Kiehl's

金盞花植物精華爽膚水

老公係豆豆肌，一直幫佢揾合適嘅爽膚水想補到水之餘又唔會太潤，最好就唔好有酒精，唔好刺激到皮膚。
一直見呢隻金盞花爽膚水好多人用，本來我都諗住買嚟畀自己夏天補下水咁，點知我老公用完之後勁鍾意，仲袋咗支岀trip。
首先我老公唔係好鍾意男性護膚品果d古龍水味,呢隻反而有浸涼茶銀菊露嗰隻味，一敷上面已經覺得好下火🤣而且佢質地好薄，呈水狀，用完會有一種清爽嘅感覺。真心見到我老公搽完之後啲暗瘡冇咁紅，有一種鎮靜嘅作用。
而我自己塊面狀態唔好嘅時候，我直情搵化妝棉敷，好快就可以穩定返個肌膚狀態👍🏻👍🏻👍🏻

雖然佢好大支（最大貨裝），但係我哋好粗用，其實個零兩個月已經用咗三分一，呢個應該會keep住回購。

唯一小小缺點係：有時會倒咗金盞花啲渣出嚟，黐到塊面都係😅