，但又可last得好耐，擦上手又唔笠，又冇乜油膩，乾爽得嚟又好滋潤。一年四季都用得。size 袋喺手袋又啱啱好。價錢小貴啦，不過整體質地滿意👍🏻。

konrinn好用推薦：從@cosme拿到的試用品。 本身膚況係混合肌，t位出油勁，平時都係用開啲一百蚊內嘅防曬，今次nivea呢支講到有oil control對佢有啲期待。 因為收到試用係同同系列隻淡斑精華同時使用，所以都會對比下兩者嘅分別。 質地都係易推，但係冇精華咁易推。 搽咗上塊面度係會有一種少少嘅coating感，但唔會話覺得唔舒服。↑個人日常返工使用係洗臉後就先用同系列嘅精華，再用呢個防曬，之後就簡單咁遮暇同拍一拍定妝粉就出門。 經過一日office上下班返到屋企，都冇好笠嘅感覺，體感係有畀用之前少咗出油。 ↓有一日出去食飯，係上面呢個routine 以上化咗primer，粉底，面粉，定妝噴霧等，反而化咗全妝之後呢個product嘅控油效果冇咁明顯，經過一晚返到屋企t位出油都係有啲明顯，所以佢同化妝品嘅相性要再測試一下。 我自己覺得就咁呢個防曬再加粉餅個控油效果好過我化全妝嘅時候。 試用期間冇使用面膜或者其他嘅護膚防曬品。 同埋同系列嘅精華一齊使用係有睇到有淡班嘅效果嘅。總括嚟講呢個價位嘅開架品牌防曬，畀起差唔多價位主要多咗淡斑控油嘅效果。如果有呢個需求嘅話呢件產品係有效果嘅。 不過如果平時

Joanne好用推薦：NIVEA LUMINOUS630 雙效淡斑煥白抗曬修護日乳 SPF50 PA+++ 試用日期：16 Aug ~ 27 Aug 非常榮幸能夠參加今次試用 多謝@cosme提供 除咗美白淡斑，防曬都好緊要 而家嘅太陽實在太毒 一唔小心唔記得搽防曬就好易曬出斑 今次試用嘅產品有： LUMINOUS630 雙效淡斑透白精華 & LUMINOUS630 雙效淡斑煥白抗曬修護日乳 SPF50 PA+++ 講下個day cream先 本身已經有SPF50 PA+++ 可以阻擋UVA/ UVB 而面霜嚟講做到有SPF50 真係非常唔錯 如果純粹係落一落街唔想化妝搽防曬嘅我覺得可以就咁搽完就出去 當然如果會喺日照時間比較長嘅 都係搽返個防曬會安全啲 * 專利成分LUMINOUS630與SPF50的清爽高防禦配方結合，抗阻UVA/UVB，同時抑制色素形成，防止新色斑形成 質地方面，係好輕盈，都好易吸收 搽上面好清爽唔黏笠 顏色係淺肉色，搽完上面唔會泛白兩截色 仲有少少光澤感🥰 用咗咁多日，無話有乾到有皮屑 亦都無出油 完全做到控油得嚟又保濕水潤 我自己本身少出油，但有時太乾會有少少甩皮 但so

Vlee好用推薦：超乎預期嘅效果 乳霜氣味係有花香味，唔會刺鼻，老公都覺得香 質地剛剛好，容易推開，有足夠滋潤度又唔會太厚 使用後幾分鐘就完全吸收，冇任何黏笠 夏天使用都冇唔舒服嘅感覺 使用後效果比我想像更好 確實做到即時提亮同即時保濕 即使質地輕薄，腳踭位置乾燥都係一用就平滑咗 小腿部份一啲’雞皮’都改善好多 最令我驚喜係 我故意選擇腿部有疤痕位置做前後對比 估唔到連疤痕都有減淡效果 呢個價錢有咁嘅效果完全意料之外 以下附上對比圖，原圖直出 使用前 使用後

letterman好用推薦：首先多謝@cosme先～ 揀中我試用nivea既亮白極致嫩膚乳液！ 之前一直都有用開nivea藍色果支搽全身 今次呢支比藍色款更加水狀，更容易推開到全身 詳情睇圖😆😆😆因為比較水 所以要搽耐少少先會完全吸收 完全吸收之後就會好似下面張圖咁～肉眼可見，其實一搽完就已經白左一度😂😂 呢個亮白真係比之前其他款有感～ 味道都唔會話好大陣～甚至幾好聞 最重要係敏感肌岩用！！！ 男朋友身為敏感肌，用完完全冇話唔舒服，亦都冇話黐立立！！！好難得有款岩佢用！！正啊！

