平價轉季唇彩之選! 150蚊內的日系水嘟嘟唇彩，拒絕乾燥感、讓秋冬的雙唇依然水嫩!!!
轉季之際，除了一定要開始挑選適合入秋入冬的唇彩搭配之外，「護唇感」也成為話題! 顏色適合秋冬之外，兼具水潤感的唇彩受到滿滿的推介與關注!
幾周前 Beauty lovers 趁著活動，分享了超過100則唇彩/護唇的美妝好物心得，而編輯亦特別整理了全部的分享，一起來看看有哪些【150蚊內】的平價唇彩美妝品獲得最多 Beauty lovers 近日的青睞!
另外也同場加映三款獲得 beauty lovers 滿滿推介的護唇產品~ 不論作為夜間保養項目之一、又或是塗上唇彩之前的步驟，都是很重要的喔!
超平價唇彩推介
飽滿高光澤妝膜貼服於唇上，塑造豐盈飽滿、水嫩光澤、妝效持久的柔潤豐唇妝感。集合唇彩、底霜及修護潤唇蜜3合1的多功能精華豐唇蜜。配合「Spicy Plump 微辣豐盈成分」,清涼刺激感提升唇部的豐盈飽滿感。略帶粉紅的透亮色調,賦予雙唇自然柔潤血色感。完美配合鎖緊水分的油劑和在唇部表面形成妝膜的油劑的比例，使乾燥嘴唇的水分不易流失，長效維持飽滿滋潤。配合美容液成分，賦予雙唇保濕滋潤,防止粗糙及乾燥。略帶微甜、清涼感的 Vanilla Mint 雲呢拿薄荷香味。
Kathy Wai: Visee唇蜜喺開架唇彩裡面，真係好出名㗎，個個都話佢係「平價之王」。搽上嘴之後，個嘴會睇落好水潤、好反光，好似啲靚靚嘅「玻璃唇」或者「果凍唇」咁，即刻後生幾年，個嘴嘟哋哋。佢嘅質地好豐厚，可以完美填平同遮住你啲唇紋，個嘴睇落即刻滑溜哋。Blooming: Visee 精華豐唇蜜，不染唇，上嘴後嘴唇變得水潤，光澤感滿滿，會有少少閃粉在唇蜜中。不過持久度一般、食野飲水幾乎甩咗8成。
無重質感，無論疊塗多少次，仍能讓你感到無比輕盈不侷促，最適合一整日行程需要不停補唇妝的人使用。唇膏蘊含豐富光亮油分，為唇妝帶來精緻高雅的光澤感，配襯仿如融入雙唇般自然的唇膏色調，即時提升整個造型的光亮感，吸引力倍增。蘊含礦脂成分，可以防止水分蒸發，為雙唇鎖水，防止乾裂，保持豐潤，而且效果持久滋
Fng: 呢支06號係半透亮奶油質地，推開順滑唔卡唇紋，帶點玫瑰豆沙調嘅溫柔感！薄塗一層已經有好氣色，厚塗兩層會更顯色，但都保持住自然透亮感，唔會濃艷～ 保濕力值得一讚！試過秋風吹足半日都冇爆皮，唇部依然保持柔軟～不過食嘢會掉色七成，飲熱飲都會印杯，建議隨身帶住補妝～
Emily Leung: 佢嘅潤係帶少少油潤感，但絕對唔會黐脷嗲，好似俾層保護膜包住個嘴咁，轉季時嘅乾燥感即刻消失！就算你嘴唇狀態唔係幾好，有少少死皮，佢都可以修飾到，唔會卡色。T04係一隻好靚嘅蜜糖茶色，帶少少橙調，好百搭！上嘴好清透，可以疊加塗搽嚟增加顯色度。無論係素顏、返工定返學，用呢隻都絕對唔會出錯，自然好氣色，好似本身個嘴就係咁水潤咁靚！
