底妝功效 推薦好用產品

Fng好用推薦：俾佢包裝吸引， 顏值100分， 所以買咗佢 CDP LUMINIZING FACE ENHANCER#14返屋企，除了白色珠光外仲有微微粉色感，跟膚色融合在一起會更自然。 每次攞出嚟用之前，都忍唔住欣賞一番，佢個外殼喺陽光下更加bling， 更加閃耀，閃出嚟嘅光芒非常之吸睛 ， 療癒感十足。 佢內裏包個柔軟小掃子，十分好用，另外佢粉餅壓成凹凸三角立體幾何圖案，非常之有質感，新買返嚟嗰陣，欣賞咗一輪，先至用。 佢粉質幼細，夠貼膚，妝容細緻，亦唔顯毛孔，last到一整日，同埋它屬於比較低調一種嘅highlight，唔會浮誇，肌膚有透光的美感，適合日常妝容。

Kamanchan好用推薦：記得買果時係$7xx , 光影產品嚟講真係超級貴！但俾佢顏值深深吸引，加上cle de peau 一向都係信心保證，結果都係買下。。。。 但粉質來講真係有點失望，粒子粗了顯得毛孔都明顯了，妝感不夠細膩，唯一用時候不能取太多，少量少量嘅話，提亮效果是十分出色！重點係不能貪心啊！ 值得一提的是，她們家的化妝掃真係好出色^山

Kelvin好用推薦：M.A.C出過四款唔同嘅定妝噴霧比唔同嘅膚質用，2024年我新買咗呢支👉🏻 長效定妝噴霧 (紫噴) 紫噴主要用於化妝後，噴係成份俾無酒精成膜劑！所以敏感肌都可以用～ 呢支噴頭做到霧化效果，比基本透明黑蓋嗰支更加好。噴出嚟清新香味，好似成個妝高質咗。 我係用完蜜粉之後疊加setting spary，延長帶妝時間。噴完之後有微微嘅水光感。噴完全日真係冇乜點甩妝，定妝效果強！ 新手用setting spray請先搖勻，然後離遠面部10至20公分，以T字加X字方式均勻噴上，全面就可形成防護膜。 質地有少少笠，偏保濕，中性肌至乾性肌會較鐘意。歲未通頂岩曬無甩妝👍🏻

zzzhelen好用推薦：噴頭做到霧化，但都有小水珠出現，需要用手幫忙拍打開先快啲乾。乾後，會係面上形成一層光澤感表面。 以往夏天一出街就成面油，噴完之後，可以keep3個鐘（室外加冷氣凍既地方）先出油。不過由於我毛孔粗大，光澤面會突顯毛孔問題，所以就唔考慮回購了

Hazel好用推薦：經常染頭髮，頭髮開始變得乾燥同容易有甩頭髮同斷髮嘅情況出現，髮尾亦十分毛燥無光澤。用同一系列嘅護髮素，佢哋都有保濕成份，用完頭髮變得好順滑，冇咁毛燥同有光澤左，冇咁易斷．

lingbb好用推薦：- 呢個牌子嘅香味我好鍾意，呢款帶有迷人果香更加鍾意。 - 使用後頭髮幾滋潤，少咗打kick，梳頭柔順咗 - 敏感肌要小心，呢個牌子嘅香料有機會致敏

iliya 好用推薦：細細一盒，帶出街用嚟補妝就好方便，但係無配備掃等工具就有少少唔方便，要用手指搽

Blueblueblue好用推薦：一盒就有3隻色，推開就可以用。 無附送掃，我用手指上，衛生程度😂

Sarah好用推薦：自動款跟手刨款的妝感一樣自然，適合新手用。自動款另一特點係帶有眉刷比較方便，又唔洗下下刨筆咁麻煩，推薦！

camille好用推薦：顏色自然 ， 唔會畫到好似蠟筆小新眉。方便容易使用，顏色自然唔會俗氣。 除了價格有點貴，其他都不錯

Hamiii好用推薦：要睇天氣用 夏天易出油 都算唔錯既 控油效果唔錯 做到一整天不泛油 但就有點乾 非要用佢 就上前噴一噴定妝 上後又噴一噴定妝 加強小小水份會好少少