Hello Kathy 好用推薦：話說我啲頭髮已經長到差不多下背，髮尾好乾，梳頭會打結，好難梳開，每次梳頭都好痛苦。咁岩參加左Moist Diane試用活動，Moist Diane 呢個洗髮護髮牌子早就已經聽過，但今次係第一次用，今次試用嘅係香水貴油夜間修復洗髮露同埋Diane Power Treatment 髮膜。首先講下洗髮露先，佢個樽身好靚，成個放大版嘅香水樽咁，佢有5大有機精華油，可以係瞓覺果陣修補受損髮絲，美容覺就聽得多，美髮覺真係第一次聽。 洗髮露係透明的，閒落是清淡花香味，加水好易起泡，沖完頭，feel 到好乾淨又唔會乾澀。唯一問題是個pump頭，有時會按錯邊，嘥左啲洗頭水🥲跟住配合埋個Power Treatment 髮膜一齊用，雙管齊下，希望可以解決到我頭髮.)打結嘅問題。 試用左大約兩星期後，頭髮的確順滑易打理左，望落仲冇咁毛躁，摸落柔順又輕盈，每朝起身梳頭果陣終於唔洗梳到扯斷晒啲頭髮喇，仲有陣香味留係頭髮度，正～ 使用前：使用後：

linglingdolly好用推薦：試用過Diane的髮膜後，還有收到@Cosme邀請試用「香水貴油夜間修復洗髮露」，是Diane新推出的Extra Night Repair系列。 平時已經覺得她家產品的水晶設計瓶身很有質感， 現在這系列的瓶身用上的藍色很有午夜的感覺， 就是想讓頭髮睡一個美容覺，利用睡眠時間來進行深層修護。洗髮露就是透明質地，聞起來是一種清新的香，甜香但不膩。而且用溫水的話頗輕易起泡，洗起來不會覺得愈洗愈乾澀。就現在秋天的時間使用也不會洗到頭痕，感覺很水潤。 清洗乾淨後，摸落去有一種絲質感包裹著髮絲。那是當中加入了獨特角質絲蛋香成份，能夠抗摩擦。 毛躁感都大大減低了。 所以像我這種睡覺會動來動去的人，一早起來都沒見頭髮打結，配合Diane POWER Treatment髮膜來用，頭髮就變得容易打理囉！

Kriskirs09好用推薦： 已經係我用嘅第二支 第一次用落覺得都唔錯 所以去日本旅行嘅時候買咗第二支 用過唔同嘅髮尾油 呢一支個質地算係好輕薄我唧出嚟都係好流質 大致上嘅用法： 1. 頭髮半濕嘅狀態下 2. 將髮尾油喺手掌心搓勻 3. 放喺耳仔下面嘅髮尾 4. 髮尾大致吸收之後將手上面剩低少少嘅髮尾油撫平一下耳仔附近嘅頭髮 5. 繼續吹乾個頭 頭髮喺半乾半濕嘅狀態最容易吸收發尾油 同埋因為我電攣咗啲頭髮 頭髮都有受損同埋乾旱嘅情況 我會順住個頭髮電攣嘅方向一路按摩唔好睇我搽緊嘅時候隻手好油 佢一陣吸收完之後就一啲都唔會黏笠 使用嘅時候都要留意份量 唔好一次過貪心用太多泵 如果唔係嘅話個頭就會好笠變成一束束😖 份量用得適宜當吹乾之後頭髮會柔順啲 我把攣頭髮都打理得整齊啲 吹完頭都唔會去到好枯乾同埋混亂 （如果平時懶唔用髮尾油嘅話真係有一種雜草嘅感覺，仲會見到有啲明顯嘅開叉，比較乾燥🤢）真係有種健康頭髮絲嘅感覺✨PS搽咗髮尾油之後吹頭好似吹得快啲🤣

