NARS

LIGHT REFLECTING 原生光蜜粉餅

買之前做咗好耐research
因為見有人話佢嘅閃粉會令油肌望落更加滿面油光
心思思咗好耐 最後都係買咗嚟試🤣

一摸上手 粉質好薄好幼
係薄到會令你懷疑係咪上唔到粉嘅程度
上到面 佢啲閃粉好低調
唔係近睇嘅話唔會好望到有閃粉
但會令你膚質落望好靚好有光澤
不過如果有凹凸嘅瑕疵 佢可能會令你嘅瑕疵更顯眼
成個妝感好薄好透亮 非常滿意！！

佢嘅控油度都比想像好
喺冇加其他控油產品嘅情況下 都keep到5-6個鐘乾爽
而且控油得嚟唔乾 眼底定妝唔會現乾紋
定妝力都好好 本身係易甩妝嘅膚質
用呢隻粉餅都keep到成日冇乜點甩

本身自己都容易生痘痘
暫時用咗好幾日都冇因為粉餅而出痘

整體都好滿意呢隻粉餅
無論係控油 定妝 定保濕度都好滿意
啱唔同膚質嘅人使用！