MINON AminoMoist

輕柔卸妝潔面乳

平日我都係化好淡既妝，防曬之後就base, 碎粉, 眉，以前卸妝油, 水, 乳, cream, balm 都有用過。卸妝水用棉抹，通常都抹3-4次冇曬色先安心，但有時大力左會好刺激皮膚紅曬。油, 乳, cream, balm 好多時過完水都會有油油既感覺，又要用d 潔淨力好勁既洗面去洗走d油，咁又可能攪到洗完面好乾。

直至收到Minon 呢個輕柔卸妝潔面乳，唧出黎同以往用既卸妝產品質地好唔同，唔講係卸妝乳，會以為係water cream囉。一推就覺得好好推好水，完全唔洗用力就可以搽勻全面，而且佢無色無味唔刺激，佢既11種皇牌氨基酸係卸妝既同時，滋潤住我係公司吹左成日冷氣變得乾燥既角質層，輕輕按摩已經浮左base同碎粉既顏色出黎，眼眉都好快唔見左，用Minon 呢支卸妝潔面乳令卸妝變得輕鬆同享受。

另一樣最滿意既係，按按下唔小心入左眼都唔會醃眼，成分又冇酒精冇paraben，用得好安心，過完水皮膚清爽得黎有水潤既感覺，好舒服呢。唯一係因為我化既妝太淡，唔確定厚妝係咪一樣卸得咁乾淨😅