Hazel好用推薦：其實佢唔差，價錢亦都好平，但係相對起S字頭嘅妝前乳液佢比較遜色，但亦未至於太差，不過二揀一，我會選S。

BeeWong好用推薦：質地偏潤身，超好推，帶有粉紅色，有微微微閃，所以會有tone up效果，適合乾性皮膚/混合偏乾皮膚，其他膚質就建議秋冬天使用。

wintonggg好用推薦：佢好潤但又唔會話保濕效果顯著，個人覺得搽唔搽都唔太影響後續上妝

zetalhc好用推薦：有輕微控油功效同埋可以作調色隔離霜試用，可以輕輕調亮膚色。個人覺得性價比唔錯，但係就無咩保濕力，需要用之前用多少少保濕精華，如果唔係會有少少粒粒出現。

tung好用推薦：用開藍色 推開好自然 唔會白咗幾度或者面色好奇怪 之後上粉底都易推 暫時用左幾隻都冇推到擦膠掃

Fng好用推薦：在日本旅行時藥裝店購買， 見佢大熱係南瓜色，所以買咗返嚟試試。 質素有驚喜，比一般日本品牌(顯色度)更加出色，有非常輕微的飛粉情況，不嚴重。閃片嗰格都好靚，有清透的感覺，顏色配搭合理， 有深色的啡色可做眼線位置。 四格顏色， 用起上嚟 快捷又方便，細細盒方便收藏。

chasiutung好用推薦：MAJOLICA MAJORCA 眼影盤 這盤自帶眼部打底膏的 紛質幼滑 顯色度一般 這盤珠光色系 閃粉也很多 (有大有小的閃粉)日系透亮bingbing 妝感 顏色配搭很美

Fng好用推薦：suqqu Sheer Loose 碎粉，我偏乾肌 Sheer loose呢款係最透白 輕薄 帶非常幼細閃，係超級自然既光澤感，而且保濕，粉質超細，可以好快速同底妝融合，輕輕上一層，妝感光滑細膩， 而且定妝效果很不錯，網狀取粉 絕對不會整到周圍都係。

zetalhc好用推薦：粉非常細緻，搽上面唔會有太白嘅效果，反而可以修飾毛孔同埋做到柔霧效果，控油能力都好唔錯

Conw好用推薦：日妝夜妝輕易轉換 色號： #649 nude dress 質感： 軟糯幼滑粉狀，非常幼細 妝感： 帶閃顏色有透明感，珍珠光澤中帶細閃 啞色顯色度高，容易渾染可疊加到實色，不上打底都十分出色 非常持久，帶妝一天都不會掉粉溶眼妝 使用感受： 5色包辦淺中深色，清透妝容甚至小煙燻妝都做到，大地色系不同膚色都適用，出遊只帶這眼影都完全應付到不同場合👍 特別喜歡中央的蜜桃打亮色，帶淺粉底色隨光折射出蜜桃光澤，重點是不會顯腫，我內雙泡泡眼上在眼中凸位都沒問題。🤩 雖然單價不便宜，但有5色共7g，淺色更可用作面部打亮，其實性價比不錯，有預算的一定要試dior眼影。

zzzhelen好用推薦：唔知係咪宜家興淡妝，Dior依款2023年夏日限量眼影粉顯色度比一般淡好多，加上橙色同黃種人膚色相近，要重覆搽幾次先見到顏色。即使藍色都唔會好實色，要畫多兩下先做到眼線色 整體妝感自然，粉質幼細貼服，全日都見到係眼度，好持久，又無走位，無乜積線問題，對得起佢個brand #夏日必備彩妝

Noel好用推薦：其實行街時總見到這個品牌的開架防曬，但都沒有入手... 最近 My Bestie 真的向我推介了 SunCut 金色防曬，所以就即管試試！感覺很驚喜，再看看價格及容量，根本係 “爆 CP 好物”❗ UV Prefect Essence 防曬乳有點水感啫喱的質地，淡淡黃色，味道不難聞👌 KOSE Cosmeport 出品，防曬系數 SPF50 PA ++++，對產品很有信心。塗到面上很水很好推，因為啫喱狀，所以延展性極佳，又沒有泛白問題👍 雖然它是防水配方，但是很 light，沒有焗促感，其他膚質的靚靚也可以試試啊～ 這枝防曬乳又大罐又便宜，高效又不黏笠，塗面塗手腳都適合❗

Fanc好用推薦：搽完面霜再搽佢，係普通日常防曬，就算坐office都要做好防曬，價錢抵用夠大枝，好似有3-4隻色tone揀，揀左呢隻，係有提亮膚色，我直接當埋bb cream咁用，唔會再搽粉底液，不過都要睇下面霜質地同佢夾唔夾，如果唔係都有機會起擦膠碎，整體上都ok,唔算太黏笠，用完呢枝都想睇下有冇其他色會更適合自己膚色，呢隻色用完效果真係偏青，冇乜血色咁🤔

