感謝@cosme提供試用😍 Innisfree面膜係一直都有買開 今次抽中左試綠茶 同巴西莓 😌 呢兩款我都比較少接觸 咁岩呢排轉天氣，皮膚有d過敏泛紅，就好岩用啦：） 先講綠茶🍵 綠茶款賣點係保濕 舒緩 抗氧化 打開包裝係聞唔到綠茶味既🤣 面膜精華gel 狀 面膜紙貼面，精華唔會四圍滴 美中不足係面膜既人中位比較長，鼻位又比較短，要稍微摺疊一下，唔算好大問題 敷既時間建議係10-20分鐘 我自己敷足20分鐘，面膜紙都唔覺乾，餘下精華可以敷下其他身體部位😆 敷完第二日，訓醒唔覺得皮膚好乾，上妝前都唔需要特別再敷一塊面膜先，鎖水度算唔錯👍🏻 同巴西莓一齊用左6日， 明顯睇到皮膚有變得透亮左👍🏻 無出現轉季既乾紋👍🏻 泛紅亦得到舒緩👍🏻 呢個價位，都唔使點諗，趁雙11，我都去入手💋

多謝@cosme嘅試用邀請，今次係innisfree嘅綠茶面膜同巴西莓面膜 。 打開面膜可以見到滿滿嘅精華，乳白色比較接近乳液嘅質地。面膜嘅剪裁好好，加上佢嘅材質係好柔軟好似棉咁樣，整張吸滿晒精華，就算撕返落嚟個陣都仲係好濕。敷緊嗰陣就算坐喺度做野亦唔會滴落嚟。 我每次都敷15分鐘，聞到係莓果香，我覺得都算比較甜嘅氣味。敷完包裝入面都仲有精華剩，我會塗上臉再用刮痧板按摩一陣再洗面。 最近嘅天氣剛剛開始轉乾，早晚溫差又大，我連續敷咗innisfree嘅面膜6日，睇落感覺有變得更透亮，本身到下午皮膚就會覺得乾，但最近都少咗好多乾癢嘅感覺。

今次試用嘅綠茶面膜好有驚喜！我收到嘅組合係綠茶+巴西莓。 先講綠茶面膜~呢塊面膜有好多精華，冇乜聞到香味，由於面膜紙係比較透薄嗰種所以敷住行嚟行去都唔會重到跣落嚟。敷上面有一陣清涼嘅感覺，用完之後覺得皮膚狀况穩定咗，好保濕，用咗3次之後，連轉季一撻撻嘅乾燥都消失咗。而且最貼心嘅係佢嘅剪裁有設計咗拉開面膜嘅呢隻角，所以即使佢冇用珍珠紙隔開都一樣好方便拎到出嚟。

面膜都好多精華 面膜都好貼 唯一係個鼻唔係好岩位 不過大部分面膜都唔岩位因為我鼻比較大 面膜都冇咩人工既香味 感覺係好天然唔會易敏感 我將面膜啲精華塗晒上面先再放張面膜上面 敷完之後我再按下面等佢再吸收 見到皮膚係透亮左 同埋係飽滿左 摸落去係涼既 柔軟既 如果睇before and after 見到啲乾既位置係即時改善到 按完面之後我係有過水 過完水都一樣係飽滿 唔會話冇左個效果 最近轉天氣突然會好乾 試過敷完會有啲泛紅（可能太乾突然保水太刺激？） 呢隻面膜都冇呢個問題 我過完水有照搽面霜 起身果下摸落都係柔軟 飽滿同埋係保濕 當日上底妝都貼啲持妝啲既 

🌟眼霜質地像乳液，淡黃色的，有淡淡怡人的玫瑰花香 🌟塗抹上眼時，延展性高又很好推，滋潤度非常足夠，很適合秋冬乾燥天氣使用 🌟吸收度很好，眼部保持輕盈舒適 🌟效果方面，滋潤效果持久出眾，持續使用去眼紋效果也不錯 🌟包裝金色玻璃瓶，感覺大氣高雅 🌟用過 同品牌的 大眼精華 以及 發光眼霜（黑色瓶），相對而言，仍然最喜歡這瓶absolue金色眼霜，它的輕盈滋潤感很適合我的眼部皮膚，提昇緊緻效果也可以幫助眼睛回復神采 （這瓶是之前用過專櫃的試用包後，覺得效果不錯，再回購正貨裝的～） #我的崇光感謝祭必買眼部護理

啲支眼霜幾好用，佢吸收好快，清爽得來，又唔會好油膩，而且非常保濕，因為入邊有透明質酸，可以幫眼周肌膚補充水份。重點係佢係適合敏感肌朋友，當中眼霜成份好天然，無添加酒精香料等等，係一支溫和嘅眼霜，唔錯幾好 #我的崇光感謝祭必買眼部護理

呢款防曬質地水潤，搽嗰陣易推開，唔會有厚重嘅感覺，亦都唔會覺得痴笠笠，而且仲有提亮膚色嘅效果，整體唔錯，會再買嚟用。

同事送的生日禮物，原來呢支唇膏仲可以刻名，真係超級開心，有自己專屬嘅潤唇膏 呢支唇膏聞到淡淡嘅甜味同香味，有啲似蜂蜜香味，滋潤度極高，冬天用真係滿分。搽一次可以好耐都唔使再補搽，可以即時滋潤雙唇同埋撫平左唇紋，滋潤度真係好正，勁好用！唇膏仲添加咗護膚成份，例如西番蓮子油等等，唔怪得搽上嘴，感覺到非常滋潤，但係又唔會好黐立立，冬天送禮自用一流！值得推薦！

最近用緊呢支去角質產品，佢嘅質地係凝膠狀，透明嘅，乾手乾面用，點五點，然後打圈，就可以推到好多擦膠碎出嚟，然後過水，過水之後皮膚覺得滑咗唔少，係一款幾溫和嘅去角質產品，唔刺激，唔傷皮膚，便宜好物， CP值高  #我的崇光感謝祭必買去角質

平價好用嘅眼睫毛精華液，我係日夜都有用，用完眼睫毛係變得強韌咗，冇咁容易掉，同埋眼睫毛都有變長咗少少，睫毛精華液嘅質地係偏濃稠嘅精華液，刷頭都係便特別嘅設計，搽上眼可以好精準搽到想要搽嘅位置，呢一點係非常好，同埋canmake嘅出品口碑一直都非常好，長期霸佔 @cosme 嘅榜單好物，我都係會繼續長期回購，誠意推介俾想眼睫毛變靚嘅大家 #我的崇光感謝祭必買眼部護理 #我的崇光感謝祭必買眼部護理