1028

超穩極細暹羅貓眼線液(小貓第3代)

1028呢枝眼線液出左好耐同埋都幾出名，但一直對台灣化妝品無咩感覺，入購呢枝純粹係一次意外，估唔到效果又OK. 首先講下我既膚質：乾肌但眼皮好油（化妝師講既我都唔知點解會咁😂），所以我要既眼線一定要防油！第2 個要求係畫出黎既線條要夠幼（手殘黨用唔到粗眼線液/ 眼線筆）。 睇圖就知呢枝眼線液個筆頭岩我要求，畫出黎夠幼，而且唔會太軟，有D眼線液望落筆頭好幼，但刷毛太軟搞到好唔穩定。 上眼（自然光）效果如下： 基本上可以畫到好精緻既眼線（滿意😎） 放工之後條眼線都keep到：（返到屋企已經係夜晚光線唔同左🥹） 證實防油效果ok, 睇埋防水： 凍水沖左30秒冇問題， 但！改用暖水沖，一抹就冇左7成🤣如果係容易流眼水既可能要注意定妝。呢到扣左D分。 整體黎講係OK! 價錢又唔貴又易買，可以考慮回購。 

初手學化妝，眼線液筆真系挑戰，如果手快俐落用它應該妝效不錯，比較猶疑似我的話就用力少少會出事。。。 夏天用忘記用碎粉定眼妝，容易出油脫妝，但性價比來說都不錯！

喺台灣旅行嘅時候唔記得咗帶眼線筆就喺藥妝店 揀咗呢一支深啡色嘅眼線筆 容易畫出顏色同埋維持得幾好， 但係有個問題就係係支筆嘅毛可能有時 一大力少少就將條眼線畫得闊咗

畫出嚟又好靚嘅，個筆尖都無得投訴咁好畫，但係呢勁易化開，所以基本上夏天完全唔用得，除非你係咁攞住支眼線筆係咁補啦