LANCÔME

極致持妝輕透粉底液

多謝@cosme 俾我試用Lancôme極致持妝輕透粉底液，其主打自然零妝感，輕透無負擔，24小時持久控油 不脫妝，總共有14色可選擇，分為冷色調、中性色調、暖色調，我所試用嘅係冷色調PO-01。

粉底液質地水潤，容易推開，但係變乾嘅速度較快，所以上妝嘅速度要快啲，或者分區上妝。

我嘅皮膚混合性偏油，上妝後嘅感覺唔會癡笠笠，但係有啲乾，乾性肌膚可能要做好妝前保濕，遮瑕度大約有6、7成，有暗瘡印或黑眼圈比較明顯嘅，需要上多層遮瑕。

上臉感覺透氣度幾好，唔會覺得焗同厚重，長時間戴口罩都唔會覺得唔舒服。經過一整天，脫妝程度只有大約鼻頭同面頰比較明顯，同埋冇乜點氧化同變得暗沉 。整體來講唔錯，值得購買。