shu uemura 植村秀

unlimited 無限輕透持妝粉底液

呢款粉底液泵頭設計方面唧出合適用量，粉底液屬於liquid質地，比較稀身。

質地非常透薄，上妝非常容易推開，比較水感，一搽均勻就好快變乾，好似第二層皮膚咁，薄薄一層非常自然，冇面具感，感覺好透氣，唔會焗到出油。妝效唔錯，係霧面嘅感覺，遮瑕中等，搽一層已經令膚色睇落更均勻，毛孔同淺色斑好似隱咗形咁，整體黎講有提亮效果，至於較深色嘅瑕疵位置，建議之後疊加遮瑕膏。

即使呢排天氣潮濕，出咗街一日都仍然清透，唔會氧化變黃暗啞，控油效果比一般粉底液好，持妝效果令人滿意。呢支粉底夏天用啱哂！