Jasmine Yuen好用推薦：用左幾年，一直有用。第1次接觸既時候係因為幾年前懷孕，想用成份比較天然的礦物粉底。 BareMinerals Original Foundation SPF15係一款礦物質粉底，適合各種膚質，尤其是敏感肌膚。這款粉底的特點是它的成分簡單，不含油脂、香料、酒精和防腐劑，對皮膚的刺激很小。 1. 輕薄透氣：這款粉底的質地非常輕薄，不會感覺厚重或是堵塞毛孔。它能讓肌膚呼吸，唔會生痘痘，就算懷孕時皮膚變差，呢個粉底都啱用。 2. 遮瑕力度可調：可以根據需求，少份量方式一層一層疊上，達到自然效果。 3. 防曬效果：有SPF 15的防曬效果，能提供一定程度的紫外線防護。 4. 易上妝：這款粉底很容易上妝（用bareminerals既刷)，而且妝效能維持一整天，持久度相當不錯。

SUM好用推薦：因為以前@cosme 送過一款白色蓋的礦物淨肌抗痘粉底俾我，我竟然中意到用曬，後黎想去專門店回購嘅時候先知原來已經停左產，冇得再賣，之後店完即刻推薦我買呢款試下，呢款同樣上臉有啞光效果，不過遮瑕度就冇咁高。 買完返去用發覺都幾好用，一上面即有磨皮均勻膚色效果，睇落個人都精神d😍！上到面好薄，如果有需要可以先用遮瑕膏再上粉底，用嘅時候記得配合圓頭Kabuki刷，先將粉底打圈，等粉底沾係刷上面，再用打圈方法上面，咁樣個妝感就會好靚😆，當係偽素顏一流！🥰

Ming好用推薦：俾佢個96H nourishing moisture 吸引到，96個鐘？唔知有冇理解錯誤😆 試咗後感覺都可以，味道好勁，擦太多有啲俗，擦小小會好啲，但唔會last太耐，皮膚表層滋潤好好，可以舒緩爆拆，超級乾肌適用。

Fng好用推薦：The Body Shop英倫玫瑰亮肌身體潤膚霜 British Rose Instant Glow Body Butter，玫瑰body butter有淡淡清香，質地比較厚，搽後滋潤感持久，last 大半日，玫瑰味好香好優雅！ 佢嘅包裝係擰蓋， 有時隻手搽完body butter滑嘟嘟就比較困難擰返實個 盒蓋， 都唔知係佢嘅優點定缺點。🤣

Kaorichannn好用推薦：感謝@cosme邀請我參與「Benefit PORE CARE毛孔護理系列試用活動」，今次可以試到Benefit最新Pore Proffesional既Skin Care Product，一set試用入面包括【暢通毛孔深層潔淨卸妝油】、【清潔滑溜潔面泡沫】、【緊緻毛孔爽膚泡沫】、【滑溜美肌輕感保濕霜】、【深層淨化毛孔泥膜】、【皇牌毛孔細緻底霜】。 而家就等我同大家分享下今次令我覺得最最最期待，同埋將會回購既Product——【緊緻毛孔爽膚泡沫】!!! 一直以黎為左改善T字位同眉心位置嘅粉刺問題，反反復復嘗試過唔同有酒精噀爽膚水，但係每次都因爲太刺激、甩皮嘅關係而放棄使用呢類型產品，所以今次試用都好期待AHA果酸帶比我嘅效果！ 使用方法： 建議一星期2-3次（起初建議隔天使用以建立皮膚耐受性） 將泡泡局部擠上毛孔粗大/容易出油位置 用手指拍至皮膚完全吸收 用後建議加強保濕，亦可配合【滑溜美肌輕感保濕霜】使用。 效果可以見到本身鼻上面有好多黑色一點點頑固黑頭，而家終於慢慢減少，配合其他產品吸走曬！臉頰兩側毛孔都收細左，眉心明顯摸到平滑左！【緊緻毛孔爽膚泡沫】吸收後好乾爽，feel到無

