Benefit

毛孔細緻霜

多謝@cosme 今次抽中我可以試用benefit呢set PORE CARE 毛孔護理系列，可以收細毛孔控制出油嘅試用裝😊

好耐之前已經知道Benefit呢個牌子，但一直未有機會去試用佢啲產品，因為我算係小資女，除非受到身邊朋友大力推介或者咁岩撞正大特價，如果唔係都比較少去買專櫃牌子。

呢枝妝前底霜試用版勁細枝，包裝又好得意😂岩哂去staycation或者3-4日呢啲短途旅行，一啲都唔怕浪費空間！帶哂成set試用去，個收納袋都仲有好多位😆

講返正題，呢枝妝前底霜嘅質地係好似mousse咁， 都算易推，吱出黎係膚色咁，望落去係比較深少少嘅色號，但搽上面又唔覺深色左（我應該係普通膚色），搽完之後真係睇唔到毛孔！又有少少霧面，上面效果我好鍾意！不過就唔算非常易推，要搽全面嘅話，要用嘅份量都唔可以少，如果只係重點修飾某啲粗大毛孔會比較襟用啲😊

用完出街幾個鐘都唔會油光滿面，我係比較易出油嘅皮膚，用左都有減少左出油嘅情況，真係好唔錯～ 對於我黎講就唔算補濕，但又唔會覺得好乾抆抆緊。如果佢可以再補濕啲就更加好啦！
係一個好唔錯嘅妝前底霜體驗👍🏻👍🏻