市面上有不同的實力粉底液，並沒有哪個「最好」，只有哪個「最適合你」。

縱使市面上有很多粉底液產品，我們從近170篇心得中發現，最多人寫心得的熱門粉底液，大約有10款左右。這些粉底液各具長處，而這些長處也是大家公認的，可是也會因不同定位、妝效、較適合不同膚質，而讓用家們對它們的觀感有所偏差。

因此，我們建議大家購買粉底前，參考用家的真實使用感，看看什麼粉底對什麼肌質較友好、較適合塑造什麼妝感，再根據個人需要（如：控油？完美遮暗瘡？自然偽素顏？CP值？非常持妝？），來挑選最適合的粉底。

NARS 自然亮采持久粉底液，於@cosme上的心得評分是5.1 / 7。

很多用家都指它的遮瑕力、持久力都非常強，而且非常耐用，能遮暗瘡這一點成為了用家的最愛。
可是，亦有用家指產品質地厚重，「面具感」略重，成為扣分點。

sukihhhhhh：
「用完一次之後返唔到轉頭，已經回購左，係長期使用既粉底！

遮瑕力超強既粉底，上少少就遮到8成瑕疵，就算有暗瘡都唔洗再用遮瑕膏，超級方便。而且每次用一泵就夠上曬成塊面，太多反而會令到妝感唔自然，所以一支用到好耐，價錢雖然有啲貴但好襟用好抵，上一支用左年半都未用完！持久力都好高，出街一日都唔洗補妝，又唔會點出油，真心推薦！」

mei：
「粉底質感冇咁水感，但上臉後都算易推開，每次用只需要用一粒豆嘅份量就可以搽晒成塊面，所以用咗就快一年到而家我都未用完。

佢同其他粉底出嚟嘅妝感最唔同嘅地方就係會厚重d，但呢個都係佢嘅賣點，因為出嚟嘅效果相當遮瑕，除非你面上有好深嘅暗瘡印，否則單純用佢都已經唔使特別補遮瑕。但始終上妝後嘅面具感比較重，所以如果鍾意自然淡妝嘅話佢就唔係你嘅好選擇了，相反如果你需要全日都keep好個妝既話，佢就會係你嘅好夥伴。」

M.A.C 專業無瑕霧鏡粉底，於@cosme上心得評分有5.7 / 7的用戶高分。

用家一般喜歡它自然霧面的妝效及高遮瑕度，可是亦有用戶表示此產品對油肌、混合肌比較友好。

inkitsung：

「我揀既係n12，粉調系最白。我覺得佢比較持久，延展性強，用好少已經可以搽勻全面～同埋遮瑕度高！不過我覺得佢唔夠保濕，如果我呢類乾燥肌用～反而覺得佢可以做到水油平衡，較適合油肌同混合肌～」

Jan：
「感覺還算水潤，無咩味，因為係試係手上，咩打底都無搽 ，都算容易推開唔卡粉，有少少笠，延展性尚可。
然後測試防水性，直接沖水同洗手，都無點溶妝，大力捽就甩咗啲，效果亦都ok。
遮瑕效果相當出色，用筆畫咗個印測試，一層粉底液已經可以很好地遮蓋皮膚瑕疵，幾乎睇唔出有印，唔需很厚粉底都可以有自然霧面妝感，不過略嫌唔夠透氣。
如果需要高遮瑕度嘅粉底液會係唔錯嘅選擇。

綜合評價：
水潤度：3.5 / 5
防水性 4 / 5
遮瑕度 4.5 / 5」

GIORGIO ARMANI 設計師光感粉底液，於@cosme上的心得評分是5.3 / 7。

用家們大部分認同它透薄、能提亮膚色的效果，能改善暗啞，且適合很多膚質。可是遮瑕力不特別高。較適合追求偽素顏的用戶。

Yannesyan：
「我膚質：皮膚偏乾，眉心鼻樑易出油，黑眼圈黑色素明顯

用後感：此粉底液特點係藍珠光配方針對暗黃膚色，我用4號色，質地透薄易推，水潤型，滴係手上都會感到它好流質，我非常喜歡薄薄一層已能均勻膚色改善暗啞，做到好自然既偽素顏妝，非常貼服，而且有光澤感，雖然簡介中沒有主要介紹它控油，但我覺得控油度不錯，一整天後鼻位只有少量出位情況，妝感妝久度很好！它既缺點只係色號少及太貴呀！」