micb好用推薦：多謝@cosme 邀請試用 Benefit 全新推出嘅the POREfessional PORE CARE 毛孔護理系列☺️ 本身我臉上都冇咩特別大問題 最煩惱就係鼻哥側邊毛孔粗大🥺 用過其他清潔泥mask會覺得好刺激 用完之後塊面會紅左 但benefit呢個系列都好溫和舒適 皮膚唔會繃緊 解決到毛孔問題又唔傷皮膚 之後都會想持續使用～ 連續用左14日 每日嘅step就係: Step 1. The POREfessional Get Unblock 暢通毛孔深層潔淨卸妝油 用全乾嘅手打圈按摩塊面 然後濕少少水再按摩 令到卸妝油乳化 之後就咁用水就可以好輕鬆咁沖洗乾淨 唔駛怕用油會整到成塊面油淋淋 反而感覺好保濕 Step 2. The POREfessional Good Cleanup 清潔滑溜潔面泡沫 佢冇改錯名 用完真係好滑溜！ 唧出嚟係透明少少杰嘅水狀 唔係好多泡 用完唔會帶走左水份同繃緊 好舒服 呢個系列最鐘意就係呢係洗面泡沫 Step 3: The POREfessional Tight'n Toned 緊緻毛孔 爽膚泡沫 有果酸成分 幫助去除老化角質同緊緻毛孔 我會

sammiimelda好用推薦：呢款護手霜主要係買俾我屋企嗰位用嘅 因為佢唔想要太重香味嘅護手霜 而且佢話呢個包裝望落去好Pro 😂 佢嘅質地係比較重身 似係膏狀 完全冇香味 延展性唔高 但因為藥用護手霜 主要都睇返係功能上面 的而且確 冬天乾裂嘅話完全係滋潤到嘅

波娜好用推薦：好好用！又平！（$20一枝） 雖然細細枝 但係因為佢潤 所以咇少少都夠用～ 佢最好嘅就係潤得嚟又唔笠！ 搽完大概半分鐘後就吸收 可以掂keyboard/文件都唔會hi到周圍黏笠笠～（我之前用其他牌子會搞到啲紙有個油印） 大推 會回購

Kriskirs09好用推薦：化妝棉無染色 純天然就當然最好 用都安心啲啊嘛🙈 佢仲可以比你撕開兩片咁用👍🏽👍🏽👍🏽

Nicole 好用推薦：這款化妝棉吸水性非常好，無論是化妝水或是乳液都能均勻吸收，方便做洗臉後的保養工作，而且不會殘留棉花屑屑在臉上。

Gloria好用推薦： 好開心可以得到Cosme X 毛孔護理專家Benefit PORE CARE毛孔護理系列-毛孔水份導入精華（爆水泡泡珠）嘅試用。佢呢個爆水珠珠，係一個水性嘅啫喱入面有油性嘅珠珠，啫喱狀可以好易推開，滋潤的油就慢慢滲透入皮膚，接摩吸收完，會覺得皮膚有一層精華油嘅膜咁好滋潤，但又清爽不立痴痴。佢呢個啫喱狀接觸到皮膚就開始慢慢溶化，而佢個玻璃樽加上樽口設計，要大力少少先可以倒到出嚟，所以較難控制用量。我T字位容易出油，毛孔好粗大，特別下巴位置有好多粒粒。 試用時覺得出油少咗，不過毛孔無變化，皮膚就變得有光澤又好水潤咁。大概第14日，朝早發現下巴位的粒粒裏面啲污糟野浮晒出嚟。用化妝棉清理浮出嚟嘅污糟之後，下巴即刻光滑咗好多，粒粒減淡咗。 用左兩星期嚟講，我覺得用爆水泡泡珠，對於毛孔粗大嘅情況我覺得冇乜太大幫助，但毛孔會乾淨咗，出油情況係改善好多可以keep到成日，同埋皮膚好光澤，膚色均勻咗，摸落去係滑咗嘅。

Carcar好用推薦：首先多謝@cosme 同Benefit 抽中試用一系列收毛孔新品🥳 好開心因為之前自己買過Benefit 既毛孔細緻乳霜黎用，都覺得好好用。今次可以試下其他野🤩正！ 講下個包裝先，好少讚包裝靚，但佢隻色真係好鬼靚，一打開個內盒係粉紅色，撞得好靚，一路開一路期待試呢支 毛孔水份導入精華（爆水泡泡珠）😍 一拎出黎，嘩，d爆珠睇落閃令令，好靚，即刻試用下先！ 試上手，少少份量已經可以推開全隻手。啫哩質地水潤柔滑，一抹即時補充水份。乾燥既細紋即刻被撫平，用後肌膚明顯感到滋潤同嫩滑❤️❤️ 前後前後搽上面時，會聞到淡淡既玫瑰果清香，感覺舒服😌 持續使用兩星期，配合其他benefit產品（滑溜毛孔去角質粉、緊緻毛孔睡眠面膜），面部肌膚變得柔滑，面頰毛孔變細緻。而且感覺後續護膚品更易吸收👍🏻👍🏻👍🏻 肌膚依家水油平衡，訓醒冇再滿面油光😍返工坐喺冷氣房內，到下午都只係出少少少少油，個妝貼服左好多！好開心好鍾意❤️ 推薦給水油唔平衡，T字位油，面頰乾既混合肌🫶🏻

