彩妝功效 推薦好用產品

Connor好用推薦：我買呢枝係03號色(Brown)，比較適合深色頭髮，顏色自然唔會突兀 係可以伸縮，用幾多轉幾多，同埋唔易斷，輕輕畫就上到色，都幾好推好畫，而且顏色持久，自帶眉刷，唯一唔好就係筆頭係冇蓋嫁！咁樣我覺得唔係幾衛生🫥

940727.0好用推薦：上次提及過我真係好中意Dior ，第一次買就係佢哋嘅粉底液,之後就買咗佢哋嘅眉部產品試吓. 我買咗一個深灰色嘅眉筆。依枝眉筆好上色，易畫又防水，好適合新手畫，畫完嘅妝咁似霧眉。因為枝筆另一邊有一個好特別嘅眉刷等畫完之後掃返均勻去。

meiformei好用推薦：個人覺得算幾飛粉, 而且內附嘅掃唔太好用. 本來諗住容易攜帶帶出街用但如果要用其他掃又達唔到目的. 不過顏色係幾靚的.

chasiutung好用推薦：多年前買過依款胭脂 顯色度高 粉質一般 不持久 皮膚出油出汗會容到一撻撻咁

mandy好用推薦：Paul & Joe Lip Gloss G 亮光唇彩 將會推出新版, 改版意味著如果有喜歡的色號要快點入手, 否則就會停產。 亮光唇彩 的滋潤度很不錯, 而且可以令唇部散發光澤、水潤感 及 透明感。 我常覺得比起唇膏, 只有唇彩才有減齡功能, 所以很愛用唇彩。 我是乘著Paul & Joe近期減價收了兩款家中沒有的色號。 亮光唇彩#10 GLACE 這款是透明唇蜜, 可以疊擦在唇膏之上。 如果大家覺得用慣的唇膏有點單調, 可以嘗試疊擦唇蜜在唇膏之上。 這樣做可以改變唇膏的質感, 具有豐唇的效果及營造玻璃唇的效果。 可是, 疊擦的唇蜜如果是帶顏色, 那就會改變唇膏的顏色。 如果想保留唇膏的顏色, 就要疊擦透明唇蜜。 上圖就是在紅色唇膏上疊擦亮光唇彩#10 GLACE 的效果, 增加了光澤、透明感 及 令唇部更顯豐滿, 而且唇妝呈現出單用唇膏不能營造的休閒好接近氣息。 亮光唇彩#09 ANTIQUITY 我很喜歡這個特別的色號, 顯色其實一點都不深色, 帶很美麗自然的閃粉, 富光澤及透明感。 用來化日妝很不錯~

Chi好用推薦：有點黏，會痴頭髮 淡淡地嘅一層色彩，唔會完全覆蓋原有唇色 光澤感幾靚，可以有玻璃唇既感覺 唔搞佢嘅話，水亮感都hold到幾耐下，但食完野就會完全唔見晒 有淡淡地既香味，塗完一陣就會散走 入面係唇掃，新嘅時候都幾硬下，要整到佢軟身先好用 呢個價錢我覺得有更多更好嘅選擇...應該就唔會買啦 不過個包裝幾靚XD 我有既係07號，橙色，夏天用都唔錯

Tiffany好用推薦：自然輕透的blush gel，跟啫喱粉底霜是同系列，一起用打造天生好氣色好皮膚的妝容。

jojoma123好用推薦：賣相很漂亮的胭脂霜,質地如梳乎厘般幼滑，雖然顏色看起來很sharp,但塗出來效果很自然貼薄

natanatalie好用推薦：Cp值好高，用喺油肌嘅眉上都不會點溶，而且好易用，適合新手，價錢亦好平

choichoi好用推薦：筆身很好握 , 眉筆為斜面更好描繪 , 而另一頭的眉粉粉質細緻不結塊 , 整體都很好上色 , 設計快速方便適合忙碌都市人

Jasmine Yuen好用推薦：買聖誕Advent Calendar其中一件，所以係細size 唇彩的質地非常舒服，不會覺得黏膩 礦物成份天然係賣點，而且多顏色揀 未推開前好深色但係用手指印開就好自然㗎，搽咀唇睇落有氣色😄

LenaC好用推薦：質地：柔滑細膩嘅唇彩 上妝效果：超輕盈顯色 搽咗令雙唇更有光澤同感覺兩豐滿 佢既擁有唇膏既顯色度 又有唇彩既閃耀度 輕輕幾滑就輕鬆搞定完美唇妝 帶有淡淡香草香味 含有保濕成分同礦物質複合物 有助保持雙唇柔軟唔乾燥 用完試用版會考慮買正貨

Kakar好用推薦：我覺得呢支係武士刀的平替，價錢非常便宜，30蚊以內就可以買到。 只用識到削番武士刀眉形狀，就可以畫到好幼細的線條，做到毛流感。 同埋佢筆既質素應該唔差，暫時都未試過削斷。 而使用過既呢兩隻色都顯色度高，很好用。

