粉餅具有明顯的長處：清爽、包裝輕便、質地輕盈少負擔、自然，可是它的短處也比較常見：遮瑕度較低、持久度較差、乾肌不太友善。

可是，在目前常常戴口罩的日子，有些用家說：粉餅也許是一個更好的選擇⋯⋯？！

一起來看看有什麼好用粉餅，除了質地輕盈清爽、妝感自然之外，同時有較高遮瑕度及保濕度吧！

Nicole：

「一直聽人講Covermark依個牌子嘅底妝產品唔差，做咗幾日功課之後終於決定去專櫃試一下。
顏色方面用咗櫃姐推介嘅SN20，上面之後比較自然，唔會過份白。

Silky fit 比我想像中更加好用，粉質非常幼滑同細！上妝速度快又方便，上咗一層之後毛孔已經遮得七七八八，皮膚睇落去超級無敵好！妝效非常貼服，唔會浮粉、亦冇乜重粉感 / 面具感。唔會卡粉卡到一撻撻或上得唔均勻，眼紋同埋鼻翼位置都唔會卡粉。

遮瑕效果可以少量咁疊加上去，唔會太厚重。一到兩層左右已經好勁，大致上可以遮到我嘅紅印同雀斑，但可惜未能夠完全對付到我個萬年黑眼圈 XD

用後未見有敏感情況出現，上多兩層都唔覺得有負擔(*^^*) 見到自己皮膚好靚咁越用越上癮！

目前為止未覺得乾，對乾皮膚非常之友善。同以前用過嘅粉餅差太遠，甚至好過氣墊！相信今個夏天至愛非佢莫屬。」

Nicole：

「朋友推介之下網購咗一盒試用，買咗Y225，少少偏黃但可接受。

比起個粉餅本身，我更加欣賞佢個粉撲嘅設計 XD 個雙面設計真係好貼心！通常我係用黑色面上妝，白色面補妝。

佢主打持久唔脫妝，但或者可能我未做好保濕，所以好快就會浮粉。鼻頭亦有會出班駁、一撻撻嘅情況。

遮瑕力中上，用咗之後好似開咗Fliter咁，皮膚超級好，毛孔同細瑕疵冇曬咁滯XD 黑眼圈未能完全遮蓋，要用少少遮瑕。

防水防汗能力好好，整體來講其實性價比唔差，但皮膚極度乾燥嘅人需要再考慮一下。」

MaggieWong：

「超級無敵好用！呢個粉餅出晒名遮瑕力好高！但係粉狀所以完全唔焗，勁清爽，粉質好幼細。

用佢白色個面可以完美遮蓋毛毛孔黑頭，仲有凹凸洞會blur到平滑左小小，睇落去冇咁顯眼。用黑色個面上粉，紅印大約遮到8成，淺色嘅暗瘡印都可以遮到，但係深色嘅就大約7成。如果夾硬嚟嘅話上多幾層都可以遮到嘅。

通常我淨係搽咗防曬就用佢，初初係會有少少粉感，但係望落去感覺好乾淨。過咗一陣之後慢慢出油就會變成奶油肌，幾有光澤感好好睇！至於持妝度大約5個鐘就要補下，因為佢唔係好控油。但係用去黑色個面補一補，會變到好似啱啱上妝，世界級好用！」

Minaaa：

「本人混合肌，T字出油量多，兩頰偏乾，毛孔較粗大、有一點痘疤和泛紅。

這款粉餅是我夏天購入的，遮瑕力不錯，上臉遮得住我七成毛孔，但遮不住泛紅，單上粉餅是對我來說遮瑕力是不夠的，所以我都先上一層遮瑕膏再刷粉餅。

它的優點是出油之後會變成奶油肌，感覺皮膚很好；但是缺點也同樣是它不控油，大概撐三個小時就會溶妝，但它溶妝不會顯得臉上斑駁，用紙巾印一印就可以。此外，千萬不要在臉上還濕濕情況下刷這款粉餅，不然會斑駁不上妝。」

LorraineTsung：

「比起 MAKEUP FOREVER，我覺得呢款仲好用。
乾皮用一啲都唔會乾之外，用黎補妝，個妝可以好似岩岩化咁。直接補都無問題。
而且直接用黎上妝，效果仲好似上粉底液咁，而且好適合依家帶口罩又需要化妝。粉餅始終比較乾爽，會比較適合依家用！」

lucrezianoin：

「據說係100％ mineral，可以用喺眼、cheek、lip都可以！
試完之後覺得質地又真係同平時嘅好唔同，顯色度唔算太高，但係可以堆疊。而且落妝非常容易，感覺好似冇其他化妝品咁傷皮膚！」

choichoi：

「保濕感滿滿的一塊粉餅，能呈現薄紗般的妝感，個人感覺特別適合秋冬使用，但當在夏天使用過亦令我驚艷，不會輕易因為流汗掉妝～有一定的持妝度！

唯防曬系度有點低，要抵擋紫外線的話就要在隔離霜的挑選上花點心機了。

相對傳統的粉餅也是比較小巧易攜，嗯～～也可以算作一個優點吧（笑）」

cw：
「自己睇開的美妝主播介紹，而且個價錢重咁親民，便有衝動即刻去買，但可以購買的地方也不多，之後去了幾次SXXA，才買到想要的色號。記得有四個顏色可以選擇，我買了最淺色的色號EX1，買回來我當蜜粉使用，搽了濕粉后用化妝掃一層一層印上，出來妝感自然，也能吸收了面上多餘的油脂，盒子包裝很輕，而且也有鏡子，袋出街補妝都好方便。」

Aivlys：
「以前總以為粉餅係上咗年紀嘅人先鐘意用，後來見網上有人話其實粉餅係對皮膚刺激最少嘅底妝產品，於是就半信半疑咁開咗呢盒粉餅嚟用。

呢款粉餅粉粒幼細平滑，遮瑕度唔算非常好但勝在妝感夠清透，配合埋同品牌嘅Long Keep Base嚟用嘅話會非常持久，如果唔用都唔係唔得，只不過會明顯較容易泛油～

改用粉餅後覺得暗瘡的確係生少咗好多，就算戴住口罩都唔會焗到起粒粒，令我開始對粉餅類底妝感興趣！？？非常推薦佢畀偏油肌嘅人！」

感謝各位網友的推薦，讓我們知道，市面上有些出色的粉餅產品，在保留粉餅的傳統優勢（清爽、無負擔、方便）外，同時克服了它們的傳統短板（遮瑕、持久度）。

在此恭喜8位網友：Nicole、MaggieWong、LorraineTsung、Minaaa、lucrezianoin、choichoi、cw、Aivlys。