Vaseline

凡士林純白花士苓

有次因為用左新護膚品，皮膚第一次出現敏感反應，又起粒粒又乾到甩皮，但又唔敢再搽其他保濕護膚品驚刺激皮膚，於是上網查到可以用凡士林。

由於成分非常簡單，連皮膚科醫生都推薦敏感肌使用，而且因為皮膚其實唔會吸收凡士林，變相係一個好好嘅鎖水屏障，原理類似係有層油浮系水上面隔開空氣，水分自然唔會蒸發流失

膏體質地杰身比較難推開，有粘膩感，而且由於係石油副製品所以有淡淡嘅油味，如果搽太多第二日洗臉會感覺好笠好難洗走（畢竟凡士林係蠟質本身防水，一定要用洗臉奶捽耐d先洗得走）以上係凡士林系使用感方面無可避免嘅缺點。

但係! 凡士林的確有好多用途，常見用途除左敏感期嘅鎖水、潤唇潤膚，GEM都分享過皮膚科醫生建議用水+凡士林+紗布 就整到嘅急救補水面膜，大家有興趣可以自己查下試下，在此我就不太詳述了。

P.S. 如果大家同我一樣平時無用開凡士林純粹買尼應急，買我手上呢個大細大概已經可以用到海枯石爛😂