LANCÔME

Genifique 升級版嫩肌活膚精華 (小黑瓶)

LANCÔME 試用活動～
感謝cosme抽中我試用CLARIFIQUE極光水同GÉNIFIQUE小黑瓶！

我係混合偏乾敏感肌，超易泛紅，面頰好乾但T zone位好易出油🤦🏻‍♀️
所以需要好保濕，但又清爽嘅精華水同精華。



CLARIFIQUE極光水（左）質地好水，流得太快影唔到😂吸收得好快！feel到保濕力好強，但要注意小心用喺本身有傷口嘅位，例如啱啱爆嘅粒粒，搽完會有啲刺痛。同埋記住要搖勻先用，確保配方徹底融和～

GÉNIFIQUE小黑瓶（右）質地就比較潤同杰身，但搽落臉同樣好快吸收，圖係我搽均五秒嘅效果。 就算放瀏海落嚟都唔會痴住🤣呢點我好中意


我連續用咗七晚，因為兩者係一齊用，所以綜合講返小黑瓶配合極光水使用後皮膚總體感覺～

保濕度好驚喜！因為我之前做完高能量嘅Facial，要keep住敷保濕mask，但我懶無敷到，只係用激光水同小黑瓶都夠保濕，無甩皮！就算成晚係冷氣房，
第二朝起身都唔會覺得乾，鎖水力好足夠！



兩張相都無用濾鏡，左邊before，右邊after，因為做完高能量嘅Facial所以偏紅，但好明顯睇到啲紅點係少咗，而且摸落好柔軟～

我本身毛孔好粗大🥲用完之後毛孔的確係細緻咗（特別係面頰位）。本身皮膚唔好，唔奢求七日就可以變到人哋咁白滑😭七日有咁嘅效果已經幾滿意，相信長期使用效果更明顯！

(⁎⁍̴̛ᴗ⁍̴̛⁎)值得推薦大家用～～