Vaseline

深層修護潤膚露

Vaseline 深層修護潤膚露喺新推出時已經用過，質感清爽吸收快，夏季時滋潤效果可以維持一整日。冬天雖然比較乾燥，但如果沖完涼毛孔張開仍有水氣時搽一層，等水氣消散、潤膚露吸收後再搽一層，基本上仍然全日都唔駛補。而且我非常喜歡搽完全身後，用餘嘅潤膚露，再按摩一下膝頭及手踭，加強滋潤，連呢兩個非常粗糙嘅地方都非常柔軟。

Vaseline 蘆薈舒緩潤膚露帶好重嘅青瓜味，如果唔喜歡青瓜嘅人要留意，我個人就對青瓜香味一般，但家人頗喜歡。但佢質感比深層修護潤膚露更清爽，更快吸收，更加適合夏季或潮濕時嘅天氣使用。由於呢款我係第一次試用，按吸收速度同滋潤程度估計，如果冬天比較乾燥嘅季節使用，可能需要早晚各一次先夠滋潤。但如果喺夏季使用，基本上沖完涼搽一次就夠。

兩種潤膚露質地都偏水潤，唔似cream咁好杰或難推開，塗抹時間比較短，亦唔需要太用力按摩。Vaseline兩款潤膚露都非常建議沖完涼馬上後塗抹，發現比起其他時間塗抹，呢個時候搽係最吸，能夠發揮長效保濕滋潤效果。如果時間緊迫的話，呢兩款潤膚露都非常適合要快速完成塗抹動作嘅人。