LANCÔME

極致持妝輕透粉底液

好多謝@cosme俾尼個機會我試Lancome既粉底液，尼款粉底一直都好出名，好受歡迎，好榮幸可以試用到。
我既皮膚膚質係中性偏乾，比 較小出油，但個人偏好都會上碎粉，因為始終需要戴住口罩一日，同埋都會覺得清爽d。
我所以選擇既色號係PO-01，非常貼合我皮膚嘅膚色，化出嚟非常自然 ，其實佢都會分為3個色系，分別係PO偏向冷色調，O中性色調，同埋B暖色調，而個數字係代表膚色既亮度，我相信大家都會選到適合自己嘅色號。

咁可以睇到其實尼款粉底個流動性比較高，我都分別試過用掃同美妝蛋去上妝，因為本身尼款粉底比較清透輕薄，所以用美妝蛋上妝，個遮瑕力會比較弱 ，我自己個人比較鍾意用掃去上妝，因為佢可以借到七成嘅黑眼圈，而且個妝感到十分之自然。呢款粉底係上完妝後都會有輕微既自己定妝，佢摸上手唔會有痴既感覺，十分清爽。

我每次使用呢款粉底都會持妝 10個鐘 ，佢嘅持妝力十分之好， 因為喺10個鐘後我返到屋企再睇個妝，都冇點甩到妝，keep得好好，而且尼款粉底化落比較冇負擔，我相信冬天都可以用到，我好鐘意尼款粉底，如果大家有興趣，好推介去試下。