底妝功效 推薦好用產品

yanmmnn好用推薦：好用 上妝後不一輕易脫妝浮裝卡粉 夏天用黑皮冬天用粉紅皮 買曬兩個 轉季都唔驚

Rin好用推薦：相信應該比較少香港人會買粉底霜，因為厚重而且好易重手左 香港天氣都不是好合適 第三張圖係試色，但因為隻色太深唔岩我，而且影相好似唔係好出，咁大致講一講就係遮瑕力中等 粉感唔錯都貼皮膚

Angie好用推薦：Bling bling眼妝真係會令成個人睇落精神好多✨✨✨ CANMAKE Tokyo出嘅閃閃眼影一盒有兩種唔同粗幼度嘅閃粉，日常出街嘅時候我會用幼閃粉，有特別活動/夜晚出街嘅時候就會用粗粒閃粉，眼妝最後一步加閃粉真係會令成個妝容加分不少🥰 用眼影掃上嘅話妝感會比較自然，用手指方便啲，不過好多時都會重手咗😆  小資女嘅 #夏日必備彩妝 🥰✨✨

chasiutung好用推薦：依盒眼影感覺無乜特別 兩隻色都係有閃粉嘅粉紅色 一邊係普通粉質閃粉細粒d 另一邊係濕濕地嘅粉質閃粉大粒d 但搽出黎差唔多 顯色度吾高 閃粉黏吾住 一搽上眼 就跌到成面閃粉

iliya 好用推薦：呢款光影粉嘅粉質細緻幼滑，主打柔焦啞光嘅效果，搽上面之後可以加強面部嘅立體感及令妝感更自然柔和！

格仔餅公主好用推薦：#火熱新品 主打一抹就柔焦啞光，毛孔大用佢都唔會好顯非常感動，粉質細緻摸落望落都唔粗糙！貴係貴少少但值既因為真係包裝好靚粉質好絲滑

Jenny Fu好用推薦：#火熱新品 保濕不厚重，適合中性到乾肌 霜狀質地，易推唔厚，好似搽skin care咁 用手指上都可以推得薄， 遮瑕度中度可以build up ， 均勻膚色效果好好！👍🏻 薄搽一層已經可以自然提亮， 妝感自然有光澤，好似天生皮膚好好咁， 用左大半日，冇氧化 本身混合偏乾，淨係用保濕primer同佢 係t位出油少少溶，但可以接受 輕輕補少少粉已經搞掂👍🏻

wintonggg好用推薦：還可以，粉質都幾滋潤，好帖服，不過個設計唔太好，要用手/刮刀整粉底液出來有D唔衛生，同埋都有D浮粉

YY好用推薦：好開心第一年參加cosme 周年活動，好suprise獲得禮物，多謝@cosme 一直都好想試用胭脂液，但因為怕難控制所以卻步無賣過。好開心今次得到嘅禮物就係Addiction Tokyo 既cheek tint🥰我收到嘅顏色係02 Sneaking out，橙橙地，呢隻色都幾百搭，胭脂液質地啲透明水狀質感🪼呈現一種由內透出既自然氣息。因為我液狀胭脂新手，都要上網睇教學，試過唔同嘅方法。岩我用嘅方法係先將液狀胭脂茶少少係手背，再用手指係面上顴骨嘅位置拍打，逐少逐少疊加上去。依支胭脂液乾透速度正常，冇出現結塊/顏色不均，質素唔錯。不過出嚟嘅效果真係超級超級自然，適合用嚟作為胭脂打底色。如果想要好上色，要疊加好多層，仲有水狀胭脂嘅範圍要茶大啲！建議保留水光效果的話，胭脂不要疊加碎粉。 瓶身嘅設計一反轉就會倒咗出嚟，要小心唔好倒瀉🫗 Addiction仲有好多唔同系列又colourful🍭既胭脂液，作為禮物送比女仔，一定會開心過聖誕💕

