日本彩妝 推薦好用產品

Fng好用推薦：我日本買咗 suqqu #103 胭脂盤，佢有六格，其中右手邊係 highlight ，另外嗰4格係胭脂/ 修容， 我覺得呢盤胭脂冇獨立一盒盒胭脂粉咁好用，粉質粗糙，尤其係嗰兩格highlight，簡直係會令你毛孔無限放大，另外佢有一格偏啡色嘅修容，但係佢有少少偏橙紅tone，令到妝感好似好污糟，所以唔多用得著。

unproshare好用推薦：SUQQU / POWDER BLUSH COMPACT #101 / 第一次入手SUQQU嘅野！一直都想試佢地嘅胭脂，因為啲色同啲pattern 好靚，好多人都讚SUQQU 嘅產品好高質，但礙於價錢就沒有行動...🙈 成盤睇落上面嗰行啱白皮，下面啱黃皮咁（當然下面嗰行點都啱白皮，白皮真好😂），當中第一行覺得啱白皮嘅第一隻色講起，左上嘅dusty pink 覺得似hourglass mood exposure 呢個色號我好鍾意所以都唔怕黃皮唔啱，而最驚就係中間嗰粒唔啱黃皮（不過覺的$470/5隻色都抵🤪所以都買咗） 到貨後即Swatch上手，真係覺得要GG了，然後上面試完覺得驚艷到... ❤️❤️❤️❤️❤️ 喺pan到睇，喺手臂試色都唔覺得會啱黃皮，但用掃上之後真係覺得靚！到！爆！✨ 成盤來講，白皮呢啲點會唔啱，喺到想推驚比各黃黑皮嘅買‼️ 其他色都係好實用嘅色，唔需要擔心！唯獨係兩個光影，右上係粉色底加銀色閃，右下係金色底七彩色嘅閃，不過就咁swatch 睇落同日常粉色/白金色highlight 無異，閃嘅顏色冇影響到超誇張日常用唔到咁（超白皮例外😳）/ 不過我未試過上面，呢

Rosa好用推薦：第一眼已經被它的外型吸引住，華麗又精緻！專程叫妹妹着日本買回來。我覺得他適合乾性皮膚使用，粉質細膩，剛剛上粉的效果係最漂亮的，透薄自然。我嘗試在炎熱夏天使用，感覺會有點不夠乾爽 去到中午基本上都會溶妝 所以我建議可能入秋，或者乾性皮膚使用效果相當不錯

綺羅香好用推薦：睇包裝系列，幾年前已經好想買天使蜜粉，點知俾疫情搞到好耐都無得去日本，最後唯有搵代購（松本清都有，不過新版無咁快上） 天使蜜粉分兩個版本，一個周圍都有得賣嘅常規版，一個淨係得專櫃有嘅GR版，粉餅成分當然係GR版比較好（原來香港都有專櫃），我手上呢款係常規版，佢每逢雙年份會出厚盒版，我拎過上手，厚度大概有一般兩個普通蜜粉餅厚度以上，用完可以直接當飾物盒用，單年份會出薄盒版，容易帶出街多啲 每年天使蜜粉都會有一個主題，而今年係創造幸福，粉盒同粉餅上面嘅天使好可愛，暫時未捨得用

Lumi Kwan好用推薦：試用原因:之前染咗個灰啡色頭髮，即刻要買過晒眉妝產品，但又知道自己個頭應該好快甩色，所以買咗呢支平平哋嘅眉gel試吓，我仲要買到好深色，結果用咗一個星期個頭都差唔多甩色了。 優點: 持久度都OK，如果平平哋想搵代替品都可以試吓。個掃頭都算係易上色。 缺點: 顏色真係太深，可能係我唔習慣 對比圖 Dolly wink—> Visse —> 1 day tattoo

mavis好用推薦：搽上眉嘅時候唔會結成一塊塊，都乾得幾快，全日出街都冇溶妝，幾好用

Fng好用推薦：002 cherrywood 偏冷色調，適合白冷皮用，上咀速乾，易推勻，matte 小小顯唇紋，但持久度幾好。

Lumi Kwan好用推薦：有陣子所有make up都買addiction，當時都未係好多brand有Matt lip tint，所以買左佢。少少乾但好顯色，佢幾乎所有色都好易用。不過我用到乾左所以先冇再用

