Dior

恆久貼肌柔霧粉底液

經Cosme 抽中試用，第一次嘗試Dior 既底妝產品。我冇用到附送既primer。雖然粉底本身有SPF20 PA+++，我都用咗另一枝有防曬成份既妝前乳。
粉底色號跟官方色號圖揀咗0.5N，試上臉覺得啱啱好。粉底會有啲氧化，但氧化過程大約十分鐘後就完咗，之後唔會再變深色。實測當日氣溫33.9度，皮膚有啲痘痘同泛紅，同時比較易出油。
成個實測只用咗妝前乳，Dior 恆久貼肌柔霧粉底液 同蜜粉，冇使用遮瑕同其他化妝品。
上完一層薄粉底後明顯見到遮咗大部分泛紅，膚色均勻咗，同時修飾咗毛孔同有柔霧光感。痘痘顏色淡咗，咁嚴重既暗瘡都預咗要用遮瑕液先得，所以淨係粉底做到呢個效果都唔錯。

粉底貼服又易推開，唔會好快乾咗變咗一撻撻，亦唔會因為控油而扯乾塊面，唔會覺得唔舒服。想遮瑕啲可以喺局部區域再疊加粉底。

6小時後，有少少出油變咗奶油肌，遮瑕度跌咗少少，但冇浮粉或者白芝麻出現。控油能力同持久度都幾唔錯。

結論，我好滿意呢枝粉底，均勻膚色同時遮到普通瑕疵，最明顯係毛孔修飾咗。夏天用都唔會土石流或者浮粉，期待冬天既效果。

實測圖片如下⬇️
Before:
After(未上蜜粉):
After 6小時，中途冇印過油同埋冇補過妝:
同場加映另一日夏天外出12小時後，同樣冇補妝及印油:
用紙巾印完油光，紙巾上都冇乜粉底甩咗既痕跡：