含有如護膚品般的潤澤成份：滋潤敏感嬌弱的雙唇並緊實唇部肌膚，增加其彈性。含有珍貴保濕成分：琉璃醣碳基酸，膠原蛋白，蜂王乳萃取及迷迭香萃取。不易脫色：著色感好，持續剛上妝時的亮麗質感。不乾燥：保護嘴唇滋潤，防止乾燥、龜裂。柔細光滑的色澤：一筆就能畫出鮮明且閃耀的色澤，持色度高且易與唇部肌膚融合，讓雙唇透出光亮誘人的迷人風情。
chewyfruit: 秋冬氛圍感玫瑰茶棕色 黃皮乾唇愛到不得了～ 超溫柔又濃郁嘅日雜風玫瑰🥀茶棕色～～ 裸裸地、棕棕地、粉粉地，帶啲木質感，調色好巧妙！自然光下粉調更加明顯～~ 清透自然，上嘴超舒服，潤而不膩，輕輕一抹就化開變水狀，好易上色，而且超級順滑！
持久不脫色，不染口罩、持久顯色；豐盈水潤，保濕配方，輕鬆遮蓋；唇紋打造自然妝效，輕盈質地；含植物保濕成分，潤如唇部精華，保濕成分包括山茶籽油、茶葉萃取、玫瑰莘取等。
Sakura醬: 講起 Fujiko 呢支 03 號唇釉，真係要認真讚下！轉季呢段時間，唔單只皮膚敏感，連嘴唇都特別難搞，一時乾到爆拆，一時又敏感泛紅。但係用咗呢支之後，成個感覺唔同晒！🍑 首先，佢個質地好神奇，一搽上嘴係水汪汪嘅感覺，好輕薄，完全冇啲唇釉成日有嘅「立黍黍」感。等十零秒之後，佢會慢慢同嘴唇融合，變成一層好薄好貼服嘅保濕膜。滋潤感係由內而外滲出嚟，唔係浮喺表面嗰種假潤。❤️換季期間我習慣帶住佢出街，因為個嘴一覺得乾，補搽一層，即刻可以舒緩到那種繃緊同乾燥。
怪獸級持色唇膏(水光)
價格：HKD99
Kitty: 講到最神奇嘅地方，就係佢嘅質地！搽上嘴嗰下，係一種好絲滑、creamy嘅水感，好似將液體唇釉瞬間凝固咗咁，完全唔會立痴痴。而且佢好易推勻，唔會話卡喺唇紋度，一搽上去就已經有種水光感，睇落個嘴唇嘟嘟哋，幾得意。總括嚟講，我覺得Kate呢支細管固體唇釉係一支性價比幾高嘅產品！價錢親民，質地舒服，妝效自然又有光澤。好適合啲唔想成日擔心嘴唇乾，又鍾意水潤光感嘅女仔。
Tobimak: 百元以下美妝品推介 ！呢支怪獸唇膏一上市嘅時候香港斷貨斷到買唔到，所以我都要飛去日本才能成功入手，不過而家香港都有貨了， 建議小資女見到嘅話一定要入手一支！我手上呢支就係2號色，係一隻帶少少橙既粉紅色 ，而質地就有少少似唇蜜。 我認為係咁多隻色入面最靚最百搭嘅一個色號，連素顏都carry到。佢一搽上嘴已經望落超水潤，個嘴唇望落好飽滿，搽上嘴連唇紋都消失埋！
護唇推介
運用高壓超微分子原萃技術(Low-molecular extraction with Super-high pressure)，以高壓及常溫水來萃取並保留珍貴有效成份，不藉由有機溶劑或高溫等方式，獲取純淨的8大抗氧化莓果精萃，包括草莓、覆盆莓、蔓越莓、藍莓、枸杞、無患子、雲莓和咖啡漿果，”覆盆莓”富含鞣花酸、多酚抗氧化劑和維他命C；”蔓越莓”富含多酚抗氧化劑提供唇部紅潤來源，超級抗氧化物”藍莓”含有高量的花青素…..等，能有效舒緩乾燥粗糙的雙唇，回復滋潤柔嫩的Baby唇。
