Ressie14好用推薦：#火熱新品 市面上出售嘅胭脂有粉狀、膏狀、液體狀形態林林總總，消費者選購時忐忑喺顏色之間，仲要諗埋妝容效果先可以揀啱適合既產品！今次我試用775號色 ORGASM RUSH 深玫瑰古銅色，呢隻係2024年SS新出嘅顏色，肉眼睇佢係棕紅帶燈色，好似好深色？日常妝未必Carry得到? 等我試吓先！我從NARS 5月份網上活動獲得「迷你胭脂」一件，係新貨贈品，好多謝NARS慷慨送出。 擦一下在臉蛋上，落左街影左幅相見佢係溫暖嘅紅色，顯色度理想，粉質幼細，雖然話就話「眼見為憑」，但隻深玫瑰古銅色擦喺雙頰並唔誇張，效果好似體溫上升導致兩頰紅潤嘅感覺，好自然，加埋少少金色幼閃粉（影相影唔出），好有夏日陽光閃閃燦爛嘅感覺，整體上妝容比較活力熱情，襯埋比較磚紅色嘅唇彩就超級靚。 P.S NARS產品唯一未能燒著我，係因為佢既特色就係外殼「啞光」質地，原來係好易會黏塵！同埋一不小心刮花咗就係永久嘅痕跡。 所以如果買佢既產品我都係超中意超中意先會入。

Karina Ko好用推薦：笑容係女性最好嘅化妝品，但如果有胭脂嘅加持，令到膚色紅粉菲菲咁，就會更加令人覺得眼前一亮✨平時化妝，我老公就最鍾意望住我搽胭脂，佢話因為無論心情靚定差，搽胭脂果下都一定笑到好甜，所以胭脂+ 笑容一定係最好嘅組合。 近來試左NARS最新出嘅全新升級胭脂，顏色有好多選擇（出咗20款顏色，包括啞光、緞光同埋珠光質地），每隻色都好靚，同埋唔同嘅顏色可以配合唔同嘅妝容，真係令人好難選擇呀❤️😍我就用緊777 Orgasm 蜜桃粉紅色，帶金色珠光☺️呢隻粉色非常自然，係自然靚肌膚嘅顏色，唔會太紅，令人覺得好突兀嘅感覺👍🏻 佢嘅金色珠光效果比起白色珠光更加適合亞洲女性嘅膚色，有一個好自然highlight嘅感覺❤️連朋友都讚隻色好靚，拉左朋友落坑🤣NARS全新升級胭脂質地柔滑，顯色度高，唔易飛粉，顏色亦都好持久！就算出全日街都唔使點補妝👍🏻真係深深愛上咗呢一款胭脂🥰 佢嘅包裝簡約，好薄好輕，方便帶喺小手袋，仲有埋鏡盒功能，真係好好啊💕唯一嘅唔好處就係冇附帶細掃🥲如果遲吓有呢方面嘅改進就完美啦🙏🏻 呢款產品$330，屬於中等價位！由於效果出色，感覺上都物超所值嘅☺️

Fish Tse好用推薦：#我的最愛碎粉 哩款蜜粉係品牌既暢燒產品之一，化妝再精緻都好最驚就係化完妝唔持久，所以蜜粉揀得岩係好緊要 之前我用開係Laura Mercier，其實佢既定妝效果都好好，但我覺得用完個妝感好似比較重。默為我係偏向自然系，最尾比我試到哩款真係岩都唔岩就買左 睇落去係白色好細好幼既粉，用蜜粉掃上左面之後係透明色，完全唔會影響左本身個妝感，我通常會係T字位同下巴上多少少 點樣先為止夠呢就係摸上去係滑捋捋唔會有d黏既感覺，基本上12個鐘都唔會溶妝，利申我係混合偏乾既肌膚

CLS24好用推薦：我混油/油肌，平時只有用粉底液時才用碎粉定妝！呢隻碎粉係透明既，幾中意佢個篩網設計～唔洗搞到周圍都係！！重點定眼下/T字位，其他地方都係輕輕帶過！粉質幼細易推，不會泛白，幾控油但唔會龜裂，個妝容易keep到全日！專櫃貨來講唔算貴，相當易入手，不過可惜冇粉撲送！

