LANCÔME

Genifique 升級版嫩肌活膚精華 (小黑瓶)

〖7日試用〗
感謝今次抽中@cosme嘅試用活動，今次嘅試用產品係小黑瓶加極光水。呢個經典搭配相同好多人都講過，但今次嘅體驗仍然好有驚喜。我今次會分別講2瓶嘅7日用後體驗，同整體搭配評價。

小黑瓶
質地：流動乳白精華
用後感：清爽，大概5-10分鐘完全吸收，使用後上妝都唔會搓泥。
效果：保濕效果好，更有光澤

我會每日按照日常嘅護膚步驟，用小黑瓶同極光水代替本身用開嘅產品。我嘅用法係每2日嘅晚上用一次極光水，早晚都用小黑瓶。
爽膚水＞精華＞保濕凝膠（視情況）

開始用之前由於最近天氣唔穩定又好潮濕，毛孔都比平常更明顯，皮膚都有少少泛紅嘅情況，洗完臉額頭會比平時快出油，而且摸落有D位乾乾地。

體驗完7日剛好係百年難見嘅黑雨過去，成個環境仍然好潮濕。呢段時間保持住用小黑瓶令我嘅皮膚狀況依然好穩定，泛紅嘅狀況都有好轉，雖然好粗大嘅毛孔冇乜改善，但整體摸落質感更好，少咗好多乾燥而卡粉嘅位，睇落光澤度都提升咗。今次體驗完我應該會回購小黑瓶。