ETUDE

Play Color Eyes In The Café

顯色度👍🏻👍🏻👍🏻👍🏻
性價比👍🏻👍🏻👍🏻👍🏻👍🏻
持久度👍🏻👍🏻👍🏻

呢盒眼影簡直係化妝新手嘅皇牌恩物！相信唔少朋友都曾經買過Etude House眼影，唔單只性價比高，而且佢一盒配好晒所有顏色，不論係化妝新手，定係老鬼，都好適合用😆

圖中嘅兩隻顏色，就係我最鍾意嘅2隻，一隻閃粉用喺眼頭，一隻matte深啡用喺眼尾，已經做到放大雙眼嘅效果。一盒咁多顏色，方便做唔同嘅妝容

優點方面，第一次覺得到產品顯色度唔係最高居然係一個優勢，因為新手化妝，或者日常妝容，好多時候都唔想化得太誇張，呢隻眼影顯色度大約係七八成，顏色係會清楚睇到，但唔會太濃，好方便你去試唔同妝感

我好care眼影貼唔貼，因為眼影最驚就係d閃粉周圍飛，呢款非常貼服，唔容易有飛粉嘅情況出現👍🏻

但如果鍾意好顯色嘅眼影嘅朋友就可能要留意吓，就算我最常用嘅深啡色，上左眼都係打左折扣，如果你想要營造更加深層嘅輪廓，就可能要用其他品牌eyeshadow幫下手。而且呢款眼影嘅持久度係爭d，可能兩三個鐘，已經會慢慢比我自己嘅皮膚食咗

呢盒眼影重有個缺點㗎，就係佢嘅包裝做得唔係咁好，我用咗幾個月左右，個眼影盒蓋已經甩咗出嚟，而家要用膠紙痴住，唔係好方便帶出街😣