在精華液的世界中，「CP值高」也許不再是大家的考慮點。用戶依賴精華液去改善他們的皮膚，只要功能A+、價值貴一點也是OK的； 但假如功能不達到他們的標準，價錢不貴也不是優點。精華液的世界是多麼的嚴苛呀（笑）。

而且，也許精華液的功能分類實在太多了，我們發現用戶使用過的精華液超多的！而且不再是集中在某些熱門產品上，而是群雄割據的場面⋯⋯！

所以我們根據精華液的功能（保濕、美白淡斑、抗皺、穩定肌膚、控制爆瘡問題），分類介紹產品。一齊來看看網友對各種「精華液」最一針見血既點評吧！

對於缺水肌來說，即使其他類型的護膚品有補濕功能，也可能不夠。這時候，就要用具有深層保濕功能的精華液。別以為保濕是很基礎的功能，對於25+年齡用戶來說，由於水份流失的速度更快，大家也更看重精華液的補水、鎖水功能。

所以，也些用戶會選擇較貴、但保水效果更顯著的精華液。

mstomato：
「我是敏感肌加乾燥肌，呢枝精華幫咗我好多。佢可以瞬間幫皮膚注養，而且佢嘅保濕力好高，同時做到鎖水功能。第二日皮膚脹卜卜，即刻健康晒。」

櫻花：
「夜瞓族用嚟急救一流！吸收得好快，用完明顯feel到肌膚緊緻咗，毛孔都收細埋。敏感肌用都冇問題，除咗貴之外，基本上好滿意！」

hsjvanessa：
「這款保濕精華是真空壓瓶設計，一滴不漏，設計方便！
其保濕力都算足夠，不過我全套護膚步驟都係主打保濕，對此意見未必最準確。

但此產品令我最滿意的是其不黏笠的質地，我很怕精華液會痴笠笠，吸收慢，很多保濕精華都要靠面霜補救精華本身的黏笠感，但這款單搽精華已覺得好吸收和舒服，乎合我對保濕精華的要求，同時對我來說補濕力足夠。」

natanatalie：
「爆水效果驚人，而且有時做特價會好抵！
我係油肌，唔用得太笠嘅精華，但又需要補濕！
呢支爆水精華可以為毛孔泵入源源不絕水份，而且唔會引起敏感，更加唔會覺得笠。」

美白淡斑是其中一類很熱門的精華液。不論任何年齡層，也會想要透亮的肌膚，所以此類精華液幾乎是亞洲黃肌的全年齡層需求。當然，在提亮肌膚以外，大家還很希望精華液能重點去斑、去印，如果看不到明顯去斑、去印的效果，可能會減分。

stardustz：
「我已長期使用了好幾瓶，喜歡它很快被吸收的質地。
用後的肌色變得較均勻透亮而且有光澤， 用的時候不覺得效果明顯，但停用後就會覺得皮膚明顯暗沉。」

irenechan：
「連續用了數月，覺得臉上的斑被去掉了不少，他的質地是比較水的，塗在臉上很快就被吸收了。建議在晚上使用，畢竟他也是維他命C的產品。覺得最好不要在白天使用。」

Aivlys：
「呢款精華係白色嘅乳液狀，搽上臉有少少黏但尚算可以接受，保濕度唔錯，用完唔會皮膚唔會乾爭爭或者敏感，使用感中上。
功效方面就覺得皮膚有平滑同透亮咗少少，但唔覺有抗老或者針對斑點嘅淡斑功效。
暫時唔考慮買入正貨，因為價錢真係比較貴同埋效果唔係非常有感。」

到了30歲，大家對抗皺功能的保養品需求會急劇上升。不過要與歲月及基因對抗是很難的。如能有效抗皺，那是多麼稀有的功能哦！所以市面上的抗皺精華，採用的成份、技術更高端，一般也比其他功能的精華更貴。

櫻花：
「搽上面好快就吸收晒。
用咗一個月之後，毛孔明顯收細咗。肌膚變得細滑緊緻，皺紋都少咗。神奇嘅係連暗瘡印都冇埋。
雖然個價錢真係幾貴，但呢個效果真係對得住個價錢囉。」

stardustz：
「這款精華液的質地較為濃稠，但用掌心溫熱後按壓全臉便能挺快被吸收，沒有粘膩感。它主要的功能是針對毛孔及皺紋。滋潤度對於乾肌的我不太夠，得配合其他滋潤的精華液適用。用後覺得毛孔變得較細緻，細紋也有些許淡化，肌膚更顯豐盈柔滑。」

