CLARINS

賦活雙精華 Double Serum

以前18歲個陣覺得自己皮膚好好，好滑，根本唔會有用到精華既一日。但過左20歲之後，覺得皮膚狀況每況愈下，而且愈來愈乾，所以真系需要有油水平衡嘅精華。所以就接觸到尼支精華。

我既使用方法系每日夜晚系化妝水後，乳液之前用的。

精華有分兩個頭，一個系大水滴，冬天個陣需要多的精華個陣就可以用個個。另一個系小水滴，可以喺夏天需要少量精華嗰陣時用。

唧出嚟嗰一下，第一聞到嘅係精華嘅香味，聞落去好舒服。然後會見到手上嘅精華嘅油水係分開嘅，呢個時候就要用你嘅手心去均勻精華，再慢慢將你手心放喺塊面度，令你塊面慢慢吸收。

精華一開始會喺塊面度停留，但係等大約5至10分鐘之後，佢就會慢慢吸收。

用尼支精華之後感覺到毛孔細緻左，皮膚狀態穩定咗，皮膚唔會突然乾到大爆炸。所以一定會再回購。