Fish Tse好用推薦：髮尾毛燥一路都令我好困擾，我見到哩款係摩洛哥髮尾油就試一試 摩洛哥油比較有高度既保濕力，同時亦可以清爽得黎又唔會痴粒粒既感覺，我好怕d髮尾油搽左上去之後會變成好似幾日冇洗頭既感覺 洗完頭用毛巾印完之後我大概會泵5-6泵係手到捽完之後就開始搽兩邊髮尾，跟住再吹乾頭髮 吹完頭之後係感覺到順滑左冇咁毛燥，我最中意係吹完頭之後會隱隱約約聞到陣花香味令人感到心曠神怡

Wingni1024好用推薦：Aesop 護手霜真的太棒啦！它的香味清新宜人，讓人聞著心情愉悅。使用起來效果超讚，在給予肌膚充分滋潤的同時，完全不會有黏膩的感覺，手部肌膚能輕鬆保持舒適狀態，真的是一款非常值得擁有的護手霜。

Erin好用推薦：Aesop 招牌香味 清爽 一枝可用好耐 牙膏保裝 唔會浪費！ 👀

Nat好用推薦：好開心可以抽到試用法之羽KAMINOWA的全套生髮養髮產品，感謝@cosme! 今次試用的產品包括養髮液、生髮素、有機防脫洗髮露及護髮素。踏入30歲之後，新陳代謝減慢，頭髮生長速度開始跟唔上脫髮速度。本身我額頭比較高，近幾年髮線越來越後，額角就更加高，頭髮明顯比以前稀薄好多，所以近幾年亦嘗試了不少市面上的防脫生髮產品。 今次收到試用品之後，使用了大概一個月時間。 先講一下使用感覺（個人習慣每晚都會洗頭護髮，中性頭皮，中至乾旱髮質，不易出油）。有機防脫洗髮露： 香味方面，比較清新，氣味不濃烈，洗發後在頭上只有一點淡淡的留香。倒洗髮露在手心加水後，都算容易搓到起泡。洗髮效果乾淨，頭皮清爽。在香港炎熱又潮濕的夏天，第二日到下午時間頭皮都乾爽，晚上時間就會有少少笠，以防脫洗髮露來講，潔淨度都滿意。 護髮素： 香味和洗髮露一樣。洗髮後，稍微擰乾頭髮水份，搽上護髮素等幾分鐘後沖洗乾淨。吹頭之後，髮尾都有少少旱，我習慣使用髮尾油，所以護髮效果可以接受。始終是防脫護髮素，不要期望可以大大改善乾旱問題。 養髮液：早晚使用各1次，吹頭後直接用在頭皮上，利用指腹傾傾按摩至完全吸收。我基本上只使用在髮線、

🌸好用推薦：多謝@cosme 畀機會我試用養法之羽KAMINOWA嘅全套生髮養髮產品！今次試用嘅產品包括養髮液、生髮素、有機防脫洗髮露及護髮素。 隨住年齡增長，同埋長期要捱夜工作，生活壓力越來越大，我留意到我自己嘅額角嘅頭髮開始稀薄，有山羊角禿嘅趨勢。之前都試過用其他唔同嘅防脫髮洗髮水之類嘅產品，但幫助都不大。今次收到試用產品之後，我用咗大概六星期。 我講一講我個人嘅髮質先。我係長頭髮嘅，頭髮質地比較細軟。從來冇試過燙髮或者染髮，但係平時洗完頭都會甩到一地係頭髮。頭髮唔算容易出油，髮尾比較乾旱，算係中性髮質。 我平時習慣每日洗頭。今次試用嘅洗髮露同護髮素使用透明樽身，包裝簡約易用。因為佢係無矽洗髮及護髮產品，所以泡泡偏綿密。洗髮乳同護髮素都係冇香味嘅，感覺十分天然、溫和。同平時洗頭一樣，我會輕輕按摩頭皮，希望藉此可以促進血液循環，達到強韌髮根同防脫髮嘅效果。試用之後感覺清爽，完全冇痕癢、頭皮乾旱或過敏嘅現象。洗完頭之後睇一睇去水位，感覺真係冇甩咁多頭髮。 呢個係我使用之前影嘅額角頭髮：以下係使用兩星期後：覺得額角開始長出BB毛，生髮效果顯著，而且感覺到洗頭、梳頭、吹頭後真係甩少咗頭髮。

