LANCÔME

極致持妝輕透粉底液(已停產)

感謝入選@cosme & Lancôme試用活動。
今次試用的是Lancôme TEINT IDOLE ULTRA WEAR 極致持妝輕透粉底液。
瓶蓋上的蘭蔻標誌的玫瑰花好靚！😍使用化妝工具： 美妝蛋
試用色號：PO-03
膚況：混合性偏油，T區會較容易出油
皮膚問題：膚色不均，毛孔粗大，黑眼圈，有少量斑點

一直都好想買呢支粉底液，但係又驚唔適合自己。非常感謝今次可以入選@cosme & Lancôme 試用活動。果然「好評粉底」呢個稱號系名不虛傳！！🤩點解我咁遲先遇到佢？！一試便愛上！😍😍🥰🥰

首先，Lancôme呢支粉底液質感輕薄，可以滿足自然輕透嘅願望✨。呢支粉底液很適合系炎熱嘅夏天使用，相信夏天大家都希望自己上完粉底之後唔會生痘痘，上一層輕薄嘅粉底可以令皮膚零負擔，呢支粉底液完全可以滿足呢個要求🥰！圖中可以見到薄薄上了一層粉底之後，有6-7成嘅遮蓋力，冇完全遮蓋肌膚本身有嘅光澤感，皮膚通透☺️～令人難以察覺你今日有化妝，相信以後絕對可以成為偽素顏神器！！🥰🥰另外，Lancôme #好評粉底真係可以做到全日清爽不脫妝！夏天嘅我最怕溶妝🫠，唔想成日keep住照鏡檢查自己嘅底妝有冇溶妝。 Lancôme極致持妝輕透粉底液令我系香港咁炎熱潮濕嘅天氣下可以有一個完整嘅妝容，佢真係可以做到一整天不脫妝！！個底妝好似膠水咁牢牢癡實系臉上，打風都打唔甩～😆😆

總的來說，我對今次試用Lancôme極致持妝輕透粉底液係滿意嘅🥰🥰，我會推薦混合至油性肌膚嘅朋友使用！如果你都追求自然輕透，持久嘅妝感，值得一試！🫶🏻