GUERLAIN 祼光絲柔精華粉底液，於@cosme上的心得評分是4.8 / 7。

喜歡它的用家，都愛它有「奶油肌」的獨特光澤效果；可是，有用家表示其遮瑕力卻比較失色。如果本身肌膚比較少瑕疵的人，又想試試光澤肌，不妨試試使用。

肥兔仔：
「有奶油肌效果，適合皮膚中性的朋友。遮瑕能力算一般，暗瘡印要另上遮瑕膏，基本上一日帶妝都冇問題。
價錢雖然貴但個效果幾靚，我用晒應該會再買。」

Noel：
「粉底液質地很 creamy，手指觸感密著，流動性較低。要提一提，粉底的味道有少少難聞，但上妝後會消散。上妝工具而言，我比較喜歡用 氣墊粉撲 / 美妝蛋 去apply，氣墊粉撲有效堆疊出遮瑕度，而美妝蛋就能使底妝更清透！

上完妝的一刻，會覺得妝感自然，就像自己的皮膚一樣；過了5分鐘左右，可以發現光澤感慢慢透出，很美很自然。小燈泡的遮瑕力不錯，可堆疊到約有7成，暗瘡印和斑點等等，都要加一點遮瑕膏。持妝力也出色，化妝大半天，都沒有脫妝問題，晚上觀察，就只出了一點油，妝感仍在，感覺很驚喜。」

shu uemura 無限輕透持妝粉底液，於@cosme上的心得評分是4.7 / 7。

此粉底主打持久透薄的自然妝效，用戶都指其抗氧化能力出色，即使時間長也不會讓膚色暗沉。可是，用戶也不約而同地指產品對乾肌不太友好。似乎更適合油肌或混合偏油。

KeniceSin：
「用緊574號色，質地清爽透薄，有中度遮瑕，粉底上面冇氧化情況，last 到 6-7 個鐘完全冇甩妝。自己的話一年四季都用到，不過秋冬的話就最好用啲保濕型嘅base打底先。」

Noel：
「只要選對妝前產品，乾性肌膚都能用的 soft matte finish 粉底液！我的色號係 #564 Medium light sand，初時很抗拒這個色，因為個人用開的各類粉底，都好少去到“sand”。不過，用耐了先發覺顏色很自然，match 頸部膚色。

粉底的味道不太討好，好在味道很快消散，不會太困擾。這個 Unlimited 粉底流動性偏低，延展性稍為遜色。不過，相對地遮瑕度高，一層可達70%遮蓋度。妝感會較重。產品沒有氧化問題，上班一天都沒有暗沉，不錯。防曬系數 SPF 24 PA+++ 足夠應付日常生活！

乾肌使用這枝粉底，必須注意妝前打底。個人會用 MUF 白色補水 Primer / Too Faced Hangover Primer，或者選用滋潤型防曬產品。

雖然粉底的效果理想，不過使用前＋使用時，都有很多要照顧的地方，感覺不太 user friendly～」

REVLON 持久無瑕水潤粉底液，於@cosme上的心得評分是 5.7 / 7 的用戶高分。

用戶表示，作為開架粉底液，此粉底的表現讓人滿意、甚至有驚喜，適合追求CP值的用家。可是亦有聲音說產品質地太厚重。

ZoeTung：
「人生第一支開架粉底液，從此一直回購。依隻粉底有分油肌或乾肌款，個人就揀左油肌。控油力中上，但遮瑕力非常高，用左基本上唔洗用遮瑕膏。

使用一整日後，有少許浮粉，但以依個價錢黎講非常接受到，推薦比所有學生或初踏社會人士，非常高性價比，同埋佢按一下已足夠全臉使用（若用太多會變得很厚粉）非常耐用。色號亦非常容易選擇。但冬天使用此款粉底液會不夠補濕，會變得容易脫妝，建議夏天使用較好。」

L'OREAL PARiS 持久無重24小時零瑕粉底液，於@cosme上的心得評分是 5.7 / 7 的用戶高分。

與REVLON 持久無瑕水潤粉底液一樣，此產品具有高CP值。用戶表示，產品控油能力好。

balabababa：
「控油能力好好，基本上全日常返工出街都keep到全日唔脫太溶。而且上妝時手感幾好，好少已經推開出好多，用海綿上妝個效果幾好，會回購。」

我們挑選了11篇心得，這些心得被編輯認為真實、中立、說服力高，亦有足夠原因，說明為產品打某個分數的原因。

我們在此恭喜各位網友：sukihhhhhh、mei、Jan、inkitsung、肥兔仔、仙地、Noel、KeniceSin、ZoeTung、balabababa、Yannesyan。