mandy好用推薦：Clé de Peau Beauté (CPB) CORRECTING CREAM VEIL 粧前乳霜 (光采柔滑) SPF25 PA++ $500 from CPB 這是我用過最滿意的妝前底霜(primer)， 質地柔滑，非常好推，只需一粒黃豆的分量， 已可足夠全面使用。 粧前乳霜 (光采柔滑) 即時為肌膚自然提亮， 可以單獨用(有素顏霜的自然效果)，也可之後再上粉底。 蘊含不少控油成分，可以幫助肌膚減少出油， 粧前乳霜 (光采柔滑)質感輕盈，非常透氣， 彷彿沒有使用底妝一樣，不會令人有厚重焗束的感覺。 SPF25 PA++具防曬效能，但如户外活動就 要先上SPF50 PA++++的防曬。 增添了養膚成分，如保濕、防曬及抗氧化等成分， 化妝同時護膚。 含保濕成分: 矽靈, 丁二醇, 甘油, 赤蘚醇, 木醣醇, 氫氧化鋁, 硬脂酸, 海藻醣, 聚矽氧烷-2, 茶氨酸, PEG/PPG-14/7 二甲醚, 甘氨酸 及 水解蠶絲蛋白 抗衰老成分: 甘油, 維他命E 及 刺梨果萃取 防曬成分: 桂皮酸鹽, 二氧化鈦 及 苯基苯並咪唑磺酸 鎮靜消炎成分: 木醣醇, 維他命E

Fish Tse好用推薦：哩個品牌比我既感覺係好貴婦feel，包裝各樣都好精美，係用緊唔係護膚品既時候同用緊護膚品係冇分別，一樣係有護膚既功效 哩款妝前乳霜有分兩款分別係光采柔滑同柔霧啞緻，我比較中意光澤感所以揀左光采柔滑 妝前乳霜呈膚色少少偏亮，延展性好高我用大概珍珠大小既份量分別放係兩邊面、額頭同下巴之後向外推，近鼻頭位置毛孔較大既就用打圈既方式推入去令到毛孔睇落去平滑d冇咁大 上左之後即時見到係肌膚提亮左，膚色均勻左黑眼圈既位置都相對淡左好似韓國d偽素顏一樣，有種光澤感，仲唔會黏黏的 即使後續唔上粉底單獨使用效果一樣好好，後續上粉底令個妝更加貼服好似媽生好肌膚一樣，到左夜晚肌膚都唔會變得暗沉真係一上就愛上 底霜有SPF25 PA++對於日常唔係去暴曬既話其實都已經好足夠，另外加入左獨家護膚成分智慧亮肌精華對肌膚修護、防禦等有所提升個效果

PorscheB好用推薦：官網既介紹 NARS Light Reflecting 原生光蜜粉餅推出全新2色，更能貼合不同色調。適合所有膚色。質地輕盈和輕易混合，這款標誌性配方將美妝定妝一整日，塑造出輕盈潤澤的妝效。粉末中的聚光複合物（Light Reflecting Complex）完美折射光線，有效柔化臉上細紋瑕疵。糅合Photochromatic Technology自動感光科技，妝容可自動調節適應不同光源，令膚色與光線完美融合，不論真人或上鏡、任何角度和光線下，都能綻放自然光采，無時無刻展現最佳狀態！ 網上睇setting powder 既介紹 一定會見過人地推介nars 呢盒 依盒已經係第二次hit 到底🫶🏻 真係十分好用 ，上妝效果好好 好滑， 妝感好靚 控油效果好滿意 雖然盒裡面有塊 薄薄既棉 比人補妝用 但試過幾次，都完全唔知點掌握先會用得好。 所以自己都係屋企 用掃上。 對於自己混合性皮膚黎講 一年四季都岩用，不用令到皮膚摱摱緊。

Kakar好用推薦：之前係用NARS既蜜粉，用哂之後轉左蜜粉餅，都好好用！！！見有好多人都講過原裝既粉撲好難控制，我自己係用掃/長毛d既粉撲攞粉，然後輕輕印上面，就好輕易上到粉。上完粉過左十幾分鐘之後，妝容係最自然。然後呢個牌子既蜜粉令妝容持久度十分高，一整天過後都唔覺得有脫妝。 最近呢盒粉餅用完，轉左另一隻粉之後，深深明白到呢盒粉既持久度有幾高，控油能力有幾好。依家用其他牌子既蜜粉，兩個鐘就開始脫妝，仲要額頭油到反光。 同埋呢隻粉係珠光色，唔會誇張，但令個妝更加靚。

