shu uemura 植村秀

unlimited 無限輕透持妝粉底液

多謝Cosme邀請試用。睇過Youtuber推薦，本身都好有興趣。

首先包裝好有質感，係黑色磨砂蓋配透明磨砂樽身，本身有埋泵頭，唔洗另外買。

粉底液本身有流動性，易推開，用手指，粉底掃或者海綿上妝都冇問題。薄薄上一層已有4成遮瑕度，修飾毛孔效果唔錯，疊加嘅話遮瑕度可以去到6成。而且感覺好清爽，唔會痴笠笠，趕時間嘅時候唔上碎粉都好持妝。

色號選擇上都好多，根據官網上嘅Guideline，揀咗574，都好貼近自己膚色。粉底有輕微氧化，唧出嚟一陣就會見到深色半度，不過之後唔會再越嚟越深色。

另外試用嘅時候，我皮膚係混合性偏乾，有局部地方會唔貼服，雖然冇乾到繃緊嘅感覺，但夏天嘅時候用應該會比較適合。