shu uemura 植村秀

unlimited 無限輕透持妝粉底液

即使你唔識植村秀，都應該會 喺唔同渠道見過呢支四四方方嘅粉底液。遲啲款粉底咁出名，真 係 有 原 因！

先講講成份， 包裝上無註明有任何美容液成份，有別於近年好流行嘅粉底液咁會集美容同化妝一身，還原基本步。然而，植村秀有為呢款粉底夜注入日本有機大米萃取物，可以增強抵抗紫外線嘅能力同時亦令減少氧化暗沉。再仔細啲咁睇成份表嘅話，你唔難發現香料同埋防腐劑嘅成份，但相信坊間一般粉底液都差唔多。

粉底質地稀身具流動性，用指頭延開搽勻全面即可。多層堆疊亦可提高遮瑕度。試用差不多兩星期，習慣先用平頭掃喺臉上推開，再用粉撲按壓貼服，係需要更高遮瑕度嘅位置再用手指點上多一層粉底，已經能夠好好遮蓋面上瑕疵，係日常妝嘅好選擇。

試用期間適逢新年，天氣經歷好凍嘅時間，同時亦都有好潮濕嘅日子。不論天氣情況，粉底喺皮膚面上仍然係零負擔，比起搽面霜嘅厚重感仲輕，好神奇！即使出咗街全日+新年期間唔夠瞓，都無損妝容嘅持久度，唔洗補碎粉。今次天氣關係，就測試唔到出油後溶妝嘅情況了。

至於前文提及日本有機大米萃取物可以令到粉底減少氧化暗沉，的確係有作用但仍有一定程度嘅氧化，大概侬令顏色變黃/暖而唔係變灰，好事嚟！而且氧化時間快，約半個鐘頭就穩定落嚟，唔會再繼續氧化落去，所以氧化暗沉嘅戈問題一啲都唔大。基本上係化好妝之前粉底顏色已經穩定咗，絕對唔怕會愈耐愈唔灰或者出現面同頸兩截色。