Candy Ng好用推薦：多謝@cosme 的禮物😊😊😊 這個牌子的cheek tint 上面顯色，而且long lasting 。可以講早上出門，晚上返到屋企，仍見到色澤，不會好似傳統的胭脂粉咁樣容易甩色💗 用佢嘅時候要小量上色，因為它都好容易顯色。

applepie好用推薦：喺IG video睇到產品介紹，一盒有齊三款深淺度嘅修容粉，好似好簡單易用，所以就買黎試吓。 啲粉幾幼細，上面顏色唔會好深，想加強效果就要掃多幾次，所以好適合新手使用，唔洗擔心會太重手👌 修容粉仲附送一枝掃，掃毛好滑，唔刮面，性價比幾高，推薦俾新手使用～ #火熱新品

sami.mew好用推薦：顏色跟設計都不錯，不過因為手上已經有幾塊唔同深淺嘅修容，個人比較傾向自行取粉決定範圍。但對新手泥講呢塊可以直接一上上曬唔同深淺嘅修容色，應該都幾實用～

Nicole 好用推薦：色號是03 秘密橙 四色眼影，一盤就能完成眼妝👍🏻 這盤眼影適合畫日系元氣🍊妝，我平時亦會用來疊加胭脂，令妝容更加有層次感！ 眼影壓得很實，不會飛粉，就是眼影沒有跟掃，有一點點不方便。 綜合來說，性價比都是很高，百元出頭就買到！

mimiwoo好用推薦：因為以前很喜歡這個牌子的創辦人吉田朱里所以買來支持一下，這盤是02 駆引きのピンク，上手粉質細緻、好暈染又不飛粉，磨砂包裝也很有質感，比一般日系眼影更顯色。上妝一天眼皮可以留下8成色，加上眼部打底的話效果應該更好。

Kayyan22好用推薦：#火熱新品 自己係乾燥+漂染髮質，但見new jeans代言所以好奇想試下 呢款既味道偏清新，較少甜味，似某種瓜既味，我自己就對呢種味感覺普普通通 而吱出尼佢係透明既，清潔度都唔錯，起泡力好勁 4分1包已經夠起泡 洗出尼既頭髮會偏柔軟，幾舒服，相信普通髮質/無漂染髮質使用會更好

Emma W好用推薦：依款Essential Premium 18-MEA髮之屏障光感水潤洗髮露，含有18-MEA，是一種天然脂質，幫助修復和保護髮絲。 洗髮後，頭髮感覺非常水潤，不會有乾燥或毛躁的情況。頭髮看起來更加有光澤，讓人感覺健康。當然，我係加配其護髮素使用的。 紮完一日頭髮後，放低頭髮都仲聞到其香味。 #火熱新品

Milo101好用推薦：🌟底霜使用感不錯，均勻膚色 🌟看似膏狀乳霜，推開後質感輕潤，不立不焗 🌟夏天用都很適合，有防曬系數SPF30 PA++ #火熱新品 🌟以下是用在皮膚比較粗糙的額頭近鏡： （乳霜質地） （推開） （推均勻後，有提亮、撫平毛孔效果）

Connor好用推薦：乳霜質地比較似輕薄版粉底液，自帶潤色效果，有小小遮瑕力，我試過後續再上粉底液或者bb cushion ，妝效會變得好厚重同有啲焗😑作為妝前乳嚟講，佢唔夠透薄，只適合皮膚狀態好同冇乜大瑕疵嘅時候單用 。 #火熱新品

Hamiii好用推薦： 隻色都算自然唔死白，算幾易推開， 遮瑕度算一般般，暗瘡印遮唔再 個防曬功能可能度數唔夠高，曬完會黑 如果用cc cream都要另外再上一層防曬.. 又好似唔係好想咁.. 俾左妹妹番office室內用

lucrezianoin好用推薦：一次大約用五毫子分量就ok, 搽咗之後膚色均勻咗, 而且好持久! 感覺上用完都唔會堵塞毛孔, 價錢就貴咗少少.