Lumi Kwan好用推薦：香港真係唔太多人推薦呢個蜜粉，但係其實日本妹係非常之鍾意用佢。我自己之前都用過好多大牌子，但有時上粉都有凹凹凸凸嘅問題。礦物粉嘅好處係可以用碎粉掃上，又可以用佢嘅粉撲上，不論你係查話濕粉還是係用cushion，都非常適用。而且個效果好自然，佢有glow/matt 效果揀，glow都唔會閃令令。 我覺得係滄海遺珠，大家通常只會揀Laura Mercier ，但我真心覺得three更好。

YY好用推薦：好開心第一年參加cosme 周年活動，好suprise獲得禮物，多謝@cosme 一直都好想試用胭脂液，但因為怕難控制所以卻步無賣過。好開心今次得到嘅禮物就係Addiction Tokyo 既cheek tint🥰我收到嘅顏色係02 Sneaking out，橙橙地，呢隻色都幾百搭，胭脂液質地啲透明水狀質感🪼呈現一種由內透出既自然氣息。因為我液狀胭脂新手，都要上網睇教學，試過唔同嘅方法。岩我用嘅方法係先將液狀胭脂茶少少係手背，再用手指係面上顴骨嘅位置拍打，逐少逐少疊加上去。依支胭脂液乾透速度正常，冇出現結塊/顏色不均，質素唔錯。不過出嚟嘅效果真係超級超級自然，適合用嚟作為胭脂打底色。如果想要好上色，要疊加好多層，仲有水狀胭脂嘅範圍要茶大啲！建議保留水光效果的話，胭脂不要疊加碎粉。 瓶身嘅設計一反轉就會倒咗出嚟，要小心唔好倒瀉🫗 Addiction仲有好多唔同系列又colourful🍭既胭脂液，作為禮物送比女仔，一定會開心過聖誕💕

KDing好用推薦：我用嘅色號係B0號，比較偏向紫色。Addiction嘅液體胭脂一滴喺手背會以為好深色，但係如果好快咁拍開，其實佢會好快融入喺肌膚上面，佢嘅顏色唔會覺得好突兀，反而似本身皮膚透出嚟嘅顏色，都十分之自然。 本身以為紫色胭脂好難控制，但係如果佢係放喺面部比較凹陷少少嘅地方，佢會有一啲澎脹嘅效果，更加突出蘋果肌嘅效果，新年妝容用就好岩，可以打造到滿盈既效果。 就係因為液體胭脂好快會乾，所以本身想喺面上就要夠快咁樣拍，同埋個份量唔可以太過重手。不過如果太過重手嘅話，後續可以上多少少嘅粉底。 顯色度：4/5 自然度：5/5 注意要小心控制份量。

applepie好用推薦：喺IG video睇到產品介紹，一盒有齊三款深淺度嘅修容粉，好似好簡單易用，所以就買黎試吓。 啲粉幾幼細，上面顏色唔會好深，想加強效果就要掃多幾次，所以好適合新手使用，唔洗擔心會太重手👌 修容粉仲附送一枝掃，掃毛好滑，唔刮面，性價比幾高，推薦俾新手使用～ #火熱新品

maylam好用推薦：我好鐘意嘅修容！ 顏色自然唔會太深/淺 唔會搞到塊面一撻撻咁 色號都好啱我 我已經用到hit pan 會回購！

橘子貓好用推薦：N-Rouge #157 Embracing Red 冷門的唇膏，金屬外包裝很有質感，摸上手冷冷的，很有份量。 #157 官方名為楓葉紅，實物反而不太橘紅，塗上嘴是奶杏色，帶點橘、啡調，非常日雜模特兒的唇色，顯得整個人都溫柔起來。 唇膏很滋潤，塗上嘴是潤澤的妝感，基本上不顯唇紋，顯色度高，可以遮蓋8-9成唇色。 #火熱新品

Tiffany好用推薦：金裝物料嘅外包裝望落就唔廉價，唇膏潤得黎又夠顯色，好多色號都係取材於大自然素材，塗上嘴特別自然、溫柔。

Blueblueblue好用推薦：帶有光澤感嘅唇膏。 時間耐咗會有少少卡唇紋。 係日本買嘅，都算CP值高嘅開架。

jellybeanyay好用推薦：顏色係好出色好有光澤感，但係我覺得佢潤得濟，啲色卡咗喺唇紋...

