LANCÔME

Genifique 升級版嫩肌活膚精華 (小黑瓶)

LANCÔME 試用活動 !! 感謝cosme今一次抽中了我試用CLARIFIQUE極光水同GÉNIFIQUE小黑瓶 !!! 本人真心第一次試用CLARIFIQUE極光水同GÉNIFIQUE小黑瓶,, 其實自己身邊好多朋友已經用緊呢2 支產品, 仲要不停俾朋友叫我怏的入手, 就係想動手購買前, 收到cosme 通知, 我可以有7日試用, 實在開心死我!!!

我本身係混合偏乾肌，面皮較薄現紅筋，面頰好乾但T zone位好易出油, 天氣不穩時就會變成油田, 毛孔會好明顯。所以我一向好注重保濕，但又要用清爽嘅精華水同精華。

洗完面後, 我立即試用CLARIFIQUE極光水, 首先要搖混佢以確保配方徹底融和，再倒係手上輕按上面直到個面吸收哂, 我發現佢個質地好水之餘仲有少少油份的感覺, 令我feel 到個面仔好柔軟啦!！Feel 到保濕力好強，毛孔立即有細緻咗。
好啦嚟到第二個步驟, 就係用GÉNIFIQUE小黑瓶, 質地係 gel 但唔叫太杰身，但搽落臉都快吸收，因為輕輕推開同按摩下,唔夠幾分鐘就已經完美咁吸哂, 個面好似有層保鮮紙包住咁, 令到我好驚喜咁係我連續用咗七晚後, 2款產品同時一齊用，綜合返小黑瓶配合極光水使用後皮膚總體感覺係…......
保濕度好驚喜！因為我本身係好乾肌, 我要每晚都要 keep 住敷不同保濕 mask, 但今個星期我竟然可以2日先敷一次mask, 咁已經係好大証明我皮膚有改善了水份, keep 到保濕, 原來只係用激光水同小黑瓶都已經可以夠保濕, 亮澤感提升, 細紋少咗, 肌膚更柔滑飽滿, 咁我可以慳番的買mask錢黎入手LANCÔME 呢2樣產品了然!!!