SK-II

肌源鑽光精華

呢款美白精華稱得上係網紅精華嚟，
雖然唔平但喺台灣同中國都好多人力讚佢有效，
據講佢嘅主要有效成分係Niacinamide菸鹼胺，
台灣有皮膚科醫師話呢種成分可以抗老、淡斑、透亮、控油，
到底係咪真係咁堅呢？
個人用過SK-II呢款精華同埋The Ordinary嘅Niacinamide精華，
覺得只有部分聲稱功效係真係可見 ... ...
呢款精華係白色嘅乳液狀，
搽上臉有少少黏但尚算可以接受，
保濕度唔錯，
用完唔會皮膚唔會乾爭爭或者敏感，
使用感中上。
功效方面就覺得皮膚有平滑同透亮咗少少，
但唔覺有抗老或者針對斑點嘅淡斑功效。
暫時唔考慮買入正貨，
因為價錢真係比較貴同埋效果唔係非常有感。