綺羅香好用推薦：Kiss me嘅睫毛液一直都用開，係logon見到得意嘅新品就買嚟試吓，底部有個小轉盤，話可以調節睫毛膏嘅份量，想濃啲就調高啲，想淡淡自然嘅調低啲，刷頭比較粗大，我通常配搭睫毛掃上，輕鬆打造太陽花效果，好似痴咗假眼睫毛咁，防油防水效果好好，keep住全日捲翹唔會塌

Venus好用推薦：買左啡色 因為本身我嘅睫毛太軟所以好易dup落黎 之前用睫毛膏都要用紙巾抹左先用(容易變曱甴腳)呢隻因為可以較份量所以可以令到睫毛根根分明😍但係有少少嫌個刷頭太大 anyway會回購

lucrezianoin好用推薦：一分錢一分貨! 雖然價錢有啲貴, 但係顏色好靚, 有好自然嘅光澤! 無論用嚟做eyeshadow定係做highlight都好好用! 推薦!

choichoi好用推薦：朋友贈送的，真令人驚喜，聞說TF的美妝品也不錯。它的粉質非常細緻，但又能不致飛粉；掃上臉頰有種像原生般的光澤美感，令人不得不愛

takemyokane好用推薦：曾經十分愛用的一款定妝蜜粉。起初會買是因為前Popteen Model益若翼的影響，加上本身包裝也很可愛。粉質幼細，上臉十分平滑貼服，顏色自然也有遮瑕功效。就算上兩層也不會顯得皮膚乾裂。 它唯一的缺點是附送的粉撲，用久了會慢慢變硬，需要定期清洗。後來因為遇到質感更好的蜜粉蔡默默沒再回購。不過現在回想，因為這罐的尺寸比一般蜜粉小一點點，或者下次買來旅行用也不錯。

fannychen好用推薦：都係睇人推介幾好用先買～粉質都幾滑～遮暇力高因為都幾深色～ 如果想自然妝感就唔好用佢～都顯厚粉～因為我想遮暇度高所以用佢都ok

Noel好用推薦：個人大愛眉粉產品，因為妝感相對自然，而且出錯也容易補救✔ 這枝 Fasio 眉粉筆是 @cosme心得的禮物，色號 #BR301 淡啡色，由於現放棄了染髮，這個色號在眉毛上，有點太啡，但個人不太 care 👌 眉粉筆的絨毛 applicator 係圓頭，能沾取很多 product 👍刷到眉毛上感覺很自然，掃頭不會覺得拮面。眉粉顯色度高，不易甩色，非常持久，大讚❗防汗防潮的效果也不錯，帶妝大半天也ok，不會變無眉娘🙌 唯一希望它的掃做成小斜角，像唇彩的掃，會更容易描繪眉尾部份~

mandy好用推薦： Fasio Tip Trick Powder Eyebrow 精確眉粉筆 $88 作為防水型眉粉筆，精確眉粉筆有兩大優點，持久度非常好及色系有驚喜。精確眉粉筆防水防油，可全日都不用補眉妝。色系雖只有3色，當中BR300是非常自然的深啡色，比一般開架眉筆的顏色更深色，深啡到黑髮都很適合使用，而且跟髮色接近，非常實用又好睇。 價位方面性價比高，是可以輕鬆入手的價格。 精確眉粉筆使用前後都要用眉掃梳理眉毛，令眉毛更整齊自然。描繪眉型也不會有難度，按眉型輕輕掃上便可，易於控制。精確眉粉筆比較適合眉毛多的人士，光用眉粉筆及眉掃已可完成眉妝。像我這種眉尾有點弱又不夠眉毛的人，就需要在用完精確眉粉筆後，再用精細的眉筆補好毛量不足的眉尾。其實也不會很複雜就是補多幾筆而已。 基本上Fasio精確眉粉筆跟我的眉毛很合得來，馬上將這個眉粉筆放入我的可回購清單之上。