Aivlys：
「默默地用完咗兩支。

Buffet嘅可取之處就在於：
多效合一：一支有齊多種淡化皺紋嘅胜肽；
唔易致敏：全日都用得，唔怕光又唔怕同其他精華相沖；
使用感好：雖然佢都係比較濃稠，但喺TO家族裡面算係比較易吸收。

個人覺得用完係會有微微提亮同平滑皮膚嘅效果，但並唔係好明顯，如果追求速效嘅話可能就唔啱用啦。」

如果最近肌膚狀態不好，有痘痘或敏感，除了基礎保濕和鎮靜健膚外，使用美白、抗皺等功能的功能性精華也不太適合。具有鎮靜健膚功能的精華液，能盡快穩定受刺激的肌膚。那有什麼產品，是問題肌的理想選擇呢？

YongYong：
「這個品牌我非常喜歡，也使用有一年了～有一種淡淡花香～不刺鼻。擦在臉上很快速就能吸收了～

推薦原因：
➡️ 保濕提升
➡️ 光澤提升
➡️ 改善泛紅

上妝都很服貼喔！價錢就是貴了點。」

potato0410：
「呢枝精華係我覺得可以做埋face cream嘅一枝。
好快就會吸收到，佢除咗保濕以外，當你生緊暗瘡 / 泛紅嘅時候，佢係真係幫到你鎮靜到皮膚。」

Bibi951427：
「少少重嘅香料味，每次用前要搖下，佢有D嘢會沉係底。本人為偏油性肌膚，上臉會有少少黏黏油嘅感覺，不過拍幾下會吸咗，夠保濕。不過如果年輕嘅可以用輕透版會好吸收D，或冬天用。」

橘子貓：
「精華是淡橙黃色，似偏水狀的乳液，有一股小棕瓶系列必有的味道，塗上臉很快吸收，但又會帶來滋潤感。
我習慣在Period前後使用，一來升級版小棕版加了水楊酸，可以疏通毛孔，令生理期生痘痘的情況減少，二來價錢比較高，集中使用比每天用感覺比較化算。用了大半枝後，皮膚狀態比較穩定，痘生少了，同時兩頰皮膚變得細緻些，總體十分喜歡！如果價錢親民一些就更好了！」

mrpx：
「優點：控油力強、不刺激（臉部有破損除外）、平
缺點：控油以外效果無感、使用感比較差會同其他產品打交起屑

用過2樽，只對控油有感，若果係追求收毛孔同美白效果可能可以考慮Paula’s Choice既B3有加Vitamin C比較有效。但Ordinary對控油穩定皮膚狀況都幾出色，加上價錢親民試試無妨。

個人係用黎控制breakout。人生第一次爆瘡係2年前爆左大概半年，當時試左唔同product包括Ordinary既B3，但當時無發現邊個product最主要令我塊面好反。

大概經歷左1年穩定期，上年12月尾突然因為hormones問題狂爆石頭瘡，試左好多人話治療暗瘡減低復發好既La-Roche Posay既Duo+，用左2個幾星期反而爆出更多瘡。當時出街下下都要化妝遮暗瘡，咁岩因為T字狂出油未到下午就浮哂粉，突然諗起Ordinary B3。控油即時有感，大概少左一半油量變反正常狀態，化妝可以撐到大半日。配埋Paula既BHA gel一早一晚用左大概一星期暗瘡就冇再出乜滯，頂多一星期1-2粒新既亦都唔係大石頭瘡。而家已經大概穩定返。

誠意推薦油痘肌同有過度出油問題既人試試：）」

精華液可謂眾多護膚類型中，競爭最劇烈的市場！而在百花齊放的市場上，如何揀選到最適合自已膚質及問題的精華液？

本次挑選出來的心得，內容、質素都很好，大家對功能效果上的描述更特別詳細。有些網友會特別建議什麼膚質、問題、季節，甚至加入自己的護膚程序讓他人作參考。我們特以公開表揚及獎勵上述心得。恭喜12位網友：Aivlys、stardustz、櫻花、irenechan、hsjvanessa、mstomato、YongYong、potato0410、natanatalie、Bibi951427、mrpx、橘子貓。