YYeman: 秋冬轉季嘴唇全是死皮，乾到好似東非大裂谷！呢個時候梗係唔少得潤唇膏同唇膜啦！LANEIGE 睡眠唇膜我已經回購咗好幾年，臨睡前敷一層，第二朝起身即刻見到雙唇變得粉嫩。如果覺得嘴唇太乾，我都會直接敷，我自己就唔一定限住臨睡前先用。連續用一個星期，可以明顯感覺到雙唇粉嫩咗，氣色都好睇～
Kitty: 之前我晚晚吹冷氣瞓覺，朝早起身成日覺得嘴唇好乾，仲會起晒白屑咁👎🏻。自從用咗呢個唇膜之後，真係成個驚艷到！佢嘅質地好似膏狀啫喱咁，搽上嘴即刻融化成一層保護膜，好舒服，仲有陣陣莓果味🍓，好似食緊糖咁～ 最神奇係第二朝起身，嘴唇完全冇乾裂，仲好似飲飽水咁嘟嘟哋😚！洗面時候捽下嘴唇，死皮會好易捽走。用咗個幾禮拜，連唇紋都淺咗，而家擦唇膏真係順滑好多～
獨特的紅糖精萃，具有長效保濕及滋潤的功效，保持唇部肌膚彈性及柔嫩光采，同時含有SPF15的防曬功效，為唇部肌膚阻擋外界環境因子的多重傷害
Kitty: Fresh呢支黃糖潤色護唇膏真係好出名，係品牌嘅皇牌產品。一打開已經聞到好香甜嘅黃糖味，好想食咗佢落肚咁！質地非常滋潤，好似將潤唇膏同護唇精華二合一，就算轉季時極緊繃或冬天乾燥到爆拆嘅嘴唇都可以即刻得到舒緩，仲有淡淡嘅自然血色感，好氣色即刻返晒嚟！
Blooming: 黃糖潤色護唇膏，黃糖香氣怡人，一上咀潤澤度高，不過因為是護唇膏，顯色度不會很高，可略顯氣息，光澤度亦都唔持久。
4種蜂蜜萃取物：蜂蠟、蜂皇漿、麥盧卡蜂蜜及蜂膠，溫和滋養，即時修護乾燥雙唇。滋潤不厚重：嚴選8種優質精華油，帶來剛剛好的柔滑潤澤，不影響後續唇妝。100% 食品級成分：無人工香精，天然淡淡蜜糖味，絕對安全，用得安心。香港獨家配方：專為本地推出的限定蜂蜜潤唇配方，為日常護唇帶來嶄新體驗
Emily Leung: 升級版曼秀雷敦蜂蜜潤唇膏真係有料✅ 加咗四重蜂蜜成分，複方配搭效果更潤，比單一蜂蜜滋養效果再升呢！我通常朝早返公司搽一次，落到班對唇都仲係潤噉噉，有時仲會攞嚟做晚間厚敷，用咗一排之後連唇紋都淡咗唔少～
Cole Cole: 曼秀雷敦LIP PURE天然植物潤唇膏（蜂蜜味）真係好啱秋冬用，塗上咀即刻感覺到好滋潤，唔會有油笠笠嘅感覺，反而好輕盈自然。佢用咗天然植物油成分，好似乳木果油、杏仁油嗰啲，對乾燥爆擦嘅嘴唇真係有幫助。夜晚瞓覺必搽，第二日朝早起身個嘴唇都仲好滋潤，平時朝早出門前塗一層，基本上一日都唔使補，嘴唇keep住滑滑哋，唔會甩皮。
-------------------------------
看完這些精采的唇彩 / 護唇心得，你是不是也超心動!!! 快快分享你的轉季唇妝好物，與眾多 Beauty Lovers 分享吧~~~
