Vaseline

凡士林純白花士苓

凡士林純白花士苓係一款經典萬用嘅護膚品，以高效滋潤同修護能力聞名！✨ 無論係嘴唇乾裂，身體皮膚乾紋，定係甩皮嘅部位， 呢款凡士林都能即時發揮修護作用， 為乾燥肌膚提供深層滋潤，迅速恢復柔軟平滑， 絕對係乾燥季節嘅救星！ 凡士林嘅質地十分滋潤，能夠形成保護屏障， 鎖住肌膚水分，提供持久嘅保濕效果， 同時又唔會帶來過重嘅油膩感， 使用後肌膚感覺柔軟有彈性。 同時，呢款係一款真正嘅萬用膏， 無論係當護唇膏、身體乾燥修護膏， 甚至用作指緣修護，都能一膏多用， 滿足各種肌膚護理需求，攜帶方便， 隨時隨地都可以用。

最近開始用Vaseline呢個經典產品，一直知佢有好多唔同用途，但一直都冇買。 直至之前唇炎睇皮膚科醫生，我問醫生平時可以點保養嘴唇，佢推薦我買Vaseline🤣於是我就試下！每次用完之後，唇部就好似有層保護膜咁，鎖住水分。 依加唇炎好返，我都繼續用佢做潤唇膏/ 唇膜，臨訓塗完，第2朝嘴唇唔再乾裂，唔會再有死皮。 佢另一個用途係可以搽係皮膚有龜裂的地方（如腳部），試用落黎都可以減輕乾燥情況🥹 聽說有輕微主婦手困擾都可以用佢，但未試過🤣 當然，有人話佢有啲黏，我自己覺得都可以接受，因為佢鎖水效果實在太好。價錢又平，值得一試！

凡士林呢款產品應該不需要太多介紹，應該大部份人都有用過的，主要功效都係滋潤，其實佢仲有好多用途，如果網上一查的話就會知道，又可以消炎，燙傷燒傷又可以用，痔瘡都可以用，動物又可以用。。。買一支看門口隨時可以用，我就不太鍾意搽在嘴唇上，因為會甩皮，我都唔鍾意搽手手腳腳，因為好油膩。

呢排咁乾燥，個嘴又乾又甩皮，日頭搽唇膏上嘴又現晒紋，而家每晚臨瞓前搽一層Vaseline lip therapy，第二日起身個嘴死皮輕輕一捽就甩晒，個嘴唇又變得好柔軟，令之後上既嘴唇顏色更加靚～呢款細細樽又可愛又方便放係手袋，隨時可以急救嘴唇～

每個人屋企必定要有~無論冬天用嚟搽手腳、做唇膜、用嚟溝成其他護膚品、紋身後護理等等都係用佢。 質地係痴痴立立咁，但係真係超潤。 好適合用嚟急救乾到甩皮既皮膚！ 

我嘅嘴唇比較乾燥同埋敏感 好容易唇炎 但係用呢個產品相對嚟講可以令我嘴唇第二日滋潤啲 而且好少有敏感嘅情況出現 不過質地有啲厚重同埋有浸石油味 但係佢夠平 所以性價比極高

我已經用左好多樽，覺得非常之咁好用，敏感時候係最好用，任何天氣都好岩我用

又平又好用，臨訓前搽一浸厚厚地係嘴唇，訓醒個嘴仔即刻嫩哂。尤其冬天好易乾到甩哂皮，用佢厚敷就無事。

Vaseline 凡士林純白花士苓 100毫升 *:.＊.:*:｡∞︎｡:*:.＊.:*:｡∞︎｡:*:.＊.:* :｡∞︎｡:*:.＊.:* 超級無敵好用嘅保濕產品₍ᐢ⸝⸝› ̫ ‹⸝⸝ᐢ₎我一般出動佢就係當我感冒傷風嗰陣因為擤鼻涕嗰陣粗暴摩擦皮膚而搞到嗰鼻周圍嘅位置紅曬脫皮୧⃛(๑⃙⃘⁼̴̀꒳⁼̴́๑⃙⃘)୨⃛早晚搽咗佢後3日內保證紅腫脫皮全部消失晒"(⌯︎¤̴̶̷̀ω¤̴̶̷́)✧︎而且咁大罐真係有派用仲要$50都唔駛，

🌟由細用到大的牌子，冬天家庭必備 🌟以前冬天有時會塗在腳，防止乾燥龜裂，質地是有點黏的

應該冇乜人未用過(笑)～平時用會嫌太油太笠～但一到局部位置(如 咀唇,關節位置…)乾到脫皮～就必須拎出嚟作急救用～非常快見效～

凡士林相信係人都識，佢嘅好處好多，特別係超級滋潤，我平時會當潤唇膏咁搽，查完真係滋潤好耐，亦都可以搽手踭及腳跟啲皮膚，即時就唔會爆坼。 自己屋企染髮前會查喺頭皮，耳仔，頸後面嘅位置，就算染髮膏染到都可以輕鬆清洗。 佢仲可以治療輕微嘅燒傷，又可以舒緩濕疹，價錢非常便宜，相信每一個屋企一定會有一罐，超級

凡士林每個家庭居家必備，保質期長唔怕變壞，但我就唔鐘意大罐， 專登買7g細細罐看門口。 凡士林成份簡單，主要係石蠟，為一種油性鎖水保濕劑，幫助皮膚表面阻擋水分蒸發。 效果：形成一層油份保護膜幫助保濕，尤其天氣乾燥，手指生倒刺，腳跟龜裂，厚塗瞓覺一流 質地：較硬油膏狀 缺點：較油感覺黏膩，難吸收

佢係終極的滋潤，冬天乾燥到嘴唇裂嘅時候用佢就最適合，厚身敷落嘴唇一晚就會修復到，價錢實惠非常大罐。

應該家家戶戶都有佢吧 吾洗多介紹 一物多用 細細個就接觸👍冬天乾燥丫媽又會幫我搽 搽面 搽唇 跌親都係佢 不過我真係吾鐘意佢依個質感