SUQQU

SHEER LOOSE POWDER(已停產)

Suqqu碎粉真係驚艷級別！ 又用完一盒，一打開粉盒就知唔簡單——啲粉幼滑到呢，手指摸落去似抓緊一縷煙，細膩過嬰兒爽身粉！上臉嗰陣完全冇粉渣感，用掃子唰一聲掃勻全臉，感覺好似即刻幫皮膚上左一層舒服嘅光澤感濾鏡，好似本身皮膚咁乾淨，零粉面具感呢點真心贏晒💯 控油力我要俾👍🏼👍🏼雙讚！T位出油位拍多兩層，朝早化妝頂到食晏個鼻頭都係乾爽嘅，但神奇在唔抽乾水分！面頰位本身偏乾，用佢都冇繃緊皸裂，證明啲粉體識得吸油唔吸水，夏天混油皮/冬天混乾皮用都完全OK～ 最癲係佢隱形到冇存在感！成日補粉都唔會結塊，薄薄一層已經壓住油光，仲keep到皮膚透出嚟嘅自然光澤。同埋粉體帶微微濕潤感（係微微珠光！），所以零粉痕之餘仲有種天生好皮嘅柔焦效果，毛孔同細紋位都好似被輕輕修平咗✨ 用到而家不斷回購，真心覺得貴得有道理——細膩、控油、不乾燥三位一體，油肌唔怕溶妝，乾肌唔怕裂粉，完美平衡，四季皆宜嘅寶藏級碎粉無誤！ 對我來講，唯一缺點係價錢偏貴，而且之前香港冇專櫃，購買不太方便。。。但呢個唔係佢問題，係我問題😜

Suqqu的彩妝一向擁有極佳口碑，所以旅行時在日本的百貨公司購入。使用心得是粉質極細緻、定妝在臉上感覺自然、不厚重。本人為乾性肌，使用後也不覺得繃緊。 整體感覺良好，所以能夠成功用完一整罐。 如果要挑剔的就是內部設計不太好，很容易會掉出過多的分量，需要手動慢慢地倒回去。

今次要介紹嘅呢一款係我人生第一盒買嘅蜜粉 Suqqu Loose Powder~ 係天氣越嚟越熱嘅情況底下， 真係唔可以唔上碎粉就出街， 如果唔係一到下晝就會成面油腍腍嚇死街坊🤷🏻‍♀️ 我係喺冬季時候購入呢一款蜜粉， 第一次用嘅時候我就俾佢驚艷到:果然係貴婦品牌！ 啲粉真係超級超級超級細！ 初初用佢嘅時候我成日都會懷疑究竟我係咪真係有上到粉？ 因為真係完全見唔到。 而呢一款蜜前粉有養膚同保濕成份， 所以冬天用係非常適合， 唔會一到晏晝就俾粉底抽乾皮膚。 但係亦正因為佢有保濕成份， 所以我個人認為佢只係適合秋冬用。 夏天嚟講如果你全日都坐冷氣房或者都仲用到， 如果出街嘅話控油力就唔係咁足夠， 變相我要就唔同季節用唔同嘅碎粉🤔 撇除佢唔可以夏天用呢個缺點， 個人認為入手等濕度低嘅時候用都未嘗係一件壞事~*隔住張相都feel到佢幾保濕😂痴住痴住~~

suqqu Sheer Loose 碎粉，我偏乾肌 Sheer loose呢款係最透白 輕薄 帶非常幼細閃，係超級自然既光澤感，而且保濕，粉質超細，可以好快速同底妝融合，輕輕上一層，妝感光滑細膩， 而且定妝效果很不錯，網狀取粉 絕對不會整到周圍都係。

粉非常細緻，搽上面唔會有太白嘅效果，反而可以修飾毛孔同埋做到柔霧效果，控油能力都好唔錯

本身只想試粉底，但試用上面後立即都買埋。 因為實在太幼滑，一搽即刻有修飾毛孔，但沒有粉面人感，很自然，用左大約一個月。本身我係混合性皮膚，所以到中午會有少少出油，但反而感覺更自然。 比laura mercier更加柔滑，附送既粉撲好軟棉棉，搽係面上面更舒服。 會想試下夏天繼續用，睇睇天氣熱會唔會

碎粉係好細滑既輕盈質地，真係一試就不得了，佢有少少遮瑕既作用，會再令皮膚睇落靚啲無咩瑕疵，用量唔洗多，睇怕慢慢用一盒用到好耐

因為上網見到好多人推薦，所以忍唔住又敗家。 我係用完suqqu粉底霜再上suqqu碎粉。 包裝好靚，而且係網隔！！超級方便取粉！ 粉質非常幼滑，摸落去好似雪糕一樣咁滑！用過LM，好過LM多多聲！LM粉比較粗大，無咁滑，上面粉感比較重，而且用親我鼻敏感一定會打乞痴，suqqu完全無呢個問題，粉撲亦非常

相比於suqqu sheer loose powder 佢的Nature Covering loose powder 就係定妝後多了一層遮瑕度，可以令妝感更加無瑕。佢是有控油的功效，但不是太強，比較適合混合性肌膚的朋友使用。而且suqqu 的粉撲好大 可以好快速就定妝。

Suqqu 的散粉可令皮膚的毛孔看起來細緻幼滑。妝感十分自然。而且容量大一盒已有16g （已經係日日化妝的朋友半年的份量）但佢並沒有控油的效果，對於油性肌膚的朋友就唔太適合。