Carmen好用推薦：好開心收到Cosme送出嘅試用裝❤️ 今次會試用Dior新出系列🥳🥳傲姿唇膏💄💄 一如以往Dior採用深藍色包裝，有種好高貴嘅感覺 今次收到2款不同訂制嘅唇膏， 包括係999號色嘅絲滑唇膏同埋720號色嘅啞緻唇膏💄 999號絲滑唇膏，產品同Dior所介紹嘅一模一樣。999號色屬於正中紅色，好顯色，超級順滑，完全唔會繃緊，亦都唔會黏笠。 皮膚偏黃嘅寶寶 用完之後立即會顯白❤️ 如果嘴唇偏乾，多唇部細紋，建議入手絲滑唇膏。佢會令你嘴唇保持滋潤同鎖水唔會咁容易出死皮。適合旅行同去party用。只需要帶一支唇膏就可以出街☺️ 720嘅啞緻唇膏，係屬於玫瑰豆沙色。比較適合秋冬嘅妝感，搽上咀會令個人即刻變得好溫柔，好適合拍拖同男朋友出街嗰陣用。會令到對方好想錫你😘😘 唇膏輕輕一搽就已經好顯色，雖然佢係matte 系列嘅唇膏，最重要係唔會令個咀顯得更加乾會保持到滋潤但又做到啞色嘅效果☺️☺️

auntiemuscle好用推薦：先多謝 @cosme 抽中左我試用 得到一支正貨裝同refill, 可以試到兩隻色 原來唇膏都有出refill,又為環保出一分力😀 Dior唇膏一直都冇機會試 因為覺得價格都貴 今次收到 772 Classic Matte 同refill 720 Icone Satin 兩隻都顯色度高 遮到原唇色 我冇用潤唇膏打底 一搽上咀質地都好柔滑 唔會kick住 啜着 同埋係好易搽 係跟著個唇型搽 唔會好易化開 唔會好難搽暈 好易控制 不過我都係鐘意用手/掃鬆返開個唇邊 自然啲 同埋一啲都唔乾！好貼咀 耐左都唔會繃緊好似有層野漿住個咀咁 亦都唔顯唇紋 同埋係都好持久 飲水唔係印走左  再講下分別兩隻色 一般matt色啞色唇膏都比較乾 但呢支一啲都唔乾 classic matt 就真係同名一樣classic 覺得係比教岩日常淡妝用既唇色 真係可能內眼線加睫毛 一用772就好夠精神有氣色 同埋佢個啞色係唔令身 又未去到啞色到乾果種 係粉粉地既深裸色 溫柔感重 同自己用開既nude色有啲唔同 另外720 satin icone 就絲滑妝效 水潤啲既質感同埋因為有啲光澤 係立體感重好多 個唇型立體

Sophia好用推薦： 這次入手的是Dior鏡光誘惑唇膏Rosemania限量外殼和558 Bois De Rose色號唇膏。 Rosemania外殼以浪漫的淡淡粉紅色為主調，並飾以精緻浮雕的Dior monogram，散發著高貴優雅的粉嫩氣息。而558 Bois De Rose是一個非常溫柔的玫瑰木色，帶有一絲絲的無花果調，不偏粉也不偏橘，是一個非常百搭的顏色。無論是日常淡妝還是正式場合，都能輕鬆駕馭。它的質地非常水潤，上唇非常順滑貼服，之後感覺亦非常輕薄舒適，滋潤得來不會有黏膩感。即使是嘴唇狀態不好的時候，也能很好的修飾唇部，讓嘴唇看起來飽滿有自然光澤。 Dior鏡光誘惑唇膏外殼不時推出各樣限量款式，包括近期的巴黎和聖誕主題等，都很精緻優雅，可隨時按自己心情裝扮𨍭換外殼，亦令人忍不住珍藏。總體來說，無論是唇膏外殼還是唇膏品質都非常出色，是一款兼具顏值和實力的唇膏！💖✨️

Tobimak好用推薦：呢支係Dior鏡光誘惑唇膏❤️我第一眼望到已經好鐘意，因為覺得成個外殼黑色好高貴好酷。 而我手上呢支就係527色，實物偏向豆沙色，好適合我呢啲黃皮既人，而且仲係唔化妝都carry到既色，超適合日常便用。 佢質地好滋潤，搽上咀會有光澤感。 十分推薦呢支唇膏比大家👍🏻

PorscheB好用推薦：第一次用Make Upforever呢個ultra Hd 定妝粉 之前都係用碎粉 倒出黎果種 感覺都係比較難掌握用量 今次呢個粉餅 只需要用掃 掃 然後fing走多餘既粉 就可以上面 粉質好幼細，定妝效果滿意 價錢唔算好貴 性價比ok 特別中意 個粉盒有塊鏡 個外殼唔膠 有手感 亦都有啲重量 有高級感覺！ 最方便就係出街補妝都有得照住 唯獨係無位放棉 / 掃仔 如果帶出街用，就要另外擺補妝工具

sylsylsyl好用推薦：由於貪方便嘅關係，雖然知道碎粉會抵用過碎粉餅好多，但係都係用碎粉餅多 始終可以唔使倒黎倒去同怕拎粉太多太少 對朝早趕急嘅返工時間黎講好緊要 所以我呢盒碎粉餅其實係向屋企用，工具係大powder brush 因為佢係無粉撲向入面 如果要帶出街未必好方便 顏色係白色，上面係完全唔影響粉原有顏色 然後粉質好幼細，有柔焦效果，再加控油 （但唔會過乾） 係我春夏秋會用嘅碎粉餅 冬天會轉用保濕強d嘅選擇

