MUJI

敏感肌爽膚水(保濕)

本身聖誕節買咗一支用嚟送俾朋友，後來忍唔住都係幫自己買多咗一支。呢枝化妝水容量有三個選擇，我揀嘅係中間嘅份量（200ml），價錢大概係港幣$55。

保濕度來講有三種，因為想夏天同冬天都用到，所以揀咗中間保濕度黎用。啱啱搽上皮膚會即刻感覺有保濕效果，如果冬天用嘅話，特別係嗰日天氣好乾燥，可以後續再用多一層乳液，保存住啲水份，減少皮膚上水份嘅蒸發。

用嘅時候我通常會倒五毫子份量落掌心，然後雙手搽均，再拍打喺面上。個人覺得咁樣係最快捷嘅方法，尤其是係朝早起身趕住出門口，就最啱咁樣用。

因為佢標明係敏感性皮膚都適用，本人係混合性肌膚，而我用完之後都無敏感嘅症狀，所以我都推薦有敏感皮膚嘅人可以試一下。