Fng好用推薦：Jurlique 玫瑰護手霜，佢除咗平滑和修護手肌膚外，微甜的玫瑰香味，令我愛不釋手， 同埋夠潤，搽上之後皮膚真吸收到，佢係我秋冬手袋和公司枱頭必備物品之一。#秋冬護膚神隊友

Helen好用推薦：疫情時習慣用消毒，手成日都好乾 呢個玫瑰香味係超正，絕對唔係香精味 聞落好舒服 質地好夠潤，時間耐都唔需要補搽 推薦成日洗手/手乾

Nat好用推薦：好開心可以抽到試用法之羽KAMINOWA的全套生髮養髮產品，感謝@cosme! 今次試用的產品包括養髮液、生髮素、有機防脫洗髮露及護髮素。踏入30歲之後，新陳代謝減慢，頭髮生長速度開始跟唔上脫髮速度。本身我額頭比較高，近幾年髮線越來越後，額角就更加高，頭髮明顯比以前稀薄好多，所以近幾年亦嘗試了不少市面上的防脫生髮產品。 今次收到試用品之後，使用了大概一個月時間。 先講一下使用感覺（個人習慣每晚都會洗頭護髮，中性頭皮，中至乾旱髮質，不易出油）。 有機防脫洗髮露： 香味方面，比較清新，氣味不濃烈，洗發後在頭上只有一點淡淡的留香。倒洗髮露在手心加水後，都算容易搓到起泡。洗髮效果乾淨，頭皮清爽。在香港炎熱又潮濕的夏天，第二日到下午時間頭皮都乾爽，晚上時間就會有少少笠，以防脫洗髮露來講，潔淨度都滿意。 護髮素： 香味和洗髮露一樣。洗髮後，稍微擰乾頭髮水份，搽上護髮素等幾分鐘後沖洗乾淨。吹頭之後，髮尾都有少少旱，我習慣使用髮尾油，所以護髮效果可以接受。始終是防脫護髮素，不要期望可以大大改善乾旱問題。 養髮液：早晚使用各1次，吹頭後直接用在頭皮上，利用指腹傾傾按摩至完全吸收。我基本上只使用在髮線

🌸好用推薦：多謝@cosme 畀機會我試用養法之羽KAMINOWA嘅全套生髮養髮產品！今次試用嘅產品包括養髮液、生髮素、有機防脫洗髮露及護髮素。 隨住年齡增長，同埋長期要捱夜工作，生活壓力越來越大，我留意到我自己嘅額角嘅頭髮開始稀薄，有山羊角禿嘅趨勢。之前都試過用其他唔同嘅防脫髮洗髮水之類嘅產品，但幫助都不大。今次收到試用產品之後，我用咗大概六星期。 我講一講我個人嘅髮質先。我係長頭髮嘅，頭髮質地比較細軟。從來冇試過燙髮或者染髮，但係平時洗完頭都會甩到一地係頭髮。頭髮唔算容易出油，髮尾比較乾旱，算係中性髮質。 今次試用呢隻生髮素係口服使用嘅，外用配合內服，希望可以得到雙重效果。 呢隻口服生髮素係條狀包裝嘅粉末，好似即溶咖啡粉咁樣嘅包裝，細細包方便攜帶。即使去旅行都可以好方便咁樣拎出嚟食。 佢係淡雪草莓口味嘅白色粉末，味道清甜，容易入口。因為我係想達到生髮同防脫嘅效果，所以我喺呢個療程入面，每日食兩包。 我睇返佢嘅介紹，原來佢有專利生髮成份山葵（ (wasabi)同埋有效嘅生髮成份「豌豆芽萃取」，刺激頭髮生長，而且令到頭髮濃密。 呢個係我使用之前影嘅額角頭髮： 以下係使用兩星