Fng好用推薦：givenchy 四格碎粉，made in Italy，我買咗02號色，帶象牙珠光的，適合想打造柔美有光澤的肌膚，粉質輕盈、細緻，妝效係自然持久的光澤感，些小遮蓋瑕疵，上碎粉後皮膚質地光滑，皮膚質量捉升。⠀

Rosa好用推薦：蜜粉質感細膩，能保持妝感自然 非常喜歡 非常容易做到裸妝的效果 這是我最愛的效果 尤其我有時候選用厚身質感的面霜，面上油光滿面，用這個蜜粉上面，立即呈現又薄又通透水光感 非常值得回購

mandy好用推薦：Charlotte Tilbury Matte Revolution Lipstick 摩登霧感唇膏 $300 摩登霧感唇膏蘊含保濕成分，有效滋潤雙唇，故上唇妝時也不會感到乾燥，而且不顯唇紋。 帶誘人的朱古力香味，令人更喜歡使用摩登霧感唇膏。 完妝為霧面唇妝，而摩登霧感唇膏最為一熟悉的色號當然就是最有名氣的#Pillow Talk，是非常熱銷的霧面nude pink色號。 #Pillow Talk 平時用Nude Pink的唇膏都好驚顯得唇绝蒼白，而Charlotte Tilbury摩登霧感唇膏#Pillow Talk就沒有此問題，仲好適合用來化偽素顏妝或約會淡妝。如果各位靚靚想挑戰Nude Pink的唇膏，不妨嘗試摩登霧感唇膏#Pillow Talk，絕對是零失敗的色號。 #Pillow Talk Medium 中性色系的Pillow Talk Medium雖然比Pillow Talk稍為深色及帶啡調，但同樣易carry又顯肌膚白，很適合配搭日常的淡妝，是適合每天使用的唇色。 含保濕成分: 矽靈, 微晶蠟, 氫氧化鋁, 紅花籽油 及 醋酸鹽維他命E 控油成分

Fng好用推薦：Charlotte Tilbury 唇膏 stoned rose 色號，偏暖色調，啱曬黃皮嘅我，夠顯白， 搽完之後氣息返曬嚟， 同埋搽上嘴唇 唔會起乾皮，有滋潤感，就算食完嘢都有一半嘅色keep返喺咀上， 值得回購。

mandy好用推薦：Clarins Lip Comfort Oil 凝亮護唇油 #04 粉紅甜果 新版的凝亮護唇油非常好用，可以滋潤乾燥雙唇，亦不會有黏笠感， 使用感相當舒適，建議大家在秋冬季要有一枝唇油在手，隨時急救唇部。 完妝效果挺美，帶富滿滿的光澤感。 成分簡單，以保濕、抗氧化及抗衰老成分為主，敏感肌也能使用。 04 粉紅甜果 此色號為唇妝注入甜美感及滋潤度，顯色零色差， 塗上唇後雙唇即時變美及充滿光澤。 滋潤的雙唇可以為用家帶來不錯的第一印象呀！ 含保濕成分: 荷荷巴油, 鏽紅薔薇籽油, 歐洲榛籽油 及 醋酸鹽維他命E 抗氧化成分: 荷荷巴油, 鏽紅薔薇籽油 及 醋酸鹽維他命E 油性滋潤成分: 荷荷巴油 及 歐洲榛籽油 鎮靜消炎成分: 鏽紅薔薇籽油 及 醋酸鹽維他命E 抗衰老成分: 荷荷巴油, 鏽紅薔薇籽油 及 醋酸鹽維他命E

CLS24好用推薦：購入01自然蜂蜜🍯！佢係天然淡淡既蜜糖味，搽上唇係透明無色，只會blink blink地帶有光澤。 可以日常用，搽完唇膏後再搽起面，當唇彩。我自己就最中意當唇膜用，因為佢唔粘嘴。夜晚臨訓前搽完，訓醒第二朝就十分水潤。長期用，個嘴就keep 住靚狀態，上唇妝就輕鬆好多！ 最中意佢個頭，好貼合唇形，好易就上到好靚既唇彩！佢仲有好多隻色揀！不過要注意⚠️開封後6個月要用晒！！如果夏天冇咁乾唇，建議秋冬先再購入！！