LANCÔME

Genifique 升級版嫩肌活膚精華 (小黑瓶)

好幸運同多謝抽中@cosme 同Lancome 試用7天精華比我試用。我一收到@cosme寄嘅lancome試用精華，第一晚即刻開黎用。精華質地比較清爽吾太杰，尤其是夏天依種感覺，搽上皮膚一陣好快就吸收到。之後就可以搽自己平時用開嘅面霜。第二日早晚一樣用佢哋嘅精華，皮膚嘅毛孔細節度未見到有明顯效果住，但係皮膚敏感紅點問題就開始消失。 第三日，我照平時化妝出門口，發覺比平時底妝貼服，唔容易浮粉。證明皮膚水份程度改善咗。第四日，當我梳洗前照鏡望皮膚冇以前咁皮膚暗沉，反而有少少光澤。去到第七日，我最期待收毛孔效果有開始嘅收細，如果加埋敷面膜就更加明顯。