Ressie14好用推薦：大大罐, 日日都有使用, 定一定塗防曬後啲黏笠感+增加啞緻感。 有幼細的閃底唔誇張的, 粉質好滑 , 帶少少膚色自然提亮 ，只會吸收臉多餘既油光。 平日護膚程序後用透明防曬 + 碎粉, EXCEL蜜粉就係我用開既產品。 個人認為CP值高! 喺日本當地藥妝店買, 圍起港紙 >$120 , 20g 抵用。 用完會再買第二罐啊 :)

Lumi Kwan好用推薦：三個牌子嘅液體眼線筆之中，只有dup係真正掃頭，three同visee都係海棉頭。 Three 海綿數頭比較容易沾污到眼影粉，而且堵塞嘅問題大約一個月就會浮現，好難控制個份量，有時未必用完一整支，已經唔能夠再用。因為之前減價買，所以局住要用兩支，變相個性價比比較低，因為未用完已經用唔到。 Dup性價比十分之高，兩支我都係喺日本買，不過發現香港松本稱都幾快手，我一番香港都已經見到了。而且色系比較特別，緊貼住日本嘅潮流，所以出啲顏色都比較容易日常用到，又唔需要擔心花太多錢買一啲特別色。持久度都十分之高，尤其或眼尾優勢位置都非常之理想。 Visee相比之下，有化開嘅情況，畫上雙眼皮嘅時候唔容易畫出，而且呢一隻beige色，dup 就更顯色好睇。

jojoma123好用推薦：今次試用的PU180色,是相對較特別的眼線顏色,我會用來highlight下眼線,感覺用後可以更突出眼形

mavvv好用推薦：RMK呢枝胭脂筆真係我冬天化妝必備嘅秘密武器，特別適合聖誕出門，去party都用得著！🎅🏼🎉 我買呢枝係因為佢非常多用途，可以當胭脂、做光影，甚至用來做眼影，實在好方便！ 佢外型同一般唇膏一樣，可以放袋，隨時攞出嚟補妝。 我揀咗04 Bronze Glow玫紅色🌹，帶古銅光澤，仲有少少復古嘅紅色，感覺好有聖誕vibe！ 質感唔算水潤，但好滋潤同細滑，可以輕輕一畫喺面頰上，用手指輕輕推開，好易均勻。 顏色一開始好鮮明，但推開之後就會自然融入底妝，帶點紅潤同光澤！成個臉色睇落好活潑👶🏻 超愛呢款RMK胭脂筆，性價比高，非常推介❣️❣️

Fng好用推薦：喺日本專門店買，粉質非常幼細，淡淡的紫色可中和本身偏黃的膚色， 妝感自然透薄， 我本身係偏乾膚覺得保濕度尚可。

mandy好用推薦：THREE  ADVANCED ETHEREAL SMOOTH OPERATOR FLUID FOUNDATION 柔光極致晶透粉凝霜 $710/ 30ml 作為精油美妝護膚品牌，跟Canvas一樣，Three的定價確實不便宜。 一瓶粉底液的價格跟國際大牌接近。 功效: 提亮、遮毛孔 柔光極致晶透粉凝霜可以令肌膚散發自然柔光光澤 (比較低調, 不是水光肌那樣誇張)。 SPF40 PA++ 此防曬系數可以應付主要停留在室內的日子，如需户外活動，可補擦SPF50 PA++++的防曬。 可以遮蓋毛孔、調整膚色, 令肌膚更明亮, 毛孔變得不明顯。 最優秀之處是使用感清爽舒適不厚粉不悶熱, 好像沒上底妝一樣。 持久度挺好, 底妝可以維持大半天, 晚上才開始出油, 需要補妝。  不含香料, 另加入不少優質護膚成分如保濕/抗衰老成分, 化妝同時護膚。 含保濕成分: 丁二醇, 戊二醇, 摩洛哥堅果油, 乳木果, 茶籽油, 荷荷巴油, 黃芩根萃取, 甘油葡糖苷 及 甘油 抗衰老成分: 摩洛哥堅果油, 乳木果, 荷荷巴油, 黃芩根萃取, 甘油 及 維他命E 抗