Karman28好用推薦：已經回購左三四支，啡色和灰色也有入購過。價錢非常實惠，平時都會用界刀削成扁平形狀，筆芯未試過斷！啡色也十分顯色，灰色十分自然。而且短短一支放手袋十分方便，以便隨時補妝。

greenk好用推薦：顏色自然，而且有晒眉粉、眉筆同眉掃，好方便，都好適合新手用～ 持久力都唔錯，基本上出一日街都唔會甩👍🏽 不過眉粉用耐左就要不斷印先有色

chymiaaa好用推薦：雖然顏色的確幾自然 而且幾顯色 不過三合一嘅眉筆我都係推薦用Excel嗰隻 嗰隻真心好用又方便

橘子貓好用推薦：Météorites Bubbie Blush #Pêche 閨密分享的可愛美妝好物。整顆圓圓的，膏體摸着是軟軟有彈性，接觸皮膚會有涼感！很舒適。顯色感不錯，塗上臉有通透感，不會像其他胭脂膏般似重手了就變🐵。可惜peche這個色號用在我臉上有瑩光感，應該比較適合健康膚色。

Noel好用推薦：Guerlain 衆多產品之中，個人覺得最可愛既單品😍 這個 Bubble Blush 色號 #PECHE，由暖調橙紅純色，配上白珠光色而成❗還未用時，產品表面非常光滑，超靚靚❣ 整體而言，產品使用超方便，只要拿著這個 gel blush 在兩邊面頰各碌一圈，再用手指推開就ok 👌 顯色度也不錯，顏色超能提升血色感👍 加上產品特有 cooling effect，在面上碌碌，感覺冰涼舒服❤ 唯一係持久度差一點點~ 顯色 🌟🌟🌟🌟🌟🌟 持久 🌟🌟🌟🌟 cooling effect 🌟🌟🌟🌟🌟🌟

royu3好用推薦：早年於日本購入的單品，屬系列中顏色最鮮艷的。 A、B、C三色為胭脂色，將其混合，是自然的珊瑚紅色非常適合夏天。A色帶細閃粉，能增加臉頰的立體感。 缺點是胭脂很難上色，未知是否為了壓花導致粉質壓太實。D色有點尷尬，作為陰影色有點偏粉紅調，最終只能與其他三色一起混合。 值得一讚是胭脂下層收藏了一個長扁形的小胭脂掃，非常貼心！掃子毛質柔軟，用作掃陰影還是胭脂都適合⭕️而且方便携帶，長期放於office作不時之需。

Circlecyy20好用推薦：一盒有多色的胭脂 應因應取粉的方式及份量而有不同的顯色效果 可多變化

karun好用推薦：初手學化妝，眼線液筆真系挑戰，如果手快俐落用它應該妝效不錯，比較猶疑似我的話就用力少少會出事。。。 夏天用忘記用碎粉定眼妝，容易出油脫妝，但性價比來說都不錯！

PorscheB好用推薦：喺台灣旅行嘅時候唔記得咗帶眼線筆就喺藥妝店 揀咗呢一支深啡色嘅眼線筆 容易畫出顏色同埋維持得幾好， 但係有個問題就係係支筆嘅毛可能有時 一大力少少就將條眼線畫得闊咗

Circlecyy20好用推薦：使用感不錯 簡單易用 用在眼皮有時間推開而不即時事 而閃度算不錯

lwt14好用推薦：顏色好靚，超服貼，完全不黏， 抹開即刻乾，珠光同亮片好細緻，而且好方便，可以好快化完眼妝。

Cynthia好用推薦：第一次用呢個牌子嘅睫毛膏，相當好感，買咗咖啡色，好自然，又條條分明，唔會過多睫毛膏上眼，正！

Rooibos tea好用推薦：呢個都係特價買，（到底我買咗幾多野） 買咗1支黑色同1 支啡色，兩隻畫都係會長，根根分明嘅，無話邊知怪啲，單純係色唔同， 個人長用會鍾意啡色多啲，襯返啡色頭髮，遲下可能會再買啡色

pigpig好用推薦：顏色上有最大眾化嘅大地色，有齊打底加深，提亮果啲。佢其他色望落好似用唔到太過深，其實有驚喜特別係隻紫色上眼好溫柔，唔老唔姣 比較日系。佢啲粉有朱古力味偏奶香，一路聞住化好開心。佢啲色上眼唔會周圍飛，亦都明顯上到色，最好嘅嘢係好易暈染唔洗掃咁耐，仲要意外地好防水，沖完涼都冇甩色真係好勁。但係我覺得最好嘅係佢啲色全部都唔會太誇張任何兩隻一深一淺撞埋一齊已經好靚。價錢上都算合理，有咁多隻色都只係380,係唔知裡面隻粉紅色點用姐。仲有一個貼心位係佢眼影盤係用磁吸唔洗驚㩒唔實。

