LANCÔME

立體塑顏緊緻亮白乳霜

立體塑顏緊緻亮肌面霜 (百肽霜)
來自專櫃購買正裝之贈品之一(Lancome每次出手都好闊綽 , 送大量明星商品, 個份量儲儲下都超過一個正裝了)
我第一次接觸RÉNERGIE系列產品, 見佢試用裝5ml係白色小瓶一度誤以為佢係美白作用(即誤以為佢係淨澈亮肌個條line), 後黎先知佢係sell 緊緻淡班高效抗老 (仲有光澤etc etc, 十項全能咁既款)

打開小瓶會聞到佢自帶花香, 呢種花香好有高級感, 嗅覺上治療感滿分~ 用小匙更取出塗上臉蛋, 好易推開+快吸收, 使用試用裝仲可以奢侈地塗多一層體驗效果! 塗兩層都唔覺得厚重。 (即時感受)

效果方面：用左約一星期，5ml用得七七八八, 早晚使用, 感覺法令紋平滑左, 光澤感方面有感, 但因為大部份我使用既面霜均可達到光澤效果, 所以對此功能唔算好有驚喜。

研究過佢既成分有性質溫和既煙酰胺(Nicotinamide)為其中一項, 化學層面上佢可以解釋為美白肌膚、改善暗瘡、保濕、抗衰老；物理上佢係⽔溶性, 人類肌膚易吸收, 所以「所買即所得」, 定能促進 肌膚向好。
此產品既價格為$940/50ml, 另有補充裝售$745/50ml, (即個罐價值$195) 如果有預算的, 可以一試!