作為完妝最後一步既碎粉產品，用家們對碎粉的要求其實挺相似的：首先，一定要做到「控油、定妝」功效，這是碎粉的最基本又最重要任務；其次則是透薄、自然，不要為妝容增加粉感；再者則是耐用、CP值；如有額外特色，如護膚成份、折射光線功效、包裝精緻等，則更加分了！

我們從開架、專櫃、@cosme STORE有賣的產品中，挑選了各種碎粉產品及評價，購物前看看網友意見，說不定能幫你買到滿意的碎粉產品 ★

原來很多人都用過innisfree 礦物控油碎粉！此產品價錢相宜，讓人很易入手。不過有些用家們會覺得它控油能力太強，適用偏油肌，你又有用過嗎？

Amber：「對我黎講，佢係innisfree最好用產品之一。回購左幾次，最大優點係：細細舊方便帶出街，吸T位面油用，同埋本身自己有留瀏海，倒少少係瀏海到吸頭油一流。」

Kylieee：「我係混合肌，冬季偏乾、夏季偏油。

呢個控油強勁嘅產品，就算係夏天黎講都係太乾。夏天用得少又溶妝；用得多又顯乾紋同勁甩皮，而且啲粉對我黎講都係偏白，上臉太明顯。
雖然好多朋友大推，但可能都係岩油肌多啲。

唔係我杯茶。」

NARS 裸光蜜粉餅是品牌的熱門產品之一，擁有細緻的粉質、富質感的包裝，因此用家的口碑普遍也不錯。

Kumiko：「設計方面：
- 粉餅裝非常方便，又輕巧，細細件放入手袋仔；盒質感唔錯～
- 雖然有塊粉餅撲配合使用，但塊粉餅撲好簿，用耐咗會變型，而且撲底係白色，好難睇到粘咗幾多粉。上面時要輕輕推/拍上面先唔會抹走底妝。
- 所以推薦用掃或其他蜜粉工具配合用～

粉質妝感方面：
- 細緻，透明～提升透明感，唔會太乾同做到霧面效果！」

DECORTÉ 的碎粉產品，是@cosme 日本排行榜的常客！其出色的包裝、淡淡的香氣、獨樹一幟的微閃妝效，用「驚艷」來形容它也不為過。雖然它的價值偏高，可是實力卻不會讓人失望。

do8270423：「包裝高貴，唔算十分控油，但係妝感好靚呀。粉質好幼細，能呈現柔焦感，帶有一點保濕力。唯一缺點就係價錢有點貴。」

essence在屈臣氏某些分店有售，它的價錢是品牌的最大武器。

Kristy：「入門平價推薦品！平過個常餐，但有足足8g！
好鍾意用大掃係咁掃跟住上面，粉係偏透明，但係matt所以上面係霧面，掃幾多都唔會話好厚粉。

冬天用我都唔會話乾（冬天我混乾），夏天最熱時，頭六個鐘都stay到，再耐啲可能要補補佢。
油肌夏天用，可能買另一款綠色字（好似係super matt）會再控油啲。」

韓國品牌 Banila Co. 在當地很受歡迎，而此碎粉產品在國外口碑不錯，不過在香港則需要花點時間尋找它的蹤影，你又曾用過嗎？

ZoeTung：「粉非常幼細，油肌非常岩用 （控油力高），夏天使用一整日都keep到個妝；冬天因為較乾燥，所以用依款較易脫妝。

係韓國買通常有優惠，所以價錢都非常合理，會一直回購，夏天時用 ✓
唯一缺點係：佢個盒設計非常難用，用到最尾得返少量嘅粉時，會倒唔到出黎。
佢個盒亦非常難拆，所以用到最尾會有啲勞氣。
（上網睇話，可以倒轉開佢就用得，而我方法係搵男友幫手拆開）」

KayL：
「粉質幼細，而且上面唔會太有假面嘅感覺，比較自然，特別適合皮膚好嘅女仔用。試過唔記得咗落妝就瞓咗，但好彩第二日皮膚無敏感。
缺點係好容易甩妝，所以需要用啲好強嘅定妝產品，另外塊粉餅仲好容易跌碎，會好浪費。」

lily：
「本身佢有少少防曬效果，最適合嗰日去街但留係室內較長時間嘅時候用。可能有時候想有偽素顏感覺、太懶都會直接用佢做底妝，之後再上少少陰影，高光等等，望落去自然又有小女孩嘅感覺。另外因為都算係粉餅，所以帶出門補妝都比較方便。至於落妝方面，用最普通嘅卸妝水已經輕鬆落到。」

NARUHO：「懶得上底妝日子必用。用後即時臉色變得均勻提亮，塗了去做運動也沒有問題，而且一盒可以用很久，CP值不錯的。」

pigletmok：「佢係定妝用途，好薄好透，如果搽左遮瑕膏之後，覺得太厚唔想再搽POWDER的話，可以試下用定妝粉，個妝就冇甘易甩，又唔會太厚妝。其實Sales話佢係天然礦物製造，所以唔會太傷害皮膚。我搽左一年有多，覺得佢唔會令到皮膚黃喎，幾好用。」

ZoeTung：
「回購第三次嘅產品 ❤ 佢嘅蜜粉餅係香港唔算出名，但經台灣網友推介，發現超級無敵好用。

首先非常控油：在夏天30度以上嘅日子，一定會揀佢用。
會遮到毛孔，令皮膚無咁粗大，妝感都非常自然。

就算萬一keep唔到個妝，佢都非常容易攜帶係袋中，方便拎出街補妝。

最後，夠平、又耐用。（因我是去日本時買，所以印象係比香港買更平，約$55左右）
如果無跌碎的話，佢係可以用到3個月左右（試過唔小心跌落地 會成餅碎曬 ⋯）

但最後扣一粒星原因係：佢無色號揀，個人塊臉用得太多美白產品，佢嘅色比較偏黃，希望佢出返隻無色版。

在此恭喜10位網友：Amber、Kylieee、do8270423、Kumiko、Kristy、ZoeTung、KayL、lily、NARUHO、pigletmok。