Littlemon好用推薦：顏色：大地色系為主。第一眼睇落好似隻隻色都唔同，但用落覺得有幾隻好相似，例如milk choco 同 semi sweet, hazelnut 同haute choco等等。唔知係米佢texture係硬身d,我覺得唔係好出色。born this way我可以唔用primer,但呢個唔得。另外珠光色之中，比教特別的gilded ganache同candied violet都令我好失望，個色飽和度唔高，粉又散，一個唔小心會整到隻眼好污糟😵而且珠光黎講佢又唔算做得好fine,無excel果d咁細閃。我已經算白，但strawberry bon bon都係唔顯色，好可惜。 質地：係too faced眼影中較硬身，特別係d深色，飛粉嚴重，唔易blend。too faced系列較軟的有born this way，just peachy, ginger bread extra spicy. 第一代chocolate bar同sweet peach都係教硬身，詳情睇我其他reviews 持久度：要用primer，都keep到一日既 設計：最吸引應該係呢樣😂成盒朱古力咁，又有朱古力味 性價比：一般般，我覺得

choichoi好用推薦：可以輕鬆打造到根根分明的睫毛，最近天氣熱得過分，用它也沒有暈染的情況出現，但是睫毛刷頭不屬於幼細型因此在使用時手要保持穩定（笑

Kura好用推薦：對於睫毛較短嘅我個人覺得刷頭太大，好難掌握用嘅份量，但都可以刷到睫毛有翹度，重點價錢合理

jaye好用推薦：呢盒Orgasm X 胭脂限量版，包裝超靚，顏色都好靚，Orgasm胭脂粉色自然紅暈，orgasm X更為偏向蜜桃色和珊瑚色，兩隻色粉質都一樣超細緻又柔滑，易暈染均勻，顯色度高，要輕手啲，當然亦可以任意疊加，由自然色調以至大膽鮮艷的高彩度色調都做得到，另外個金色閃粉同樣細致，可作為眼影亮片，十分貼服，自然又精神，日夜妝容都唔會覺得誇張或濃艶。仲有，成盒野不含香料不含酒精，好岩敏感皮膚既我，好鐘意！

ferferfer好用推薦：中間orgasm 隻色上面真係好自然好靚，右邊嘅orgasm X 就絕對唔好貪心，用少少已經好上色，金色highlight 色都好自然

Lumi Kwan好用推薦：日本購入，中學時代迷日系，係kanebo fan。先講唇蜜，偏酒紅色，中意佢唔黏又有滋潤感，佢棉刷頭好易控制份量。秋冬時可以每日袋喺袋，真心易襯衫。

Tiffany好用推薦：比一般lip gloss更滋潤，但又唔會黏笠笠，質地唔痴嘴，顯色度一般，建議揀深色、鮮色色號。

shadow影子好用推薦：超強嘅顯色效果瞬間打造而家韓國最流行嘅列艷紅唇。而且有好高嘅滋潤度，打造出強烈嘅絲絨質感。

choichoi好用推薦：價錢平實，色號選擇算多；顯色度已單擦來說屬不錯也蠻實色的，有點點染唇情況，但因此不易脫落

zetalhc好用推薦：畫得好順滑，超級適合新手。而且一筆就可以營造臥蠶，非常容易，眼影筆好上色同埋好自然，持久度都好好，可以防水防汗。

Circlecyy20好用推薦：好易畫 用係卧蠶位最怕易溶妝 呢款算持久力唔錯 唔會怕好易捽甩

Tobimak好用推薦：@cosme 送比我既呢支Addiction液體眼影色號係103。由於佢入面有大量大小不一樣的閃粒，而我手上既又係大地色系，所以搽出黎bling bling得黎又能配合到日常出街妝容。而妝效亦十分持久，由我出門至回家大概10小時都keep到冇甩妝❤️內置刷頭亦方便易用，不需再用其他化妝工具亦能輕鬆上妝。輕輕搽一層已經好上色，直接用黎做單色眼影都好好睇。

Sarah好用推薦：感謝@cosme 送的會員禮😊 我少化濃妝，但收到平時唔會接觸的化妝品覺得好開心。Additional The Liquid Eyeshadow Ultra Sparkle: 這枝眼影液的色號是Come Together 0066號色係閃閃的啡銅色, 很少的眼影液已經可以染開好大範圍，非常顯色，張相影得唔好，但佢閃粉好細好靚。沒有想像中乾，但比較厚。不過，新手不夠技術最好用返眼影盤，因為眼影液很難控制用量，而且多數係濃妝/晚妝先會用到。總結：這是一枝妝感強烈華麗的眼影液。