ありさん好用推薦：已經入貨10幾支以上，太好用了，很容易上手，畫起來也簡單，顏色也是我喜歡的顏色，也不易斷，推薦！

Tiffany好用推薦：Fasio嘅產品包裝越嚟越好睇，簡單襟睇。纖細眉筆好順滑，顯色度ok，唔算容易斷，所以都幾襟用。

940727.0好用推薦：質地比較薄,點少少已經好好。如果以依個價錢有返依個質素非常抵玩。唔只可以遮黑眼圈仲可以遮鼻翼兩邊，嘴角附近，就可以出門。

choichoi好用推薦：這款遮瑕筆算是YSL平替，透薄不黏的膏體令人驚艷，開架的喔不是嗎？黑眼圈不算太重稍稍就能蓋過而且自然，撲些碎粉後也不易脫落的

chasiutung好用推薦：我吾係咁鐘意用bb cream 覺得太厚 又油 又吾持久 但canmake 依款bb cream 幾好用 質地比一般嘅bb cream 薄 有一般嘅遮瑕度 上面妝感吾厚重 自然無假面感 遮到毛孔 妝感吾錯 持妝力一般 但溶妝都吾會一撻撻 用canmake 嘅棉花糖粉餅補妝 妝感依然好好👍

jas2468f好用推薦：有少少油膩，唔知點解可能個人膚質問題用完之後有少少悶痘，麻麻地

Fng好用推薦：cdp 唇彩 radiant lip gloss買咗5號dream stone， 質地 油油地 帶微微香味，係粉紅色，上嘴貼薄，滋潤感last得夠耐 ，當然持久度好一般。

choichoi好用推薦：質地細緻順滑，有助平滑唇紋；唇彩質感滿滿能輕易塗出飽滿感

stardustz好用推薦：平時都用韓國品牌的氣墊，蘭蔻這款還是我第一次使用非韓牌的氣墊。它挺有效地減少我臉頰的泛紅及提亮並均勻肌色。氣墊的保護濾網能確保每次粉底劑量適中，份量準確，遮瑕度可根據膚狀況慢慢疊層而不會有厚重感。另一個bonus則是粉底液SPF50 + / PA +++的高度防曬調。總體而言非常喜歡，只是對於乾肌而言,嫌它稍微不夠滋潤，建議上妝前做好足夠的保濕。

lovejapan好用推薦：打開後, 取適量粉底均勻搽係全面. 同樣效果自然. 產品也幾貼服, 妝容幾持耐, 唔會咁易脫妝.

Kelvin好用推薦：今次介紹既highlight係香港好難買，去過好多間shiseido專櫃都話無貨，我也是去日本🇯🇵先買到。 以前shiseido出過隻帶藍光既光影PK107，以加轉咗依盒Innerglow cheek powder。 啞身黑色鋼琴面設計，扁身，Shisedo既日系design風格⭐️賣點可以令蘋果肌位置漲起 。 我用佢黎做眼下提亮，做到少少遮黑眼圈，再係眼下後半部份上胭脂，做返對比修飾。 依盒highlight 唔係珠光閃粉，係比較低調既光影粉，藍藍粉粉，用完皮膚睇落係變粉嫩👶🏻好加咗柔焦濾鏡效果📷凹陷既地方有漲返少少既感覺 唔建議做鼻子👃highlight，會變Avatar 依盒highlight係低調咁調整皮膚瑕疵，可能有種無需要買既想法，但又真係有效果睇到，視乎個人需要

腮紅打亮控好用推薦：粉質很細緻，光澤很自然，我買了10和01，10據說是之前pk107的替代，藍藍粉粉的光澤適合做眼下提亮，01 則可以打亮雙頰額頭下巴，很日式風格的打亮，非常自然