tammpt好用推薦：用30色偏橙色 好好用👍🏻 搽上面無咁快乾 用手指好易推開 而且好顯色

❤MingMing❤share_beautyird好用推薦：Armani Beauty 胭脂液，真係好用到爆！推薦❤️❤️ 首先，佢外表就已經好靚好吸引，淺粉紅色外殼配鏡色嘅標誌性Armani Logo，非常有質感。 然後胭脂液並唔係水狀，而係似唇彩一樣有點潤澤嘅質地，睇圖就見到佢會有微微反光。而且佢非常好推！！只要點喺面上，慢慢推開佢，佢就會變得好均勻。 最正嘅係佢推開之後，出嚟嘅色澤非常自然唔會「硬綁綁」，有種天生紅潤嘅好氣息；而且會為臉頰帶上光澤感——但呢種光澤感又同珠光唔一樣，係一種更水潤更自然嘅亮澤效果，俾人一種皮膚好好嘅感覺。 雖然睇落去細細枝、價格比較高，但我真心覺得物有所值！大推大家try try ❣️❣️

mandy好用推薦：ETTUSAIS EYE EDITION (MASCARA BASE) WARM STYLE 植睫梳激長睫毛底膏 01 Sheer Black 鑽石黑 $119 植睫梳激長睫毛底膏的梳頭比較特別， 兩面都可以使用，而且梳頭大小適中，梳的齒針細密， 可輕易梳理較短小的睫毛。 完妝是捲翹纖長自然又根根分明的眼睫毛， 與魔束豐盈捲翹睫毛底膏相比，濃密度比較不明顯。 基本上如果大家追求自然風纖長睫毛， 單用植睫梳激長睫毛底膏已很足夠。 如果想似洋娃娃睫毛，才再上睫毛膏。 跟其他ETTUSAIS家的睫毛底膏一樣， 至少大半天不出油不溶妝，持久度不錯。 總之，ETTUSAIS家的睫毛底膏就是價廉物美， 是小資女恩物!

格仔餅公主好用推薦：非常好推薦因為我唔洗點夾睫毛佢都好翹唔會好dup，好持久唔易熊貓眼但唔難卸，滿分既睫毛膏

popocarcar好用推薦：係一支好潤嘅唇膏。 就咁睇支唇膏好似好閃，但其實上到嘴就睇唔到閃粉，而且因為潤，所以顏色好透薄，效果有Lip gloss 嘅感覺但毫無黏膩感。 #火熱新品

Fng好用推薦：Nars 277 aragon 紅茶棕色，適合暖色tone， 水光質地超順柔滋潤， 乾燥天氣用也好適合。

Daisy好用推薦：好用！已經用到就快用晒。我用2號色 調色潤色效果一流，妝感唔會厚重，延展性好好，一粒豆大細就可以用全面。維持長久妝感，唔會變成粉樣，出油印一印又可以Hold返一個下晝，亦唔會因為印油印走啲粉底。上班族趕返工就可以快速上妝😆

Flora好用推薦：因為本身係鬼太郎fans而買咗聯乘限定版 原本一直無用過呢個牌子嘅product，所以不抱期望去用 結果意外地覺得都幾好用～ 妝容貼服自然，不帶油笠感覺 都做到輕微嘅遮瑕效果 配合埋另一枝柔焦平滑啫喱底霜個妝會更定更好

Blueblueblue好用推薦：化妝前敷塊面膜，妝會更加貼面。 唔只乾肌要敷，其實油肌都要敷。

WSY好用推薦：每次化妝前敷下，方便有快！同普通mask效果差唔多～之後化妝會帖服好多！

Kura好用推薦：呢款護甲油可以防止UV令到搽咗嘅指甲油冇咁容易變色，呢一點非常唔錯

Circlecyy20好用推薦：平價指甲油，亦都令到最面層嘅指甲提升光澤度，令整體手指指甲質感提升

WSY好用推薦：細細盒攞出街好方便，有兩隻顏色，可以配合到唔同嘅需要。不過都幾容易甩妝

Bec好用推薦：我多年來都是用眉筆的，因為使用方便又快捷。今次轉用了canmake 的這款眉粉，感覺比我想像中好！此款眉粉一盒有兩色，配合使用可以令眉妝更立體，而且頗持久，不太容易脫色。

glo0_0好用推薦：我呢款係舊版眉粉，因為非常好用所以當時一次過買左3盒，到現在都未用完。眉粉非常自然，新手都合用，唔到掃到好似小虎眉，三種漸變色可以配合唔同髮色。斜角眉掃好易上手，記得要定時清潔先唔會結到一舊舊式者kick 住kick住。

Hazel好用推薦：粉質一般，飛粉易甩，唔可以維持太耐又要補，感覺好唔衞生，秋冬小出油情況用比較好。