lingbb好用推薦：- 呢款粉底主打持久不脫妝 - 質地好滑易推，上面效果透薄，適合偏淡妝愛好者。 - 暫時同用緊既精華、護膚品都無起屑既情況👍🏻 - 遮瑕屬低。需另加遮瑕膏 - 單用既話，泛紅位置未完全遮到，屬自然一點既妝感 - 用埋定妝粉後就會遮到我既泛紅 - 屬於自然柔光既finish - 持續性唔錯， 去到7 個鐘， 淡妝好處係仲有補妝既quota，補完唔會厚妝🤭 - 個人認為皮膚狀態好時用會比較好用👍🏻

🌸好用推薦：ANA全日空限定四色，於飛機免稅購買。 左上角嘅淺金色係092 Mariage，細緻順滑； 右上角帶閃粉嘅淺粉紅色係078 Sakura storm，猶如櫻花般溫柔如水； 左下角080 Cry baby，色澤粉嫩，好有春暖花開嘅感覺； 右下角085 Shanghai Breakfast,雖然唔清楚同上海有咩關係，但係呢隻色帶點深邃，令到呢個粉紅色調嘅眼影盤不顯眼腫。 總括而言，係充滿春夏風情嘅日系眼影盤。

iliya 好用推薦：當染到頭髮好淺色嘅時候，而條眉仲係黑色，真係好突兀。呢款染眉膏嘅顏色好大路好自然🙌🏻

格仔餅公主好用推薦：刷頭幾好用喎喎會容易畫到出界，啲顏色幾實上眉自然，用左好多brow product 其中都會keep住買返佢

KDing好用推薦：呢枝修容我係日本行左好幾個專櫃都話無貨，後尾好好彩先搵到。 呢款修容係香港討論度唔高，我都係睇台灣KOL介紹先知。 呢枝修容棒主打日系自然妝感，佢上面既妝感係帶透明感，唔會咁易帶明顯粉感，同埋好易blend開周界，我多數用係鼻樑同下頜骨位置，呢啲位置如果太重手，會睇落唔自然。所以我好鍾意呢枝修容棒既妝效，同埋一枝都可以用好耐，CP值唔錯。

Tobimak好用推薦：@cosme 送比我既呢支Addiction液體眼影色號係103。由於佢入面有大量大小不一樣的閃粒，而我手上既又係大地色系，所以搽出黎bling bling得黎又能配合到日常出街妝容。而妝效亦十分持久，由我出門至回家大概10小時都keep到冇甩妝❤️內置刷頭亦方便易用，不需再用其他化妝工具亦能輕鬆上妝。輕輕搽一層已經好上色，直接用黎做單色眼影都好好睇。

Sarah好用推薦：感謝@cosme 送的會員禮😊 我少化濃妝，但收到平時唔會接觸的化妝品覺得好開心。Additional The Liquid Eyeshadow Ultra Sparkle: 這枝眼影液的色號是Come Together 0066號色係閃閃的啡銅色, 很少的眼影液已經可以染開好大範圍，非常顯色，張相影得唔好，但佢閃粉好細好靚。沒有想像中乾，但比較厚。不過，新手不夠技術最好用返眼影盤，因為眼影液很難控制用量，而且多數係濃妝/晚妝先會用到。總結：這是一枝妝感強烈華麗的眼影液。

Lumi Kwan好用推薦：日本購入，中學時代迷日系，係kanebo fan。先講唇蜜，偏酒紅色，中意佢唔黏又有滋潤感，佢棉刷頭好易控制份量。秋冬時可以每日袋喺袋，真心易襯衫。

Tiffany好用推薦：比一般lip gloss更滋潤，但又唔會黏笠笠，質地唔痴嘴，顯色度一般，建議揀深色、鮮色色號。

rachelnoni好用推薦：呢款定妝蜜粉，我一般係補妝用，雖然係白色蜜粉，但掃上面效果自然，有透明感，又唔會過白。 但如果用佢定妝用，會感覺持久度不夠，大約4-5小時就要補妝。