iliya 好用推薦：Covermark Silky Fit 啞緻柔霧粉底嘅顆粒細而滑，上面嘅效果自然又貼服，而且不易脫妝，但遮瑕能力略為遜色🙈🙈🙈

Nicole好用推薦：一直聽人講Covermark依個牌子嘅底妝產品唔差，做咗幾日功課之後終於決定去專櫃試一下 顏色方面用咗櫃姐推介嘅SN20，上面之後比較自然，唔會過份白 Silky fit 比我想像中更加好用，粉質非常幼滑同細！上妝速度快又方便，上咗一層之後毛孔已經遮得七七八八，皮膚睇落去超級無敵好！妝效非常貼服，唔會浮粉、亦冇乜重粉感/面具感❤️ 唔會卡粉卡到一撻撻或上得唔均勻，眼紋同埋鼻翼位置都唔會卡粉 遮瑕效果可以少量咁疊加上去，唔會太厚重。一到兩層左右已經好勁，大致上可以遮到我嘅紅印同雀斑，但可惜未能夠完全對付到我個萬年黑眼圈XD 用後未見有敏感情況出現，上多兩層都唔覺得有負擔(*^^*) 見到自己皮膚好靚咁越用越上癮！ 目前為止未覺得乾，對乾皮膚非常之友善❤️ 同以前用過嘅粉餅差太遠，甚至好過氣墊！相信今個夏天至愛非佢莫屬 購入價$420，有盒同粉撲。粉盒設計太靚，令我忍唔住成日拎出嚟望XD 外型美觀大方，方便拎出街用~

劉肥貓好用推薦：卸妝卸防曬 卸得乾淨徹低 性質溫和 用後無敏感 一支非常耐用 容易購買

zetalhc好用推薦：卸妝卸得很徹底乾淨，而且唔刺激皮膚，水性嘅質感油性肌膚唔會覺得油，而且用完唔使用水沖走，非常方便。

LenaC好用推薦：excel既光感美肌粉底液~ 想試好耐 質地：液體啫喱狀既精華粉底液 塗抹起嚟非常舒適 含81%美容液 喺修飾皮膚之餘 仲可以為皮膚提供護理❤️塗抹既時候 粉底液好似精華液咁好易推開 係可以非常順暢咁延展既質地薄薄一層延展於肌膚 好貼服 塗抺過程如同護膚一樣舒適 因蘊含精華成分 完美實現保濕感 輕輕塗抺 如圖所見 可以柔滑撫平肌膚紋理 打造閃閃發亮既零瑕白滑肌：好處： 1. 唔使用妝前乳直接塗抹 2. 遮瑕同時 並無厚塗感 輕鬆打造具透明感既盈潤光澤 3. 具防曬度 SPF28·PA++ 防曬護膚一支包辦 P.S. 有多款色系選擇 我揀既係ST01：明亮膚色

Fng好用推薦：Excel 光感美肌精華防曬粉底液 Skin Tint Serum SPF28 PA++ 持久度有六至八個鐘，遮瑕力一般， 但貼服，以開架品牌嚟講性價比算可以。

Grace Yeung好用推薦：依家天氣雖然唔凍，但係皮膚好乾好痕，所以買黎使用，使用後感覺好補水！皮膚冇咁抿緊 

Noel好用推薦：美國藥妝店的贈品，小小一枝10g竟然足夠使用一個月 😂 份量很省呢！面霜有點爽身粉味，這個 BB味面霜晚上使用很舒緩啊！潤膚乳呈白色，質感柔滑，比較 soft，塗到面上係順滑，好好推💕 沒有油膩感，算幾 light 👍 我尤其喜歡用這個乳霜敷鼻子及兩側，比較易敏感或變紅的位置，都適合用這枝去舒緩一下。