YSL BEAUTÉ

情迷凝亮唇蜜

收到試用到而家，只夠日子短短試用兩日。呢支唇蜜非常滋潤顯色，但略嫌太漿。以前試過多款YSL唇膏、唇彩、唇蜜，大多都顯色但偏油膩，雖然好滋潤，但因為我唇紋偏深，經常搽完都會跌晒入唇紋入面，剛搽完好靚，但隔一陣就會一條條痕，靚得唔耐。
但新款凝亮唇蜜顯色之餘唔會掉入唇紋入面，仲很持久。塗抹感覺稍嫌困難，因為係固體唇蜜，所以比較漿嘴，有少少太杰，感覺唔夠自然舒適，但以顏色黎講絕對一流。我呢支係玫瑰色，望落已經好靚，搽上嘴係偏自然玫瑰粉嘅色澤，非常適合日常使用。
如果呢支嘅顏色有水光唇膏嘅質地，一定會購入。