YSL BEAUTÉ

情迷水光唇膏

雖然收到試用到而家，只夠日子短短試用兩日，但對呢支唇膏嘅好感完全滿分。以前試過多款YSL唇膏、唇彩、唇蜜，大多都顯色但偏油膩，雖然好滋潤，但因為我唇紋偏深，經常搽完都會跌晒入唇紋入面，剛搽完好靚，但隔一陣就會一條條痕，靚得唔耐。
但新款水光唇膏完全冇呢個問題，塗抹手感非常絲滑，顯色之餘唔會掉入唇紋入面，而且很持久。我呢支係焦糖色，望落好似好深色，但原來搽落係偏玫瑰嘅色澤，唔單止我搽得好靚，連媽媽都好鍾意。
雖然有好多唇膏，但呢支絕對係我會想回購其他色嘅選擇。